მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იქს-ფაქტორმა" შოუბიზნესის წარმომადგენლები ერთმანეთს დაუპირისპირა - რატომ დაატოვებინეს მაკა ზამბახიძის შვილს პროექტი
16:05 / 16-05-2018
"იქს ფაქტორის" შოუ სულ უფრო აზარტში შედის. შესაბამისად, კონკურსიც უფრო დაძაბული ხდება. პროექტში მოსახვედრად ერთმანეთს უამრავი ნიჭიერი ადამიანი უწევს კონკურენციას. როგორც ყოველთვის, განსაკუთრებით დაძაბული 4 სკამის კონკურსია, სადაც 10 საუკეთესო კონკურსანტიდან თითოეული ჯგუფის მენტორმა 4 საუკეთესო უნდა შეარჩიოს. გამონაკლისი არც წლევანდელი "იქს-ფაქტორი" აღმოჩნდა, სადაც გასულ კვირას კონკურსს მომღერალ მაკა ზამბახიძის ქალიშვილი სალომე ჩიტაძე გამოეთიშა. მას პროექტი ნანიკო ხაზარაძემ დაატოვებინა, რომელიც ბავშვების ჯგუფის მენტორია.
სალომემ პროექტის დატოვება საკმაოდ ემოციურად გამოხატა:
"მე არ დავდე ჩემი მაქსიმუმი და ეს მხოლოდ ჩემი ბრალია... ერთადერთი ისაა, რომ ძალიან მრცხვენია დედასი, იმიტომ, რომ ძალიან ბევრს ვმუშაობდით, ვშრომობდით და ახლა ჩავხედო თვალებში და იცი რა, დედა, მე მაქსიმუმი გავაკეთე და ჩემი ბრალი არ არის. მრცხვენია, რომ ვუთხრა, რომ ჩემი ბრალია და შევარცხვინე...." - აღნიშნა სალომემ.
ნახეთ ვიდეო: "მრცხვენია დედასი, შევარცხვინე" - ატირებული მაკა ზამბახიძის შვილი, რა მოხდა "X ფაქტორში"?
ნანიკოს გადაწყვეტილებამ მაკა ზამბახიძე გააღიზიანა და მას შემდეგ, რაც მენტორის გადაწყვეტილება მოისმინა, ფილარმონია განაწყენებულმა დატოვა. ამის შემდეგ მომღერალი ფაქტს სოციალურ ქსელში გამოეხმაურა:
"ყველას, ვინც მომწერეთ, გაიზიარეთ და უგულშემატკივრეთ სალომეს, უღრმესი მადლობა. მადლობა მენტორებს და განსაკუთრებით - დათო ევგენიძეს, რომელმაც ჩემთვის, როგორც მუსიკოსისთვის, ყველაზე მნიშვნელოვანი შეფასება მისცა, რომ სალომემ იმღერა ურთულესი კომპოზიცია და კაცის ნამღერი უნიკალური სიმღერა აქცია ქალის ნამღერ ფანტასტიურ ვერსიად! რომელიც ჩემდა გასაკვირად ტელევიზიით ვერ მოვისმინე მაშინ, როდესაც ყველა ბავშვზე თითოეული მენტორის შეფასება სრულად იყო გაჟღერებული. ჩანაცვლებებს რაც შეეხება, ბევრი მეკითხება როგორც მუსიკოსს, ამიტომ ჩემს აზრს დავაფიქსირებ, რომ შეფასება უნდა ხდებოდეს სიმღერის სირთულის და შესრულების ხარისხის მიხედვით. აქედან გამომდინარე, ჩემთვის გულდასწყვეტი და გასაკვირი იყო მარიტა ცეცხლაძისა და სალომე ჩიტაძის პროექტიდან გამოთიშვა. P.S. სასურველია, ასეთ პროექტებში ჟიური დაკომპლექტებული იყოს ისე, რომ გამორჩეული ნიჭის მქონე ახალგაზრდები არ შეეწირონ მათ გადაწყვეტილებებს! აქვე, წარმატება მინდა ვუსურვო ყველას, განსაკუთრებით კი "კატეგორია 17 წლამდე" მონაწილეებს".
მენტორის გადაწყვეტილებაზე უკმაყოფილება მხოლოდ კონკურსანტის დედას არ გამოუთქვამს. სალომეს გამოსვლა, კომპოზიტორმა მაია კაჭკაჭიშვილმაც გააზიარა და შემდეგი სახის პოსტი გამოაქვეყნა:
"არ შეარცხვინე დედა სალომე პირიქით აამაყე მერწმუნე ტყუილად არ ვისვრი სიტყვებს !!!! მეც ვამაყობ რომ ჩემი მეგობრის შვილი ხარ ვისითაც ჩაგანაცვლეს ის გოგო ბევრი ამეცადინოს ნანიკომ, რომ შენი ერთი ბგერა გააჟღეროს, ბავშვს არაფერს ვერჩი... ჩვენთან პროფესიონალების დეფიციტია გიხაროდეს რომ ჩაგანაცვლეს ესე იგი მაგარი ხარ და ბევრს მიაღწევ მე და ჩემი ოჯახი შენს გვერდით ვართ წინ და წინ, ეს იყოს სტიმული დიდი წარმატებისა," - დაწერა კაჭკაჭიშვილმა.
თავად მენტორი გადაწყვეტილებას არ ნანობს. "რეიტინგთან" საუბარში ნანიკო ხაზარაძე ამბობს, რომ მას ამჟამად საუკეთესო გუნდი ჰყავს.
- მარტო სალომე ჩიტაძის დედა არის აქტუალური? სხვა ბავშვებს დედები არ ყავთ? ყველა დედა გამორჩეული და უნიკალურია, ამიტომ კომენტარს აღარ გავაკეთებ ამ საკითხზე. მაკას შვილიც ისეთივე შვილია, როგორც ლიას და მარინას შვილი.
- ნანობ თუ არა პროექტიდან, სალომეს როგორც კონკურსანტის გაშვებას, რადგან ამას სოციალურ ქსელში დიდი უკმაყოფილება მოჰყვა...
- მაგ ბავშვის გარდა 6 ბავშვი გავუშვი სახლში. გაცნობიერებული მაქვს ჩემი პასუხისმგებლობა და არაფერს ვნანობ. მიხიარია, რომ მაგარი გუნდი მყავს.
- მაია კაჭკაჭიშვილმა გირჩიათ, სალომე რომელი კონკურსანტითაც ჩაანაცვლეთ, ის ბავშვი კარგად ამეცადინოთ, სალომეს ერთი ბგერა მაინც რომ გააჟღეროს, წაიკითხეთ კაჭკაჭიშვილის პოსტი?
- არ მინახავს, რა დაწერა კაჭკაჭიშვილმა. გადაეცით მაია კაჭკაჭიშვილს, რომ ვამეცადინებ მაგ ბავშვს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
