პარტნიორები:

ეკლესიაში პირველი სტუმრები უკვე მივიდნენ, სასახლემ კი საქორწინო ბეჭდების შესახებ გაავრცელა ინფორმაცია

13:13 / 19-05-2018

წმინდა ჯორჯის ეკლესიაში, სადაც დღეს ბრიტანეთის პრინცი ჰარი ამერიკელ მსახიობზე, მეგან მარკლზე ჯვარს დაიწერს, სტუმრებმა მისვლა დაიწყეს. CNN-ის ინფორმაციით, ეკლესიაში უკვე მივიდა ამერიკელი ტელეწამყვანი ოპრა უინფრი, რომელსაც ვარდისფერი კაბა აცვია. მასთან ერთად დააფიქსირეს მსახიობი იდრის ელბაც.

ეკლესიაში იმყოფება, ასევე, მომღერალი ჯეიმს ბლანტი.

საპატიო სტუმრებს შორის არის ჰარის ბიძა, პრინცესა დაიანას ძმა ჩარლზს სპენსერი.

ჯერჯერობით უცნობია, როგორი იქნება მეგანის კაბა, თუმცა საქორწინო ბეჭდების შესახებ ინფორმაცია კენსინგტონის სასახლემ ცოტა ხნის წინ გაავრცელა. მეგანის ოქროს ბეჭედი დედოფლის საჩუქარი იქნება, ჰარის ბეჭედი კი პლატინისგან არის დამზადებული. სამკაულის დიზაინერი Cleave and Company-ა.