მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნუ გავხდებით მტრების დასაცინი..." - ლევან გორგაძე ქართველ ძიუდოისტებს მიმართავს
20:22 / 07-05-2018
ქართველი სუმოისტი ლევან გორგაძე, იგივე ტოჩინოშინი იაპონიიდან ვიდეომიმართვას ავრცელებს, სადაც ქართველ ძიუდოისტებს მიმართავს:
"მინდა ჩემი გულისტკივილი გამოვხატო ძიუდოს ნაკრებთან დაკავშირებით, რადგან მეც ძიუდოისტი ვიყავი და ძიუდოსა და სპორტის მიმართ სიყვარული თქვენთან ერთად ვისწავლე. პირადად მე ორმა ტელევიზიამ დამირეკა და მთხოვა ქართულ ძიუდოში არსებულ პრობლემებზე მესაუბრა. მე მტყუანისა და მართლის გარჩევას ვერ დავიწყებ, უბრალოდ, ჩემი თხოვნა იქნება, რომ მოუგვარებელი არაფერია, ყველაფრის მოგვარება შეიძლება და ნუ გავხდებით სხვადასხვა ქვეყნების დასაცინი. დამიჯერეთ, ყველას გაუხარდება ქართული ძიუდოს დასუსტება და გუნდის დაშლა, რადგან დღესდღეობით ჩვენი გუნდი ერთადერთი საუკეთესო გუნდია ევროპაში და არა მარტო. ჩემი თხოვნა იქნება მეტად დავაფასოთ ერთმანეთი და ამდენი წლების ავტორიტეტს ნუ გავაფუჭებთ და ნუ გავხდებით მტრების დასაცინი" - ამბობს გორგაძე ვიდეომიმართვაში, რომელიც მან "ფეისბუქზე" გაავრცელა.
ქართველი ძიუდოისტები ფედერაციის პრეზიდენტის დავით ქევხიშვილის გადადგომას მოითხოვენ. ძიუდოს ეროვნული ნაკრების წევრების თქმით, ფედერაციაში ერთპიროვნული მმართველობა და არაჯანსაღი სიტუაციაა. აღნიშნულ საკითხთან დაკავშირებით დღეს კულტურისა და სპორტის სამინისტროში დახურულ კარს მიღმა შეხვედრაც გაიმართა.
არსებული ინფორმაციით, სპორტსმენებმა კულტურისა და სპორტის მინისტრთან საუბრისას ყურადღება გაამახვილეს იმ პრობლემატურ საკითხებზე, რომელიც ძიუდოს ფედერაციაშია, მათ შორის ნეპოტიზმზე და იმ საკადრო ცვლილელებზე, რომელიც დავით ქევხიშვილის გადაწყვეტილებით განხორციელდა და რომელიც სპორტსმენთა შეფასებით, არაკანონიერია. შეხვედრის დასრულების შემდგომ სპორტსმენებმა და მინისტრმა მიხეილ გიორგაძემაც აღნიშნეს, რომ სიტუაცია კრიტიკულია. ცნობილია ისიც, რომ სამინისტრომ ძიუდოს ფედერაციაში მიმდინარე პროცესებზე მოკვლევა დაიწყო.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
