მნიშვნელოვანი ინფორმაცია
5
აპრილიდღის ზოგადი ასტროლოგიური პროგნოზი
შაბათი, მთვარის მერვე დღე დაიწყება 10:42-ზე, მთვარე კირჩხიბშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადაადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. ამ დღის რთული ორგანო კუჭია. მოერიდეთ კუჭის გადატვირთვას, მოწევას, სმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ თქვა უარი სოფიკო ჭიაურელმა "მონანიებაში" მონაწილეობაზე - ორი საინტერესო ეპიზოდი მსახიობის ცხოვრებიდან
09:52 / 21-05-2020
დღეს, 21 მაისს ლეგენდარულ მსახიობს სოფიკო ჭიაურელს 83 წელი შეუსრულდებოდა...
მან ასზე მეტი როლი ითამაშა ქართულ თეატრსა და კინოში. ერთადერთია საბჭოთა მსახიობებს შორის, რომელიც შვიდჯერ დაჯილდოვდა სხვადასხვა საერთაშორისო კინოფესტივალზე ქალის როლის საუკეთესოდ შესრულებისთვის.
თენგიზ აბულაძის 1976 წელს გადაღებულ ფილმში "ნატვრის ხე" სოფიკო ჭიაურელმა "ფუფალას" როლი ითამაშა და ფილმის ბრწყინვალე სამსახიობო ანსამბლში გამორჩეული ადგილი დაიკავა. ფილმმა არაერთ საერთაშორისო კინოფესტივალზე მიიღო ჯილდო. გამორჩეული იყო "ნატვრის ხის" ჩვენება აშშ-ში, ჩიკაგოს საერთაშორისო კინოფესტივალზე, სადაც სცენაზე ასული სოფიკო ჭიაურელი მაყურელმა ვერ იცნო.
თავად მსახიობი ასე იხსენებდა ამ ისტორიას:
"ნატვრის ხე გვქონდა წაღებული თენგიზ აბულაძეს და მე ჩიკაგოში, კინოფესტივალზე. ფილმის ჩვენების შემდეგ წარმადგინეს, გამოვედი სცენაზე, მაშინ გამხდარი ვიყავი ძალიან... ტაში დაგვიკრეს, თავი დავუკარი და მერე ეკითხებიან თენგიზს - ის ქალი, ფუფალას რომ თამაშობს არ ჩამოვიდაო? თენგიზმა უთხრა - ეს ის ქალიაო. მიყურებდნენ გაკვირვებულები, ვერ დაიჯერეს რომ მე ის ქალი ვიყავი"...
"ნატვრის ხის" გადაღებიდან რამდენიმე წლის შემდეგ, როდესაც თენგიზ აბულაძე ტრილოგიის მესამე ფილმს - "მონანიებას" იღებდა, ფილმში სოფიკო ჭიაურელს შესთავაზა როლი, თუმცა მსახიობმა ამ როლზე რეჟისორს დედის, ვერიკო ანჯაფარიძის კანდიდატურა შესთავაზა.
"როცა მონანიებას იღებდა, თენგიზ აბულაძეს სურდა რომ ის ქალი, რომელიც ბოლო სცენაში ტაძრისაკენ მიმავალ გზას ეძებს, მე მეთამაშა. ის ფიქრობდა, რომ ეს ქალი არის დაბერებული ფუფალა, ეს ფუფალას ბოლოა... მახსოვს დამირეკა და მითხრა - სოფიკო, ასე ვფიქრობ და მოდი მოვემზადოთ, გრიმზე წავიმუშაოთ, შენ რაღაცნაირად დაგაბეროთ... ვუთხარი: ბატონო თენგიზ, რად გინდათ რომ ეხლა ჩვენ გრიმზე ვიმუშაოთ, ხომ იქნება რაღაც არაესთეტიკური ამაში, რა საჭიროა ეს ყველაფერი, როდესაც არსებობს ვერიკო?! მითხრა, რას ამბობ, მე როგორ ვაკადრებ ამ პატარა ეპიზოდს ვერიკოსო. მე კი ვუპასუხე - მე ვაკადრებ, მე ვეტყვი-მეთქი.
მართლაც ვუთხარი და დავითანხმე, დედა, აქვე გადაგიღებენ, აქვე ჩვენს ქუჩაზე მოვლენ და უცებ გადაგიღებენ - მეთქი. ასეც მოხდა და როგორ ჩაჯდა ეს ეპიზოდი ამ ფილმში იცით, მგონი მონანიებიდან ერთ-ერთი საუკეთესო ეპიზოდია..." - იხსენებდა სოფიკო ჭიაურელი.
ვერიკო ანჯაფარიძე, ფილმი "მონანიება" 1984 წელი
ავტორი: ზაურ მირიანაშვილი
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სოფიკოს ძალიან უნდოდა ქეთი ბარათელის როლის განსახიერება.
,, მონანიებაში " მთავარ როლზე ჯერ მამაკაცი მსახიობი მოაზრებოდა ( წიგნის მიხედვით ) და ეს როლი თენგიზ არჩვაძეს უნდა შეესრულებინა, მერე კი დიდმა რეჟისორმა გადაწყვიტა, რომ უფრო ეფექტური იქნებოდა თუ შურისმაძიებელი ადამიანი ქალი იქნებოდა და ამ როლზე განუმეორებელი ლია ელიავა მოიაზრებოდა, ყველამ იცოდა, რომ სოფიკოს ძალიან უნდოდა ამ როლის შესრულება ( ან ვის არ ენდონდომებოდა ? ), საბოლოოდ კი ქეთი ბარათელის როლი ერგო ზეინაბ ბოცვაძეს, რომელმაც უმაღლეს დონეზე შეასრულა ეს როლი, უნაკლოდ და აჩვენა გარდასახვის უმაღლესი კლასი.
ამიტომაც უყვართ ეს ფილმი ასე ძალიან, რომ ყველა მსახიობი მოწოდების სიმაღლეზე იყო.
საუკეთესოები, ლეგენდები, ნელ ნელა იმიერში სახლდებიან, ალბათ იქაც არის თეატრი, სხვანაირად არ შეიძლება.