კიევში რუსი ოპოზიციონერი ჟურნალისტი ანდრეი ბაბჩენკო მოკლეს

კიევში რუსი ოპოზიციონერი ჟურნალისტი ანდრეი ბაბჩენკო მოკლეს. როგორც უკრაინული მედია იუწყება, მას უცნობმა პირმა ზურგში სამჯერ ესროლა.

კიევის პოლიციის სამმართველოში ეჭვმიტანილის ფოტორობოტი შეადგინეს. ჟურნალისტის მკვლელობაში ეჭვმიტანილი სავარაუდოდ, 40-45 წლისაა.

აღნიშნულ მკვლელობაზე სისხლის სამართლის საქმე აღიძრა როგორც უკრაინაში, ასევე რუსეთში.

ანდრეი ბაბჩენკო მუქარების გამო ერთი წლის წინ საცხოვრებლად რუსეთიდან უკრაინაში გადავიდა.

აღსანიშნავია, რომ ანდრეი ბაბჩენკო ვლადიმერ პუტინს აკრიტიკებდა. მისი წიგნები 16 ენაზე იყო ნათარგმნი და 22 ქვეყანაში გამოცემული. თავისი ოპოზიციური ხედვების გამო ჟურნალისტი რუსეთში დევნის ობიექტი იყო.

წაიკითხეთ ასევე: პუტინის სისხლიანი გზა - ტერაქტები, რომლებიც რუსეთის პრეზიდენტის სახელს უკავშირდება

პუტინის ეპოქაში დახოცილები - ცნობილი ადამიანები, რომელთა სიკვდილს რუსეთის პრეზიდენტს უკავშირებენ