პრინცესა დაიანას ძმიშვილები მსოფლიოს ყურადღების ცენტრში - ჰარის სიმპათიური ბიძაშვილი სოცქსელებში ძალიან პოპულარულია

პრინცი ჰარი სასურველი სასიძოების რიცხვში აღარ არის, თუმცა, სოციალური ქსელების მომხმარებლებმა უკვე აღმოაჩინეს ადამიანი, რომელიც ჰარის მხოლოდ სტატუსით თუ ჩამოუვარდება.

სამეფო ქორწილზე უყურადღებოდ არავინ დატოვა პრინცესა დაიანას ძმიშვილი, ლედი კიტი სპენსერი, რომელიც „დოლჩე გაბანას“ მწვანე კაბაში ბრწყინავდა. როგორც აღმოჩნდა, არც მისი ძმა, 24 წლის ლუი დარჩა ყურადღების მიღმა. ჰარისა და უილიამის ბიძაშვილი, მართალია, პრინცი არ არის, თუმცა მამიდაშვილებზე ნაკლებად სიმპათიური სულაც არ გახლავთ.

იმის მიუხედავად, რომ ჯვრისწერის დღეს ყველას ყურადღება ჰარისა და მეგანისკენ იყო მიპყრობილი, დაიანას ძმიშვილებმა შეძლეს, ყველას ყურადღება მიეპრყოთ.

ახალგაზრდა არისტოკრატი სამხრეთ აფრიკაში გაიზარდა, დებთან ერთად. სპენსერების ოჯახი იქ საცხოვრებლად 1995 წელს გადავიდა, რათა ბავშვები მედიის ყურადღებისგან დაეცვათ.

1997 წლის დეკემბერში ლუის მშობლები, ჩარლზი და ვიქტორია განქორწინდნენ. ჩარლზი საცხოვრებლად ბრიტანეთში გადავიდა.

ლუი უმაღლესი განათლების მისაღებად გაერთიანებულ სამეფოში, ედინბურგის უნივერსიტეტში გაემგზავრა. ის მედიის ყურადღების ცენტრში მამიდაშვილის ქორწილამდე თითქმის არასოდეს მოქცეულა.