მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თამადის ტექსტსაც ჩვენ ვწერთ.." - როგორ დაგეგმა ცნობილმა დიჯეიმ ნახევარმილიონიანი ქორწილი
09:13 / 14-05-2018
დიჯეი რემბო 2000-იან წლებში თბილისში ყველაზე პოპულარული დიჯეი გახლდათ. თუმცა, რამდენიმე წლის წინ, გადაწყვიტა დიჯეობის პარალელურად, გართობაზე უფრო მეტად ეზრუნა და საკუთარი ივენთ-კომპანია შექმნა. RemBow Events მუსიკოსმა მეგობართან ერთად ნულიდან დაიწყო - არც ფული ჰქონდა და არც ღონისძიებებისთვის საჭირო ინვენტარი, თუმცა ყველა დაბრკოლებას გაუძლო და დღეს წარმატებული ივენთ-კომპანიის მფლობელია.
"დიჯეი რემბო კვლავ მოთხოვნადია კერძო ივენთებზე, მაგრამ ვავითარებ ჩემს მომსახურებებს და მთლიანად ამ სფეროს. 2012 წელს ივენთ-კომპანია დავაარსე, რომელსაც ნებისმიერი წვეულების ორგანიზების საკუთარ თავზე აღების ყველა რესურსი აქვს, დაწყებული აპარატურით, დამთავრებული მენეჯერის მომსახურებით. ყოველ წელს სტაბილურად ვვითარდებით, თუმცა ბოლო წელია რაც თანამშრომლების რაოდენობაც გაიზარდა და შედეგებიც. დღეს ბევრად უფრო რთულ პირობებში მიწევს მუშაობა, დიჯეობა უფრო ნაკლებ დროს მოითხოვს, ივენთ-მენეჯერი სტრესული სამსახურების ტოპ ათეულშია, მაგრამ მე პოზიტიურად ვუდგები" - გვეუბნება "რემბო".
- ივენთ-მენეჯერობა რამ გადაგაწყვეტინათ?
- მე-7 კლასიდან ვოცნებობდი შოუების გაკეთებაზე, სადაც თავადაც უნდა მიმეღო მონაწილეობა. პირველად ამის საშუალება უნივერსიტეტში მომეცა, როცა ღონისძიების ორგანიზება არავინ არ აიღო თავის თავზე. ამ გადმოსახედიდან პირველი მცდელობა განსაკუთრებული არ იყო, მაგრამ ორიათასიანი წლებისთვის კარგი ითქმის. მერე ამას სისტემატური სახე მიეცა. 2003-2004 წლებში, როცა თბილისში კლუბური ცხოვრება არც ისე პოპულარული იყო, მიწევდა დიჯეებისა და აპარატურის ქირაობა და ნელ-ნელა ვეჩვეოდი მუშაობას. ამის შემდეგ 2009 წლიდან, როცა მუსიკის აზრზე მოვედი, დიჯეობა დავიწყე. ძალიან ბევრი კომპანია მქირაობდა, როგორც დიჯეის. სხვათა შორის, ბევრ ცუდად ორგანიზებულ ივენთზეც მომიწია მუშაობა.
- რითი მიგიზიდა ამ სფერომ და კომპანია როგორ დააარსე?
- ივენთის გაკეთება დიდი პასუხისგებლობაა, ფაქტობრივად, შენ ყიდი ბედნიერებას და ამისთვის ყველაფრის გაკეთება გევალება, მაგრამ ზედაპირულად თუ შევხედავთ, ჩვენ ჰაერის გამყიდველები ვართ. კომპანიის შექმნაზე მუშაობა ფაქტობრივად მარტო დავიწყე, თავიდან ჩემი მეგობარი მეხმარებოდა, მაგრამ მალე დაიღალა, ფული არ გვქონდა რომ ჩაგვედო, გვიწევდა კონკურენტებთან ჭიდილიც. ნელ-ნელა დავიწყე ინვენტარის ყიდვა, დღეს საკმაოდ კარგი კაპიტალი გვაქვს და შემიძლია 6 თანამშრომელს ყოველთვიურად ვუხადო ხელფასი. მინდა ერთ წელიწადში 15 ადამიანამდე გავზარდო თანამშრომელთა რაოდენობა. გრძელვადიან პერსპექტივაში მაქვს მნიშვნელოვანი გეგმები, რამდენიმე წელიწადში ერთ-ერთი ყველაზე მოთხოვნადი ივენთ-კომპანია ვიქნებით.
9-წლიანმა გამოცდილებამ მასწავლა რა ტიპის ღონისძიებაზე, რა მომენტში რისი გაკეთებაა საჭირო. ამას ჩემზე კარგად ვერავინ გააკეთებს. კარგი დეკორაცია და კარგი აპარატურა არ ნიშნავს ორგანიზებულობას, ყველაფერი უნდა იყოს დროული, შეზავებული და ერთიანი. ამ მხრივ ძირითადად არაპროფესიონალიზმია და ნაცნობობით ხდება დაკვეთა. ივენთ-კომპანიები, სამწუხაროდ, არც მსოფლიო ბაზარს ეცნობიან და 5-10 წლის წინანდელი ტენდენციებით მუშაობენ. მე ყოველ წელს ვიცვლები, ჩემმა დამკვეთებმა ზუსტად იციან რას გავაკეთებ, ვმუშაობ მათთან წინასწარ შეთანხმებულად, თუმცა მერე ყველაფერი ჩემ ხელშია.
ხშირად არიან ისეთები, რომლებიც ერევიან ჩვენს საქმეში, თუმცა მათ აზრს ვერ გავითვალისწინებთ. ძირითადად ხომ რეკომენდაციით მოდიან? ჰოდა თუ მანდე, ჩაგაბარებ, ჩემებურად ვაკეთებ. შედეგს ვაღწევ ყოველთვის.
- ყველაზე პრეტენზიული რა ტიპის ივენთებია?
- ქორწილები უფრო პრეტენზიულია, ვიდრე კორპორატიული და ამასთან ჩვენთვის სტრესულია, თუმცა ყველანაირად ვცდილობთ, თავად წყვილებს მოვუხსნათ დაძაბულობა. გვქონდა შემთხვევა, როცა საპატარძლოს მეჯვარე ცუდი ხასიათის იყო. თუ ის ცუდ განწყობაზე დგებოდა, უნდოდა სხვებზეც გადაეტანა ეს, ამიტომაც ყველანაირად ვცდილობდით გაგვერიდებინა სიტუაციისთვის.
- სადედამთილოებიც ასე იქცევიან?
- სხვათაშორის, დედამთილთან არასდროს არ გვქონია უსიამოვნება, პირიქით. თამადის ტექსტსაც ჩვენ ვწერთ. ოღონდ ნაქირავები თამადის კატეგორიული წინააღმდეგი ვარ - მათ ხშირად სახელებიც კი ეშლებათ, ხელოვნურობას ყველა ამჩნევს და ეს გამაღიზიანებელია. სიტუაციის მართვა მეტწილად წამყვანს ეკისრება.
- ყველაზე ძვირადღირებული ქორწილი, რომელსაც ორგანიზება გაუწიეთ რა დაჯდა და რით იყო გამორჩეული?
- ნახევარი მილიონი ლარი დაჯდა ერთი ქორწილი. ჰოლანდიიდან ჩამოტანილი ყვავილებით იყო გაფორმებული დარბაზი, გვქონდა განსაკუთრებული მენიუ, მოწვეული გვყავდა უცხოელი შეფ-მზარეული. ისე გვქონდა ქორწილი დაგეგმილი, როცა კერძები შემოჰქონდათ სიმღერა არ იყო. ვერ ვიტყვი ვინ გადაიხადა ასეთი ქორწილი, მაგრამ ამ ოჯახს ყველაზე ძვირადღირებული მენეჯერის დაქირავება შეეძლო, მაგრამ ჩვენ აგვირჩია. მას შემდეგ ბევრი წელი გავიდა და დღემდე მეუბნებიან, შენ რომ არა, ეს დღესასწაული არ იქნებოდაო...
- უახლოეს მომავალში რაიმე მასშტაბურს ხომ არ გეგმავთ?
- ვაკეთებთ კონფერენციას. მოვიწვიეთ საქართველოში საუკეთესო ფოტოგრაფები, ტორტის გამწყობები და ა.შ. რომლებიც სტუმრებს უფასო რჩევებს მისცემენ თავიანთი სფეროს გათვალისწინებით. მაგალითად, მაკიაჟის გაკეთების ბოლო ტრენდები, სამოსი, დეკორაცია... რა თქმა უნდა, იქნება გართობაც. კონფერენცია 4-5 საათი გასტანს, გვექნება საჩუქრები და თამაშები...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
