რუსეთის ყველაზე მდიდარი ბიზნესმენების რეიტინგში 3 ქართველი მოხვდა

რუსული Forbes-ის 2018 წლის ყველაზე მდიდარი ბიზნესმენების რეიტინგში 3 ქართველი მოხვდა. 1,6 მილიარდი დოლარით 61-ე ადგილზეა 62 წლის ბიზნესმენი ალექსანდრე ჯაფარიძე; 950 მილიონი დოლარით 113-ე ადგილზეა 34 წლის ვიაჩესლავ მირილაშვილი; 132-ე ადგილზე 800 მილიონი დოლარის ქონებით კი 61 წლის ბიზნესმენი დავით იაკობაშვილია.

ალექსანდრე ჯაფარიძე

ალექსანდრე ჯაფარიძე 20 ივლისს 1955 წელს მახაჩკალაში დაიბადა. ბავშვობაში გატაცებული იყო ფიზიკით და მათემატიკით. 1977 წელს დაამთავრა ნავთობქიმიისა და გაზის წარმოების ინსტიტუტი და გეოფიზიკოსთა ექსპედიციის ხელძღვანელად დაინიშნა.

1995 წელს მან დააარსა მომსახურების კომპანია "პეტროალიანსი", რომელიც კომპანიებს მომსახურებას უწევდა ნავთობმოპოვების სფეროში. 2004 წელს ბიზნესმენმა ეს კომპანია გაყიდა და შექმნა საბურღი კომპანია. დღეს კომპანია "ევრაზიას" მფლობელია.

ჯაფარიძე "ფორბსის-2018 წლის" რეიტინგში 61-ე ადგილს იკავებს. მისი შემოსავალი 1,6 მილიარდ დოლარს შეადგენს.

ვიაჩესლავ მირილაშვილი

ფორბსის 2018 წლის მონაცემებით, ყველაზე მდიდარ 200 რუს ბიზნესმენს შორის ვიაჩესლავ მირილაშვილი 950 მილიონი აშშ დოლარით 113-ე ადგილზეა. აღსანიშნავია, რომ წარმოშობით ქართველი ახალგაზრდა 33 წლის ასაკში ფლობს ასეთ კოლოსალურ თანხას. მან მილიონები სოციალური ქსელის ”ვკონტაქტეს” დაფუძნებით იშოვა.

ВКонтакте ოფიციალურად 2006 წლის 10 ოქტომბერს შეიქმნა. 2007 წელს კი დუროვის სოციალურმა ქსელმა რუსეთში პოპულარობით ქსელ "ოდნოკლასნიკს" გაუსწრო.ვიაჩესლავ მირილაშვილი 1984 წელს სანქტ-პეტერბურგში დაიბადა. 2006 წელს დაამთავრა Tufts-ის უნივერსიტეტი.

ვიაჩესლავ მირილაშვილი არის მიხეილ მირილაშვილის შვილი. მიხეილ მირილაშვილი 1960 წლის 1 მაისს, სამტრედიის რაიონის სოფელ კულაში დაიბადა. სოფელი ცნობილი იყო, როგორც ქართველი ებრაელების დასახლება. ის წლების განმავლობაში სათამაშო ბიზნესით იყო დაკავებული. განაგრძეთ კითხვა