100 ათასი ფუნტი საქორწინო კაბისთვის, რომელმაც პრინცი ჰარი აატირა, მეგანმა თავად გადაიხადა

მეგან მარკლის არჩევანმა კაბის დიზაინერთან დაკავშირებით ყველა გააოცა. მნიშვნელოვანი დღისთვის ულამაზესი სამოსი „ჟივენშის“ დიზაინერმა კლერ უეით კელერმა შექმნა. მოდის სფეროში ვარაუდობდნენ, რომ მეგანი ყველაზე მნიშვნელოვანი დღისთვის ერდემზე, რალფ ენდ რუსოზე ან სტელა მაკარტნიზე შეაჩერებდა არჩევანს. ულამაზესი კაბით მეგანის დანახვისას პრინცმა ჰარიმ ცრემლების შეკავება ვერ შეძლო.

„არაჩვეულებრივად გამოიყურები,“ - უთხრა აღელვებულმა ჰარიმ მეგანს.

კაბის შლეიფის სიგრძე, დაახლოებით, 5 მეტრია. ჟურნალი „ჰელოუ“ წერს, რომ საქორწინო კაბის ღირებულება, სავარაუდოდ, 100 ათასი ფუნტია. კაბა მეგანმა თავად შეიძინა, ისევე, როგორც ქეით მიდლტონმა გადაიხადა საკუთარი საქორწინო კაბის საფასური.