ბათუმში 35 წლის ქალი შვილის თვალწინ ლიფტში დაჭრეს

ბათუმში, აღმაშენებლის ქუჩაზე ერთ-ერთი საცხოვრებელი კორპუსის ლიფტში 35-წლამდე ასაკის ქალი დაჭრეს. თვითმხილველების ინფორმაციით, შემთხვევა ცოტა ხნის წინ მოხდა. დაშავებული ქალი მცირეწლოვან ბავშვთან ერთად იმყოფებოდა.

როგორც "ინტერპრესნიუსს" სასწრაფო დახმარების სამსახურში განუცხადეს, დაშავებულ ქალს სახისა და სხეულის არეში მრავლობითი ჭრილობა აღენიშნება. იგი სასწრაფო-სამედიცინო დახმარების ბრიგადამ ბათუმის საერთაშორის საუნივერსიტეტო ჰოსპიტალში გადაიყვანა.

საქართველოს შინაგან საქმეთა სამინისტროს ინფორმაციით, გამოძიება "სისხლის სამართლის კოდექსის" 19.108-ე მუხლით მიმდინარეობს, რაც განზრახ მკვლელობის მცდელობას გულისხმობს.

იხილეთ ვიდეო: ბათუმში ახალგაზრდა ქალი მცირეწლოვანი შვილის თვალწინ ლიფტში დაჭრეს - "ქონდა გულის ჭრილობა, მდგომარეობა კრიტიკულია"