მნიშვნელოვანი ინფორმაცია
5
ივლისიდღის ზოგადი ასტროლოგიური პროგნოზი
მთვარის მეთერთმეტე დღე დაიწყება 17:23-ზე, მთვარე მორიელშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. არ არის რეკომენდებული ფოკუსირება მხოლოდ მატერიალურ ფასეულობებზე. დაასრულეთ რაც დაიწყეთ. ჯობია გამოიჩინოთ მზრუნველობა და სიყვარული საყვარელი ადამიანის მიმართ, მიართვათ საჩუქარი. დღის საუკეთესო საკვებად ითვლება წვენები და ხილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ მოკლეს კიევში პუტინის კრიტიკოსი რუსი ჟურნალისტი? - არკადი ბაბჩენკოს ფოტოები აგვისტოს ომიდან
12:56 / 30-05-2018
კიევში, რუსეთის ხელისუფლების, კონკრეტულად ვლადიმერ პუტინის კრიტიკოსი, ცნობილი რუსი ჟურნალისტი მოკლეს. 41 წლის არკადი ბაბჩენკოს, დნეპროპეტროვსკის რაიონში, ნიკოლსკო-სლობოდსკაიას ქუჩაზე, ზურგში ესროლეს. ის სასწრაფო დახმარების მანქანაში, საავადმყოფოში გადაყვანამდე გარდაიცვალა.
“მეუღლე სააბაზანო ოთახში იყო და გასროლის ხმა გაიგო. ქუჩაში გამოსულმა სისხლიანი მეუღლე დაინახა და მაშინვე სასწრაფო გამოიძახა, თუმცა, ის სასწრაფო სამედიცინო დახმარების მანქანაშივე გარდაიცვალა...” - აცხადებს კიევის პოლიციის წარმომადგენელი იაროსლავ ტრაკალო.
ბაბჩენკომ რუსეთი 2017 წელს დატოვა. რუსი ბლოგერები წერდნენ, რომ მისი თავისუფლება და სიცოცხლე, პუტინის მუდმივი კრიტიკის გამო საფრთხის ქვეშ იდგა. თავად რუსეთის დატოვების შესახებ საუბარს ყოველთვის ერიდებოდა და მხოლოდ ზოგადი პასუხით შემოიფარგლებოდა, რომ კარგი იქნებოდა თუ ცოტა ხანს რუსეთს გაერიდებოდა... რუსული მედიის ცნობით, ამ თემაზე ბაბჩენკოს დუმილი, რუსეთის ხელისუფლებისა და ФСБ-ს მუქარებისგან თავის დაღწევის ერთგვარი საშუალება იყო.
არკადი ბაბჩენკო 2008 წლის რუსეთ-საქართველოს ომს აშუქებდა; ის შემდგომ წლებშიც პერიოდულად ჩადიოდა ცხინვალის რეგიონში და იქაურ ვითარებაზე, კოკოითის კორუფციული “ხელმძღვანელობისა” და რუსი სამხედროების კლანურ გარიგებებზე წერდა.
არკადი ბაბჩენკოს ფოტოები აგვისტოს ომიდან
რუსეთის ოფიციალური უწყებების მონაცემებით, 2009-2010 წლებში, რუსეთმა ე.წ. სამხრეთ ოსეთის ეკონომიკის განვითარებაში 22 მილიარდი რუბლი ჩადო, თუმცა, რეალურად, იქ გაცილებით მეტი თანხის შედინება მოხდა, რომელიც ოსი პოლიტიკოსებისა და რუსი სამხედრო მაღალჩინოსნების ჯიბეებში გადანაწილდა.
მანამდე, ბაბჩენკო რუსეთ-ჩეჩნეთის ომის თემატიკაზეც მუშაობდა. მას ჩრდილოეთ კავკასიაში და კონკრეტულად, ჩეჩნეთში ძალიან კარგი კონტაქტები ჰქონდა და მას შემდეგ, რაც იქაური ამბები novayagazeta.ru-ს წარმომადგენელს ჟენია ბუნიმოვიჩს უამბო, სწორედ მისი რეკომენდაციით მოხვდა ამ გამოცემაში.
ბოლო წლებში რუსეთ-უკრაინის ომის თემატიკაზე მუშაობდა. რუსული მედიის ნაწილი წერს, რომ “რუსეთ-უკრაინის ომის დეტალებზე, მის მიერ მომზადებული მასალების გადასაფარად, კრემლის მიერ კონტროლირებად მედიას დიდი ძალისხმევა უწევდა...”
novayagazeta.ru-ს ინფორმაციით, არკადი ერთ-ერთი ყველაზე რისკიანი ჟურნალისტი იყო, რომელიც სამხედრო თემებზე მუშაობდა და მასალებს ყოველთვის ყველაზე ცხელი წერტილიდან და ოპერატიულად აწვდიდა.
“რუსეთ-საქართველოს ომის დროს, როდესაც ის დაჭრილ, უცნობ ქალს ეხმარებოდა, აეროპორტში ფოტოაპარატი დარჩა, რომელშიც ომის ამსახველი ფოტოები ჰქონდა... უკან დაბრუნებულს აპარატი თავის ადგილზე დახვდა, რასაც შემდეგ თავის იღბლიანობას მიაწერდა... მან იცოდა ომი, მონაწილეობდა მასში, მაგრამ ვერასდროს იტანდა ომს და იმ ადამიანებს, ვინც საომარ პროცესებს უწევდა ორგანიზებას. ყველანაირი სამხედრო მოქმედებას გაუმართლებელს უწოდებდა... შესაძლოა, სხვადასხვა მიზეზებთან ერთად, რუსეთის დატოვების მიზეზი სწორედ მისი ომის მიმართ დამოკიდებულება გახდა..." - წერს გამოცემა.
ბოლო წლების განმავლობაში, კიევში, რუსეთის ხელისუფლებისთვის მიუღებელი მეორე ჟურნალისტი მოკლეს. 2016 წელს მანქანაში ააფეთქეს პაველ შერემეტი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
