მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ძიუდოს ფედერაციის ყრილობაზე სიტუაცია დაიძაბა - ქევხიშვილთან დაპირისპირებულმა ძიუდოისტებმა ყრილობა პროტესტის ნიშნად დატოვეს
12:44 / 10-05-2018
სასტუმრო “ბილტმორში”, სადაც ძიუდოს ფედერაციის ყრილობა მიმდინარეობს, სიტუაცია დაიძაბა. სასტუმროში მივიდნენ ძიუდოს ფედერაციის პრეზიდენტ დავით ქევხიშვილთან დაპირისპირებული სპორტსმენები, რომლებიც სრული შემადგენლობით ითხოვდნენ ყრილობაზე შესვლას. თავდაპირველად ყრილობის ორგანიზატორების გადაწყვეტილებით, დარბაზში შევიდა 8-კაციანი ჯგუფი, თუმცა შემდგომ მათი რაოდენობა კიდევ გაიზარდა და თითქმის სრულად შეუშვეს ყველა.
ყრილობა დახურულ ფორმატში მიმდინარეობს. ყრილობაზე ორ საკითხს განიხილავენ: ფედერაციის პრეზიდენტის ანგარიშის მოსმენა და შექმნილ ვითარებაზე მსჯელობა. დარბაზთან მობილიზებულია კერძო დაცვის სამსახურის “ალგანის” თანამშრომლები. სწორედ ისინი არ უშვებდნენ სპორტსმენებს იმ დარბაზში, სადაც ყრილობა ტარდება.
"მე ვიცავ არა ამ თანამდებობაზე დავით ქევხიშვილის ყოფნას, არამედ ძიუდოს ფედერაციის პრეზიდენტის პოსტს" - ამის შესახებ ძიუდოს ფედერაციის პრეზიდენტმა დავით ქევხიშვილმა განაცხადა.
ყრილობაზე შევიდნენ საქართველოს ნაკრების კაპიტანი ვარლამ ლიპარტელიანი და სხვა სპორტსმენები. როგორც ყრილობაზე შესვლამდე ლიპარტელიანმა განაცხადა, ისინი დავით ქევხიშვილს დაუსვამდნენ ყველა კითხვას, რაც მათ აქვთ.
თუმცა, მალევე ძიუდოს ფედერაციის ყრილობა დავით ქევხიშვილთან დაპირისპირებულმა ძიუდოისტებმა პროტესტის ნიშნად დატოვეს. როგორც ძიუდოისტებმა განაცხადეს, ისინი დაელოდებიან დღეს შექმნილი კომისიის გადაწყვეტილებას და სწორედ ამის მიხედვით იმოქმედებენ.
საქართველოს ნაკრების წევრის ავთანდილ ჭრიკიშვილის განმარტებით, ძიუდოისტებმა ყრილობაზე დააფიქსირეს საკუთარი პოზიცია, ისაუბრეს ფედერაციის პრეზიდენტის მიმართ პრეტენზიებზე და დასვეს კონკრეტული შეკითხვები, თუმცა დავით ქევხიშვილს და ფედერაციის წარმომადგენლებს ამ შეკითხვებზე პასუხების გაცემა არ უცდიათ, რის შემდეგაც მიიღეს ყრილობის დატოვების გადაწყვეტილება. ჭრიკიშვილის თქმით, ყრილობაზე რაიმე დაპირისპირებას ან ექსცესს ადგილი არ ჰქონია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
