გრემის ხუთგზის ნომინანტი ბრიტანელი ვარსკვლავი მიხეილ მესხის სახელობის არენაზე - ჯეიმს ბლანტმა ქართველ მსმენელს 26 მაისი კონცერტით მიულოცა

26 მაისს მიხეილ მესხის სახელობის სტადიონმა ბრიტანელ ვარსკვლავს, ჯეიმს ბლანტს უმასპინძლა. ის პირველი სოლო მომღერალია, რომელიც ჩვენს ქვეყანას საპრომოუშენო კომპანია Black Pearl Live-ს მოწვევითა და ორგანიზებით სპეციალურად ამ დღისთვის მსოფლიო ტურნეს ფარგლებში ესტუმრა და ფესტივალში "დამოუკიდებლობის დღე" მიიღო მონაწილეობა.

მომღერალმა და კომპოზიტორმა სიმღერები მისი ბოლო ალბომიდან Aferlov შეასრულა. მიუხედავად იმისა, რომ წვიმდა, ამას მისი ქართველი ფანებისთვის ხელი არ შეუშლია და მიხეილ მესხის სახელობის არენას მათი რიცხვი არ დაკლებია. კონცერტამდე კი მუსიკოსმა პრესკონფერენცია გამართა, სადაც ქართველ ჟურნალისტებს რამდენიმე შეკითხვაზე უპასუხა. ის საქართველოს 26 მაისს დილას, გამთენიას ესტუმრა და პრაქტიკულად, დედაქალაქის დათვალიერება ვერც კი მოასწრო. ჩვენი ქვეყნის შესახებ ინფორმაციას აღნიშნა, რომ მხოლოდ გადმოცემით ფლობს.

როგორც ორგანიზატორებმა აღნიშნეს, ფესტივალის საერთო ენა მუსიკა გახლდათ, რომელმაც ქართველი და უცხოელი მსმენელი გააერთიანა. ქართველ მსმენელს კი საშუალება მისცა, გამხდარიყვნენ მნიშვნელოვანი ტურნეს მონაწილე.

ჯეიმს ბლანტთან ერთად, ღონისძიებაში მონაწილეობდნენ ჯგუგები - The Parlotones - როკბენდი იოჰანესბურგიდან (სამხრეთ აფრიკა), რომელიც სიყვარულსა და ცხოვრებისეულ მოტივებზე შექმნილ სიმღერებს ასრულებდა. ღონისძიებას მასპინძლობდა ენერგიული და ძლიერი როკ-ჯგუფები Young Georgian Lolitaz (მამკაცებით დაკომპლექტებული პირველი ბენდი, რომელიც 2016 წლის "ევროვიზიის" კონკურსზე საქართველოს სახელით წარდგა) და Loudspeakers (ცნობილი ქართული როკ-ჯგუფი, მან პოპულარობა თბილისის Altervision მუსიკალური ფესტივალით მოიპოვა).

თინათინ სამყურაშვილი, "ჯეპრას" უფროსი კონსულტანტი, ფესტივალის საორგანიზაციო ჯგუფის წევრი:

- ფესტივალმა 4 კონცერტი გააერთიანა. მნიშვნელოვანია, რომ ფესტივალში, რომელიც საქართველოს დამოუკიდებლობის დღეს მიეძღვნა, მონაწილეობდნენ, როგორც ქართველი შემსრუებლები, ასევე ქართველი უცხოელები. ფესტივალი ქართული ყველაზე პოპულარული როკ-ჯგუფებით გაიხსნა. ასევე მოწვეული გვყავდა სამხრეთ აფრიკიდან პოპულარული ჯგუფი, ამერიკაში ემტივის ჩარტების მონაწილე ჯგუფი, თუმცა ფესტივალის მთავარი ვარსკვლავი 43 წლის მომღერალი და გრემის ხუთგზის ნომინანტი, ჯეიმს ბლანტი იყო. ფესტივალი "ჩექ ინ ჯორჯიას" ფარგებში ჩატარდა და საქართველოს დამოუკიდებლობის დღეს მიეძარვნა. მნიშვნელოვანია ის, რომ საპრომოუშენო კომპანია "Black Pearl Live" საქართველოში პროექტებს სწორედ ამ ღონისძიებით იწყებს.