კლუბ "ბასიანთან" ვითარება უკიდურესად დაძაბულია - პოლიციამ რამდენიმე პირი დააკავა

კლუბ "ბასიანთან" ამ წუთებში ვითარება უკიდურესად დაძაბულია. სამართალდამცველები ეტაპობრივად აკავებენ კლუბში მყოფ პირებს. დაკავებას იქ მყოფი ადამიანების მხრიდან პროტესტი და წინააღმდეგობა ახლავს თან. ადგილზე სამართალდამცველების განსაკუთრეული მობილიზებაა.

სპეცოპერაცია ტარდება ასევე კაფე "გალერიში" და "ხიდზე". შსს ადასტურებს, რომ აღნიშნულ კლუბებში საგამოძიებო მოქმედებები ტარდება, თუმცა არ აკონკრეტებს - რა მიზეზით.

"ბასიანის" ერთ-ერთი დამფუძნებელი ნაჯა ორაშვილი კი "ფეისბუქში" სპეციალურ სტატუსს აქვეყნებს: სპეცრაზმია შეჭრილი ბასიანზე, ასევე გალერიში, ალყაშია დინამო. ბლოუში ქალები სცემეს. ყველა შიგნით მყოფი გარეთ გამოუშვეს, შიგნით რას იზამენ არავინ იცის. ვისაც შეგიძლიათ მოდით. ომი გამოგვიცხადეს", - წერს ორაშვილი.

ნახეთ: პირდაპირი ეთერი კლუბ "ბასიანის" მიმდებარე ტერიტორიიდან, სადაც რამდენიმე წუთის წინ სპეცრაზმი გამოჩნდა