მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბევრი ზიზღითაა შეპყრობილი განსხვავებული ადამიანების მიმართ და განუხორციელებელი აქვს საკუთარი სქესი" - დეკანოზი აგრესიულ ქრისტიანებზე
14:18 / 23-05-2018
გერმანიაში მოღვაწე დეკანოზი თამაზ ლომიძე "ფეისბუქის" პირად გვერდზე განსხვავებული ადამიანების მიმართ აგრესიულ დამოკიდებულების შესახებ წერს:
"წლებია ვაკვირდები და არ მინახავს არცერთი, საკუთარ სქესში და მიდრეკილებებში გარკვეული კაცი ან ქალი, რომ აგრესიული ყოფილიყოს განსხვავებული ადამიანების მიმართ. ესენი არიან სრულყოფილი ქალები და კაცები, რომელთაც შეიცნეს საკუთარი ბუნება, ეჭვი არ ეპარებათ საკუთარ თავში, ამ მხრივ შიში უცხოა მათთვის და აგრესიაც არ გააჩნიათ. საპირისპიროდ მინახავს ბევრი, ვინც უკიდურესი ზიზღით, მტრობით და განადგურების სურვილითაა შეპყრობილი განსხვავებული ადამიანების მიმართ და თითქმის ყველა მათგანი გაურკვევლობაშია, ამ მხრივ ნაკლულია და განუხორციელებელი აქვს საკუთარი სქესი. იცხოვრეთ თქვენი პირადი სრულყოფილი ცხოვრება! სარკეს ნუ დალეწავთ, როცა საკუთარი ანარეკლის გეშინიათ!
***
ქრისტეს სიტყვები არ უნდათ ქრისტიანებს!
მათი შეგნების და სულის უმძიმეს მდგომარეობაზე მეტყველებს, რომ ადამიანებს ერთ მხარეს უდევთ წმინდა სახარება, ქრისტიანთა მთავარი წიგნი - ახალი აღთქმა, განკაცებული ღმერთის წმინდა მოძღვრება და მასში ქრისტეს მიერ ნაქადგები უამრავი კაცთმოყვარე მცნება, ისეთი, როგორიცაა მაგალითად: "გიყვარდეს მტერი შენი და დალოცე მაწყევარი შენი", "რომელმან შემოგკრას ერთ ლოყაში, მიუშვირე მას მეორეც" , "თუ ვინმემ წაგართვას ხალათი, გააყოლე მას პერანგიც", რომელმაც თვით ღმერთის დასაცავად ხმალამოღებულ პეტრეს მკაცრად უბრძანა: "ჩააგე მახვილი ქარქაშში, რადგან ვინც აიღებს მახვილს, მახვილითვე მოკვდება", რომელიც ჯვარზე გაკრული მაინც ევედრებოდა მამა ღმერთს მისი შეურაცხმყოფელების და მკვლელებისთვის "აპატიე მამაო, რამეთუ არ იციან, რას ჩადიან", რომელმაც ბრძანა, რომ უკლებლივ ყველას გადასარჩენადაა მოსული და მეორედ მოსვლამდე მხოლოდ "წყალობა ნებავს და არა მსხვერპლი", აი, განკაცებული ღმერთის ეს უდიდესი მცნებები უდევთ ცხვირწინ, ამის მოსმენა არ უნდათ, თითქოს არც არსებობს მათთვის და მაინც მე-4 საუკუნეში მოღვაწე წმ. იოანე ოქროპირის ერთი კერძო, კონკრეტული შემთხვევის გამო ნათქვამი სიტყვა ურჩევნიათ, როცა ის ქალაქში არეულობის დასაშოშმინებლად, გამონაკლისის სახით ამბობს, რომ ძალაც შეიძლება გამოიყენონ ურჩების დასაშოშმინებლად. მაგრამ, რატომ ურჩევნიათ ღვთის ძის, ქრისტეს სიტყვებს იოანე ოქროპირის სიტყვები? იმიტომ, რომ საკუთარი სიძულვილის და აგრესიის გასამართლებლად ჭირდებათ. მათში ჯერ არაა სიყვარულის, საღვთო მშვიდობის და მშვიდობისმყოფელის სული. ესაა მძიმე სანახავი! თავიდანაა საქადაგებელი მათთვის ქრისტიანობა!".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალი ხარ მამაო. მთავარი მოძალადეები განსხვავებული ადამიანების მიმართ, სწორად ისინი არიან, რომლებიც საკუთარ სექსუალურ გრძნობებში არ არინ გარკვეულები, ან გაერკვნენ და მალავენ.