წუ­ხელ კლუბ „ბა­სი­ან­ში“ და კაფე „გა­ლე­რი­ში“ სპე­ცო­პე­რა­ცია ჩა­ტარ­და, რის შე­დე­გა­დაც და­კა­ვე­ბუ­ლია ნარ­კო­ტი­კუ­ლი სა­შუ­ა­ლე­ბის გამ­სა­ღე­ბე­ლი 8 პირი.

სპე­ცო­პე­რა­ცია გა­აპ­რო­ტეს­ტეს რო­გორც კლუბ „ბა­სი­ან­ში“ და კაფე „გა­ლე­რი­ში“ მყოფ­მა პი­რებ­მა, ისე რი­გით­მა მო­ქა­ლა­ქე­ებ­მა, რომ­ლებ­მაც მოგ­ვი­ა­ნე­ბით პარ­ლა­მენ­ტის შე­ნო­ბას­თან გა­და­ი­ნაც­ვლეს. საპ­რო­ტეს­ტო აქ­ცი­ა­ზე ად­მი­ნის­ტრა­ცი­უ­ლი წე­სით, ოფი­ცი­ა­ლუ­რად და­კა­ვე­ბუ­ლია 20 პირი, არა­ო­ფი­ცი­ა­ლუ­რი ინ­ფორ­მა­ცი­ით, და­კა­ვე­ბულ­თა რა­ო­დე­ნო­ბა გა­ცი­ლე­ბით მე­ტია.

ღა­მის კლუ­ბებ­ში სპე­ცო­პე­რა­ცი­ე­ბის ჩა­ტა­რე­ბას ეხ­მა­უ­რე­ბი­ან სო­ცი­ა­ლურ ქსე­ლებ­შიც. აი, რას წე­რენ ცნო­ბი­ლი ინ­ტერ­ნეტ­მომ­ხმა­რებ­ლე­ბი "ფე­ის­ბუ­ქის" პი­რად გვერ­დებ­ზე:

მი­რი­ან ჯე­ჯე­ლა­ვა, მსა­ხი­ო­ბი, ტე­ლე­წამ­ყვა­ნი

ასევე დაგაინტერესებთ

02:24 / 12-05-2018

"ბასიანსა" და "გალერიში" 8 ნარკორეალიზატორია დაკავებული - შსს განცხადებას ავრცელებს

03:02 / 12-05-2018

"დაკავებულები არიან ბასიანის დამფუძნებლები... ასევე უამრავი მოცეკვავე" - ნაჯა ორაშვილი "ფეისბუქზე" ახალ ინფორმაციას ავრცელებს

09:02 / 12-05-2018

რა ხდებოდა ღამით "ბასიანზე" და "გალერიში" - ფოტოები სპეცოპერაციის ადგილებიდან

12:02 / 12-05-2018

შსს-ს პირველი ვრცელი კომენტარი ღამის კლუბებში ჩატარებულ სპეცოპერაციაზე

"ჯო­ჯო­ხე­თი ღამე და დილა. რო­მე­ლი ერთი გა­ვაპ­რო­ტეს­ტო ეგეც არ ვიცი. აღა­რა­ფერს ვამ­ბობ მშვი­დო­ბი­ა­ნი მო­ქა­ლა­ქე­ე­ბის დარ­ბე­ვა­ზე, და­უნ­დო­ბელ ცე­მა­ზე!.. ეს არის ვან­და­ლიზ­მი, ტე­რო­რი მშვი­დო­ბი­ან მო­ქა­ლა­ქე­ებ­ზე. უამ­რა­ვი ადა­მი­ა­ნი გა­დაყ­ვა­ნი­ლია გან­ყო­ფი­ლე­ბებ­ში, რო­მელ­თა ნა­წი­ლის ბედი სა­ერ­თოდ არ ვი­ცით. მათ შო­რის ბა­სი­ა­ნის ერთ-ერთი დამ­ფუძ­ნე­ბე­ლი ზვი­ად გელ­ბა­ხი­ა­ნი. რო­გორ არ ვიცი, მაგ­რამ ოპ­ტი­მიზ­მი და ერ­თი­ა­ნო­ბა შე­ვი­ნარ­ჩუ­ნოთ!!!"

მა­ი­კო ჩი­ტა­ია, ჟურ­ნა­ლის­ტი და სა­მო­ქა­ლა­ქო აქ­ტი­ვის­ტი

ადრე ჩა­მე­ძი­ნა გუ­შინ სა­ღა­მოს. ქეთა გა­რეთ იყო ჯერ გა­და­ღე­ბა­ზე, მერე მე­გობ­რებ­თან ერ­თად. ელო­დე­ბა. 2 წელ­ში 18 წლის ხდე­ბა და კლუბ­ში შეს­ვლის უფ­ლე­ბა ექ­ნე­ბა. უყ­ვარს ცეკ­ვა, მუ­სი­კა. პი­რო­ბას გაძ­ლევ სა­ხელ­მწო­ფო, რომ ჩემი ორი­ვე შვი­ლი, რო­მე­ლიც ვთვლი, რომ ღი­რე­ბუ­ლი ძა­ლაა ამ ქვეყ­ნის­თვის, ამ ქვე­ყა­ნა­ში არ აღ­ნიშ­ნავს სრულ­წლოვ­ნე­ბას. ყვე­ლა­ფერს გა­ვა­კე­თებ, რომ ისე წა­ვიდ­ნენ აქე­დან, აღარ მო­უნ­დეთ დაბ­რუ­ნე­ბა სა­ნამ თქვენ, ტე­რო­რის მთეს­ვე­ლე­ბი ასეთ ღა­მე­ებს გვი­ძღვნით. ყვე­ლა ვი­დე­ოს ვაჩ­ვე­ნებ მათ და და­ვარ­წმუ­ნებ, რომ ამ ქვე­ყა­ნა­ში ყვე­ლას­თვის სა­ში­შია ცხოვ­რე­ბა, გარ­და სქელ­ჯი­ბე­ე­ბი­ა­ნი კრი­მი­ნა­ლე­ბი­სა!

სა­ლო­მე ასა­თი­ა­ნი, ჟურ­ნა­ლის­ტი

17 მა­ისს პოგ­რო­მი მო­ა­წყვეს, ადა­მი­ა­ნებ­ზე მა­სობ­რი­ვად იძა­ლა­დეს, კა­ციშ­ვილს არ მო­ე­კი­თხა პა­სუ­ხი - ვი­ღაც "პი­და­რას­ტე­ბი" და­არ­ბი­ეს, ნუ რა ვქნათ.

აფგან მუხ­თარ­ლი თბი­ლი­სის ცენ­ტრი­დან გა­ი­ტა­ცეს - ვი­ღაც აზერ­ბა­ი­ჯა­ნე­ლი კაცი, რას მო­დი­ო­და სა­ერ­თოდ აქ, ნუ რა ვქნათ.

ზვი­ად რა­ტი­ან­ზე იძა­ლა­დეს - მთვრა­ლი იყო, იგი­ნე­ბო­და (კი­დევ ერთხელ მად­ლო­ბა საზ­მა­უს), ნუ რა ვქნათ.

დღეს კლუ­ბებ­ში სპეც­რაზ­მე­ლე­ბი შე­ვარ­დნენ და პო­ლი­ცია თბი­ლი­სის ცენ­ტრში აქ­ტი­ვის­ტებ­ზე ნა­დი­რობს - ვი­ღაც ქლა­ბე­რე­ბი არი­ან, ზოგი რა­ღა­ცე­ებს ყლა­პავს, ნუ რა ვქნათ.

ჰოდა ერთი ცნო­ბი­ლი ლექ­სია, პას­ტო­რის და­წე­რი­ლი. ჯერ რომ სო­ცი­ა­ლის­ტებს მო­ა­კი­თხა­ვენ, მერე პროფ­კავ­ში­რებს, მერე ებ­რა­ე­ლებს - ნუ რა ვქნათ. და ბო­ლოს ეს ლექ­სი რო­გორც მთავ­რდე­ბა, ესეც გე­ცო­დი­ნე­ბათ. გა­სათ­ვა­ლის­წი­ნე­ბე­ლი ამ­ბა­ვი მგო­ნია ეს. სა­ხელ­მწი­ფოს ძა­ლა­დო­ბა - ვის­ზეც უნდა იყოს ის მი­მარ­თუ­ლი - ყვე­ლას გვე­ხე­ბა და შეგ­ვე­ხე­ბა.

გრი­გოლ გე­გე­ლია - ის­ტო­რი­კო­სი

ქვე­ყა­ნა, რომ­ლის ძა­ლოვ­ნე­ბიც კონ­ფლიქ­ტურ ზო­ნებ­ში არ­სად ჩა­ნან, აქა­ო­და რუ­სე­ბი არ გა­ჯავ­რდნე­ნო, რის გა­მოც ქარ­თველ ხალ­ხს პან­ტა­პუნ­ტით იტა­ცე­ბენ და ხო­ცა­ვენ, აი იგი­ვე ქვე­ყა­ნა ნარ­კო­რე­ა­ლი­ზა­ტო­რე­ბის და­სა­კა­ვებ­ლად ფაქ­ტი­უ­რად მომცრო არ­მი­ას იყე­ნებს.

ასე­თი სა­ხელ­მწი­ფო კო­მი­კუ­რია! მას არა­ვინ შე­ხე­დავს სე­რი­ო­ზუ­ლად არ­სად და არას­დროს. ურ­თუ­ლეს რე­გი­ონ­ში, ომში მყო­ფი სა­ხელ­მწი­ფო 8 ნარ­კო­რე­ა­ლი­ზა­ტორს თუ ვერ აკა­ვებს ამ ბუნ­დო­ვა­ნი ქა­ო­სის გა­რე­შე, მა­შინ დროა მთავ­რო­ბა გა­დად­გეს და მარ­თვა ჩა­ი­ბა­როს ხალ­ხმა, ვი­საც ამის ნიჭი აქვს.

სი­ნამ­დვი­ლე­ში კი ყვე­ლა­ფე­რი ცხა­დია:

1. "დაბ­რუნ­და" მე­სია; სამ­წუ­ხა­როდ, ვი­ღა­ცე­ებს კვლავ აქვთ გან­ცდა რომ ამით რა­ღაც ახა­ლი მოხ­და. ამი­ტომ, მა­ნაც ახლა ამ სი­ახ­ლის ერ­თგვა­რი გემო მის­ცა. სხვა რა უნდა ქნას? რაც 6 წლის მან­ძილ­ზე ვერ გა­კეთ­და, რაც არ იცის, რაც არ გა­მოს­დის, რა ხალ­ხიც ვერ მი­იმხრო, რაც ვერ გა­მო­უ­ვა... ახლა რო­გორ მო­ი­ფიქ­როს?

2. მკა­ფიო მე­სიჯს უგ­ზავ­ნი­ან კა­ლა­ძეს. გვახ­სოვს ივა­ნიშ­ვი­ლის მის­ვლა მუ­ნი­ცი­პა­ლურ არ­ჩევ­ნებ­ზე. გვახ­სოვს მის მიერ კო­მენ­ტა­რის არ-გა­კე­თე­ბა და უჟ­მუ­რი სა­ხით გავ­ლა. გვსმე­ნია ოც­ნე­ბის შიგ­ნით არ­სე­ბულ და­ყო­ფა­ზე. კარ­გად არის ცნო­ბი­ლი, რომ "ბა­სი­ა­ნი" მისი მე­გობ­რის და მომ­ხრის ბიზ­ნე­სია.

3. შიდა პარ­ტი­ულ და­პი­რის­პი­რე­ბას, ძა­ლა­უფ­ლე­ბით ტრა­ბახს ამ­წამს ეწი­რე­ბა ქვეყ­ნის იმი­ჯი, სტა­ბი­ლუ­რო­ბა დე­და­ქა­ლაქ­ში, უდა­ნა­შა­უ­ლო ადა­მი­ან­თა თა­ვი­სუფ­ლე­ბა (და ეგებ ჯან­მრთე­ლო­ბა)

ნარ­კო­რე­ა­ლი­ზა­ტო­რებს უმ­კაც­რე­სად უნდა ეს­ხმო­დეს თავს სა­ხელ­მწი­ფო. მე ათ­ჯერ უფრო მკაც­რი ვიქ­ნე­ბო­დი (ოღონდ არა აი ასე კო­მი­კუ­რი შო­უ­ე­ბის სა­ხით, რაც არა­ფერს შეც­ვლის). ასე­თი მთავ­რო­ბა ქვე­ყა­ნას არ სჭირ­დე­ბა.

ნაჯა ორაშ­ვი­ლი - "ბა­სი­ა­ნის" ერთ-ერთი დამ­ფუძ­ნე­ბე­ლი

ჯერ სად ხართ, თქვე­ნი­ვე შე­მოყ­რი­ლი სა­წამ­ლა­ვი უკან მო­გიბ­რუნ­დე­ბათ. ეხლა მა­ინც უნდა იყოს გა­სა­გე­ბი ვინ დგას ქა­ლაქ­ში გა­მო­ჩე­ნი­ლი სიკ­ვდი­ლის უკან. პირ­ვე­ლი ვი­ყა­ვი ვინც შსს აც­ნო­ბა ამ ნივ­თი­ე­რე­ბის გა­მო­ჩე­ნის შე­სა­ხებ და 1 თვის შემ­დეგ რო­გორ მობ­რუნ­და, კი ხე­დავთ. ეს გინ­დო­დათ, თა­ვი­სუფ­ლე­ბის წი­ნა­აღ­მდეგ ომი, რა­საც არ და­გით­მობთ! ჩემი თბი­ლი­სი, მოკ­ლეს, აღა­რაა სი­ცო­ცხლით სავ­სე, აღარც "ცხოვ­რე­ბაა მშვე­ნი­ე­რი".

მა­ნა­ნა ვარ­დი­აშ­ვი­ლი - ჟურ­ნა­ლის­ტი

ეჭ­ვიც აღარ მე­პა­რე­ბა, რომ ეს ნა­გა­ვი ნარ­კო­ტი­კი სწო­რედ ხე­ლი­სუფ­ლე­ბამ შე­მო­აგ­დო, გათ­ვა­ლა, რომ მსხვერ­პლი იქ­ნე­ბო­და, რაც მის­თვის სა­ჭი­რო სა­ზო­გა­დო­ებ­რი­ვი აზ­რის ფორ­მი­რე­ბა­ში და­ეხ­მა­რე­ბო­და და ნარ­კო­პო­ლი­ტი­კის ლი­ბე­რა­ლი­ზა­ცი­ა­ზე უარ­საც გა­ა­მარ­თლებ­და. ბა­სი­ან­ში შე­ვარ­დნით და ახა­ლი "7 ნო­ემ­ბრის" დად­გმით ებ­რძვი­ან ნარ­კო­რე­ა­ლი­ზა­ტო­რებს?

ბექა ჭანკვე­ტა­ძე - ინ­ტერ­ნეტ­მომ­ხმა­რე­ბე­ლი, ქლა­ბე­რი

ჩა­კე­ტილ ბნელ სივ­რცე­ში ვცეკ­ვავთ 2 000 ადა­მი­ა­ნი ერ­თად, ერ­თმა­ნეთ­საც კი არ ვე­ხე­ბით, არც ვე­ლა­პა­რა­კე­ბით, უბ­რა­ლოდ გვიყ­ვარს და ვცეკ­ვავთ, მერე სახ­ლში მივ­დი­ვართ ძა­ლი­ან ჩუ­მად, ჩვენს ოთახ­შიც კი ფრთხი­ლად შევ­დი­ვართ რო სახ­ლში არა­ვინ შე­ვა­წუ­ხოთ. გთხოვთ, იცეკ­ვეთ ჩვენ­თან ერ­თად, ან ნუ გვირ­ტყამთ

ნა­ნუ­კა ჟორ­ჟო­ლი­ა­ნი - ტე­ლე­წამ­ყვა­ნი

ნარ­კო­ტი­კე­ბის რე­ა­ლი­ზა­ტო­რე­ბის დას­ჯა ძა­ლი­ან მა­გა­რი ამ­ბა­ვია! აუ­ცი­ლე­ბე­ლია! მაგ­რამ გუ­შინ­დე­ლი ბარ­თლო­მეს ღამე, უბ­რა­ლოდ საჩ­ვე­ნე­ბე­ლი დას­ჯა იყო და ეს უნდა გა­ვაპ­რო­ტეს­ტოთ.

ეკა გი­გა­უ­რი - "სა­ერ­თა­შო­რი­სო გამჭვირ­ვა­ლო­ბა - სა­ქარ­თვე­ლოს“ აღ­მას­რუ­ლე­ბე­ლი დი­რექ­ტო­რი

"ნარ­კო­რე­ა­ლი­ზა­ტო­რებს უმ­კაც­რე­სად უნდა ებ­რძო­ლო, მაგ­რამ ამ ბრძო­ლა­ში მო­ქა­ლა­ქე­ე­ბის უფ­ლე­ბე­ბი არ უნდა და­არ­ღვიო"

და­ვით კი­კა­ლიშ­ვი­ლი - ჟურ­ნა­ლის­ტი

"კლუ­ბი ბა­სი­ა­ნი ბოლო წლე­ბია ერთ-ერთი ყვე­ლა­ზე პო­პუ­ლა­რუ­ლი ად­გი­ლია თბი­ლის­ში სა­დაც ელექტრო­ნულ მუ­სი­კას უკ­რა­ვენ. უცხო­ურ მე­დი­ა­შიც კი წა­მი­კი­თხავს მის შე­სა­ხებ. აქე­დან გა­მომ­დი­ნა­რე ეს ძალ­ზე მომ­გე­ბი­ა­ნი ბიზ­ნე­სია. უკვე დიდი ხა­ნია ვაკ­ვირ­დე­ბი რო­გორ ცდი­ლო­ბენ მა­ვან­ნი მის ხელ­ში ჩაგ­დე­ბას. ვინ არ მი­უგ­ზავ­ნეს: ფსევ­დო ჯი­ბის პატ­რი­ო­ტე­ბი, მო­რა­ლი­სა თუ რე­ლი­გი­ის დამ­ცვე­ლე­ბი, რათა ბიზ­ნე­სი აა­ხი­ონ. ყო­ფი­ლი კო­მუ­ნის­ტუ­რი ელი­ტის ნა­ში­ე­რებს თა­ვად ხომ არაფ­რის შექ­მნა არ შე­უძ­ლი­ათ, მათ მხო­ლოდ სხვა­ზე პა­რა­ზი­ტო­ბა ეხერ­ხე­ბათ. მათი დროც დად­გა.

აი შე­დე­გიც! მარ­ტი­ვია და­ღუ­პუ­ლი ახალ­გაზ­რდე­ბის ტრა­გე­დია და სა­ზო­გა­დო­ე­ბის სა­მარ­თლი­ა­ნი აღ­შფო­თე­ბა გა­მო­ი­ყე­ნო, ერთი ორი ნა­სედ­კა ავად­მყო­ფი და და­შან­ტა­ჟე­ბუ­ლი ნარ­კო­და­მო­კი­დე­ბუ­ლი შე­უგ­ზავ­ნე და პო­ლი­ცი­ის მაშ­ტა­ბუ­რი და სა­ნა­ხა­ობ­რი­ვი რე­ი­დით და­ა­კა­ვე. ყო­ველ­მხრივ მო­გე­ბუ­ლი ხარ! სა­ზო­გა­დო­ე­ბის თვალ­ში გმი­რი, ბიზ­ნე­სიც ით­რიე! მაგ­რამ რა­ტომ­ღაც მგო­ნია, რომ ნარ­კო­ტი­კის, ყა­ჩა­ღო­ბის, საძ­მო­ე­ბის და კო­რუფ­ცი­ის დრო ახლა იწყე­ბა. P.S. ღმერ­თმა ქნას არ ვიყო მარ­თა­ლი და ზე­მოთ და­წე­რი­ლი სი­სუ­ლე­ლე აღ­მოჩ­ნდეს.

ნა­თია ფან­ჯი­კი­ძე - ფსი­ქო­ლო­გი

რა­ნა­ი­რი ღამე ყო­ფი­ლა გუ­შინ? გახ­სოვთ თბი­ლი­სი კო­მუ­ნის­ტე­ბის დროს, როცა ქალი კა­ფე­ში ვერ შე­ვი­დო­და, რად­გან კაფე არც არ­სე­ბობ­და, იყო მხო­ლოდ რუს­თა­ველ­ზე ერთი საღ­ვე­ზე­ლე და ლა­ღი­ძის ხა­ჭა­პუ­რი, სა­დაც ბავ­შვი და ქალი შე­ვი­დოდ­ნენ. გახ­სოვთ 90-იანი წლე­ბის თბი­ლი­სი, როცა აღარც ეს იყო და აღარც არა­ფე­რი. გი­სო­სებ­ში ჩას­ვა ხალ­ხმა სა­კუ­თა­რი თავი, ერ­თმა­ნე­თის­გან და­სა­ცა­ვად, სახ­ლის ფან­ჯა­რა თუ კან­ტი­კუნ­ტად არ­სე­ბუ­ლი მა­ღა­ზია, მთე­ლი ქა­ლა­ქი რკი­ნის ფარ­და-ჟა­ლუ­ზით იკე­ტე­ბო­და, სული გე­ხუ­თე­ბო­და ამ სა­შიშ, ვო­ლი­ე­რე­ბად ქცე­ულ ქა­ლაქ­ში, სას­ტუმ­რო არ იყო, სა­დაც სტუ­მა­რი ღა­მეს გა­ა­თევ­და, ად­გი­ლი არ იყო, სა­დაც ყა­ვას და­ლევ­დი...

ხე­დავთ დღე­ვან­დელ თბი­ლისს, რო­გო­რია? ყვე­ლა ტი­პის ადა­მი­ა­ნის­თვის გაჩ­ნდა თავ­შეყ­რის ად­გი­ლი, არის დღის კა­ფე­ე­ბი, სა­დაც გახ­სნის­თა­ნა­ვე მო­წე­ვა აკ­რძა­ლუ­ლი იყო, ამა წლის 1 მა­ი­სი­დან არ და­უ­წყი­ათ, ბავ­შვსაც შე­იყ­ვან, მარ­ტოც შეხ­ვალ, წიგნს წა­ი­ღებ და წა­ი­კი­თხავ, ისე­თი სი­წყნა­რე და კომ­ფორ­ტია, სახ­ლში თუ პი­რო­ბე­ბი არ გაქვს, კა­ფე­ში იმე­ცა­დი­ნებ. გაჩ­ნდა ყვე­ლა ბავ­შვის საყ­ვა­რე­ლი ად­გი­ლე­ბი, ნა­ირ­ნა­ი­რი, სხვა ქვეყ­ნე­ბის სამ­ზა­რე­უ­ლო გაჩ­ნდა რეს­ტორ­ნებ­ში, შან­სი გაგ­ვიჩ­ნდა უცხო კულ­ტუ­რის გე­მო­ე­ბი გავ­სინ­ჯოთ, გა­ვეც­ნოთ რას ჭა­მენ ია­პო­ნე­ლე­ბი, ჩი­ნე­ლე­ბი, რო­გორ იკ­ვე­ბე­ბი­ან ფრან­გე­ბი.. გაჩ­ნდა მა­ღა­ლი კულ­ტუ­რის მქო­ნე ქარ­თუ­ლი კერ­ძე­ბის რეს­ტორ­ნე­ბი.. სულ მინ­და მად­ლო­ბა ვუ­თხრა ამ თბი­ლი­სუ­რი რეს­ტორ­ნე­ბის, უმ­შვე­ნი­ე­რე­სი ად­გი­ლე­ბის გამ­ჩენ ნი­ჭი­ერ ადა­მი­ა­ნებს, ვინც ასეთ კულ­ტუ­რულ ატ­მოს­ფე­როს ქმნის. გაჩ­ნდა კლუ­ბე­ბი, სა­დაც ადა­მი­ა­ნებს ცეკ­ვის, გან­სხვა­ვე­ბუ­ლი მუ­სი­კის მოს­მე­ნის სა­შუ­ა­ლე­ბა აქვთ და გან­ვი­თარ­და დი­ჯე­ის პრო­ფე­სია, ქარ­თვე­ლი დი­ჯე­ე­ბი სა­უ­კე­თე­სო­ე­ბად ით­ვლე­ბი­ან უკვე ევ­რო­პა­შიც კი. ეს კლუ­ბე­ბი უამ­რავ ახალ­გაზ­რდა ტუ­რისტს იზი­დავს..

დიდი იმე­დი მაქვს, რომ ეს გუ­შინ­დე­ლი წი­ო­კი უცხო­ე­ლი სტუმ­რე­ბის მიერ არა­ორ­დი­ნა­რულ თავ­გა­და­სავ­ლად იქ­ნე­ბა აღ­ქმუ­ლი და არა საფრ­თხედ და უსი­ა­მოვ­ნე­ბად, რო­მე­ლიც მათ გა­ნი­ზი­დავს ჩვე­ნი ქა­ლა­ქის­გან. ნარ­კო­ტი­კის გამ­სა­ღებ­ლებს სა­ხელ­მწი­ფო უნდა ებ­რძო­დეს, მაგ­რამ არა ასე­თი ფორ­მით, არა კლუ­ბე­ბის კულ­ტუ­რის მოს­პო­ბით. ასე პრობ­ლე­მა ვერ გაქ­რე­ბა, მაგ­რამ პრობ­ლე­მა გაჩ­ნდე­ბა, ქა­ლაქს და­აკ­ლდე­ბა ერ­თერ­თი კომ­პო­ნენ­ტი, რო­მე­ლიც მას ქა­ლა­ქის სა­ხეს აძ­ლევს. არას­დროს, ბავ­შვო­ბა­შიც არ მიყ­ვარ­და ხმა­უ­რი­ა­ნი მუ­სი­კა და ღა­მის­თე­ნე­ბა, სულ რამ­დენ­ჯერ­მე გა­მიძ­ლია ასე­თი ხმა­უ­რის­თვის, ისიც ჩემი ხმა­უ­რის­მოყ­ვა­რე ახ­ლობ­ლე­ბის ხათ­რით და კამ­პა­ნი­ო­ნად, მაგ­რამ არას­დროს მქო­ნია უც­ნა­უ­რი ინ­სტინ­ქტი, რაც მე მიყ­ვარს, მხო­ლოდ ის არ­სე­ბობ­დეს, ან რაც არ მიყ­ვარს არ არ­სე­ბობ­დეს.

მთა­ვა­რი, რაც უნდა ვის­წავ­ლოთ, არის ნე­ბის­მი­ე­რი ადა­მი­ა­ნის კა­ნო­ნი­ე­რი ინ­ტე­რე­სე­ბის პა­ტი­ვის­ცე­მა. ად­გი­ლე­ბი, სა­დაც კარგ მუ­სი­კას უკ­რა­ვენ, ქა­ლაქ­ში უნდა იყოს, ნუ მო­ახ­დენთ კლუ­ბე­ბის დე­მო­ნი­ზე­ბას, ნარ­კო­და­ნა­შა­უ­ლი ბევ­რად ფარ­თო ას­პა­რეზ­ზე და ბევ­რად მას­შტა­ბუ­რა­დაა საბ­რძოლ­ვე­ლი. სი­ყალ­ბეა, ექ­სკლუ­ზი­უ­რად კლუ­ბებს მი­ე­წე­როს ამ პრობ­ლე­მის ბო­ლოდ­რო­ინ­დე­ლი ასე­თი აფეთ­ქე­ბა და ილუ­ზია შე­იქ­მნას, რომ ამ კლუ­ბე­ბის დარ­ბე­ვის გზით მოგ­ვარ­დე­ბა პრობ­ლე­მა.

მთა­ვა­რი ფოტო: ნაჯა ორაშ­ვი­ლი