მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დავით ქევხიშვილმა აღმასკომის წევრებს ნაკრების მწვრთნელობის უცხოელი კანდიდატი წარუდგინა, ხაბარელმა კი სხდომა დატოვა
12:44 / 28-05-2018
ძიუდოს ფედერაციის აღმასკომის წევრები ნაკრების მწვრთნელობის კანდიდატის პროგრამას ისმენენ. ჰოლანდიელი სპეციალისტი ლუის ვაიდენბოში აღმასკომის წევრებს ფედერაციის პრეზიდენტმა დავით ქევხიშვილმა წარუდგინა.
როგორც პრეზენტაციის დაწყებამდე ქევხიშვილმა განაცხადა, ფედერაცია მოლაპარაკებებს აწარმოებს სხვა უცხოელ მწვრთნელებთანაც.
"დღეს არის საქმიანი შეხვედრა ერთ-ერთ კანდიდატთან. უცხოელი სპეციალისტი წარმოადგენს თავის ხედვას. ჩვენ გვინდოდა, რომ ეს ხედვა ცნობილი ყოფილიყო აღმასკომისთვის. დღეს არავის დანიშვნა არ ხდება უბრალოდ მოვუსმენთ და გავაანალიზებთ. ამის შემდეგ იქნება გადაწყვეტილება მიღებული. ამასთან მოლაპარაკებები გვაქვს სხვა მწვრთნელებთანაც“, - განაცხადა დავით ქევხიშვილმა.
აღმასკომის სხდომა პროტესტის ნიშნად აღმასკომის წევრმა და სპორტისა და ახალგაზრდობის კომიტეტის თავმჯდომარის მოადგილემ, შოთა ხაბარელმა დატოვა. მისი თქმით, რჩება შთაბეჭდილება რომ ძიუდოს ფედერაციის პრეზიდენტს, დავით ქევხიშვილს ყველაფერი პოლიტიკურ ჭრილში გადაყავს. ხაბარელის თქმით, მისთვის დღეს ფედერაციის პრეზიდენტს რეალობის გრძნობა დაკარგული აქვს. ამასთან, ხაბარელი ნაკრების მწვრთნელად უცხოელი სპეციალისტის დანიშვნის წინააღმდეგია
„საკითხი არის ურთულესი. ფაქტობრივად ქევხიშვილს დაკარგული აქვს რეალობის გრძნობა. როგორ არის დაძაბული სიტუაცია ძიუდოში და ის მაინც თავისას აგრძელებს. ეს არის დიდი შეცდომა და მიმართულია ესკალაციისკენ. ძიუდოს ხელშეწყობა სჭირდება და თითოეულმა ადამიანმა საკუთარი პირადი ინტერესები გვერდზე უნდა გადადოს.ჩემთვის მიუღებელია ის ფორმატი რაც აქ ხდება. ფაქტობრივად რეალობის გრძნობა დაკარგული აქვთ. მე ვკითხე დავით ქევხიშვილს თუ ვისი მწვრთნელი უნდა იყოს ჰოლანდიელი სპეციალისტი. ნაკრების ვარჯიშზე სპორტსმენები არ დადიან.
არასდროს ვიქნები მომხრე უცხოელი მწვრთნელის საქართველოში ჩამოყვანის. ქართველ ძიუდოისტებს სპეციფიური მიდგომა სჭირდებათ, რომელსაც მხოლოდ ქართველი მწვრთნელი მოახერხებს. ასე იყო წლების მანძილზე და ასე გაგრძლედება. ჩვენ გვყავს პროფესიონალი და საუკეთესო მწვრთნელები.
ის შემადგენლობა, რომელიც ქევხიშვილთან ერთად იბრძვის, ცდილობს დაინგრეს ყველაფერი რაც შეიქმნა. პირდაპირ ვამბობ არც ერთს არ აინტერესებს საქართველოს ბედ იღბალი. თუ გადავხედავთ მის ბეგრაუნდს ყვარელში, იქაც ასე ჯიუტობდა და იქაც ასე გამოიყვანეს ძალით გამგეობიდან. ასეთი დაძაბული სიტუაცია უნდა, რომ შექმნას ქვეყანაში. თუ გადავხედავთ - გვერდზე ჩოჩელი უზის და ბევრია ისეთი პირი ვინც პირდაპირ იყო დაკავშირებული ნაციონალურ მოძრაობასთან. ამას უკვე პოლიტიკური ელფერი ეძლევა“, - განაცხადა შოთა ხაბარელმა.
აღმასკომის სხდომა დახურულ რეჟიმში მიმდინარეობს.
შეგახსენებთ, რომ ბოლოს საქართველოს ნაკრებს ირაკლი ცირეკიძე ხელმძღვანელობდა, რომელმაც თანამდებობა ისრაელის ქალაქ თელ-ავივში გამართული ევროპის ჩემპიონატის შემდეგ დატოვა. ტურნირზე ქართველმა ძიუდოისტებმა ვერც ერთი მედალი ვერ მოიპოვეს. ცირეკიძესთან ერთად მთელი სამწრვთნელო შტაბი გადადა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
