"ალაჰ აკბარს" ყვიროდა და დანას იქნევდა... - ვინ არის 20 წლის ჩეჩენი, რომელიც პარიზში განხორციელებული თავდასხმისთვის მოკლეს

12 მაისს, საღამოს პარიზში, მონსინის ქუჩაზე მომხდარ თავდასხმაზე პასუხისმგებლობა "ისლამურმა სახელმწიფომ" აიღო.

პარიზის პოლიციის მიერ გავრცელებული ინფორმაციის მიხედვით, ტერაქტის შედეგად, 13 მაისის გამთენიისას ერთი ადამიანი, 29 წლის პარიზელი ფრანგი დაიღუპა, ოთხი კი დაშავდა.

დანით შეიარაღებული პირი, რომელიც გამვლელებს თავს დაესხა, "ალაჰ აკბარს" ყვიროდა. 10 წუთში ადგილზე პოლიცია მივიდა, მათ თავდამსხმელს ცეცხლი გაუხსნეს და ადგილზევე გაანეიტრალეს.

დაშავებული ოთხი ადამიანიდან ორის მდგომარეობა მძიმეა. საფრანგეთის პრეზიდენტმა, ემანუელ მაკრონმა მომხდართან დაკავშირებით "ტვიტერზე" კომენტარი გააკეთა და განაცხდა, რომ საფრანგეთი ტერორიზმს ვერასდროს შეეგუება.

საფრანგეთის პოლიციის ცნობით, დანით შეიარაღებული პირი 1997 წელს დაბადებული ხამზატ აზიმოვია, რომელმაც საფრანგეთის მოქალაქეობა 2010 წელს მიიღო. აზიმოვის მშობლები ადგილობრივმა სამართალდამცავებმა უკვე დაკითხეს და მეთვალყურეობის ქვეშ აიყვანეს.

"ერთ-ერთი დაჭრილის მდგომაროება უკიდურესად მძიმეა, მას სასწრაფო ოპერაცია გაუკეთდა, თუმცა არ ვიცით, რამდენად არსებობს გადარჩენი შანსი, ასევე სიკვდილს ებრძვის კიდევ ერთი ადამიანი. დანარჩენი ორის ჯანმრთელობის მდგომარეობა სტაბილურად მძიმეა", - აცხადებს ფრანგულ მედიასთან საუბარში შს მინისტრი, ჟერარ კოლონი, რომელმაც დაჭრილები მოინახულა. დაშავებულებს შორის ერთ-ერთი ქალია.

დასავლური მედიის ინფორმაციით, ჩეჩენი ტერორისტი ოჯახმა საფრანგეთში თავშესაფარი წლების წინ ითხოვა და იქ დღემდე ლტოლვილის სტატუსით ცხოვრობენ. თვითმხილვევლის თქმით, წვერიანი, შავებში ჩაცმული ახალგაზრდა მოულოდნელად გამვლელებში შევარდა და გაურკვეველი ფრაზის ყვირილით, ადამიანებს დანით დაერია.

“მისი იდენტიკიფიკაცია თითის ანაბეჭდებით მოხდა, რადგან მას პირადი დოკუმენტები თან არ ჰქონდა”, - France Presse.

ბოლო წლების განმავლობაში საფრანგეთში 15-მდე ტერაქტი მოხდა და უმეტეს შემთხვევაში ჩეჩენი ტერორისტების ორგანიზებით. “ისლამური სახელმწიფო” ტერაქტების ახალ ტალღას აანონსებს და აკონკრეტებს, რომ სამიზნე ევროპა იქნება.