ლონდონის მერი ბრიტანელების სიმსუქნის წინააღმდეგ ბრძოლას იწყებს

სწრაფი კვების სარეკლამო ბანერები ლონდონის მეტროსადგურებსა და ავტობუსებზე აიკრძალება, „ინდეფენდენთის“ ინფორმაციით, გადაწყვეტილება ქალაქის მერმა მიიღო.

სადიქ ხანის განცხადებით, აუცილებელია შეაჩერონ ბავშვთა სიმსუქნის კატასტროფული მატება. ლონდონში 10-11 წლის ბავშვების 40 პროცენტი ჭარბწონიანია.

„თუ არ გადავდგამთ მნიშვნელოვან ნაბიჯებს, არ ვიქნებით მართალი ახალგაზრდების წინაშე,“ - აღნიშნა სადიქ ხანმა.

მერის ბრძანების შესაბამისად, არაჯანსაღი საკვებისა და სასმელის რეკლამა აიკრძალება ავტობუსებზე, ტრანსპორტის გაჩერებებზე, მეტროსადგურში და მიწისზედა მატარებლებზე.