მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კიბერშეტევა სამოქალაქო ავიაციის სააგენტოს შიდა სერვერზე - დაუდასტურებელ მოტივად კრიპტოვალუტის მოპოვება სახელდება
17:16 / 04-05-2018
სამოქალაქო ავიაციის სააგენტოს შიდა სერვერზე განხორციელებული კიბერშეტევის სავარაუდო და დაუდასტურებელ მოტივად კრიპტოვალუტის მოპოვება სახელდება.
როგორც"ინტერპრესნიუსს" სამოქალაქო ავიაციის სააგენტოს დირექტორის მოადგილემ ლევან კარანაძემ განუცხადა, დეტალები იმის შესახებ, თუ რომელი ქვეყნიდან განხორციელდა შეტევა ან რა ოდენობის თანხას ითხოვდნენ, უცნობია.
მისივე განმარტებით, სააგენტოს ჰქონდა სარეზერვო რესურსები, რისი სისტემაში ჩატვირთვის შემდეგაც განხორციელდა ინფორმაციის აღდგენა. „ჩვენი რესურსი გვქონდა დარეზერვებული, შესაბამისად, სარეზერვო ფაილებიდან მოხდა ინფორმაციის აღდგენა და სააგენტო ფუნქციონირებს შეუფერხებლად. ინფორმაციის წაშლა არ მომხდარა, განხორციელდა სერვერის დაბლოკვა და კონკრეტული ფაილების დაშიფრვა, რამაც გამოიწვია პროგრამული უზრუნველყოფის შეფერხებით მუშაობა.
როგორც კი განვახორციელეთ სარეზერვო ფაილების ჩატვირთვა სისტემაში, მუშაობაც დაუყოვნებლივ აღვადგინეთ. გამოვაქვეყნეთ ალტერნატიული ელექტრონული ფოსტის მისამართები და ჩვენს პარტნიორებთან, ავიაკომპანიებთან, საწარმოებთან, დაინტერესებულ პირებთან დროული კომუნიკაცია მოვახერხეთ იმისათვის, რომ შეუფერხებლად მიგვეწოდებინა სერვისები და მათაც შეძლებოდათ ჩვენთან დაკავშირება“, - განაცხადა ლევან კარანაძემ. მისივე თქმით, მომხდართან დაკავშირებით შინაგან საქმეთა სამინისტრო მოკვლევას აწარმოებს.
სამოქალაქო ავიაციის სააგენტომ მათ სერვერზე კიბერ თავდასხმის შესახებ განცხადება დღეს გაავრცელა.
„მიმდინარე წლის 2 მაისს, საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს სერვერზე კიბერ თავდასხმა განხორციელდა. კომპიუტერულმა ვირუსმა ზიანი მიაყენა სააგენტოში დაცულ მონაცემთა ბაზებს, პროგრამებს და ელექტრონულ მისამართებს. თავდასხმის შედეგად შექმნილი პრობლემის გამოსასწორებლად, სააგენტოსთან ერთად ჩართულია ყველა შესაბამისი უწყება. ავიაკომპანიებისა და საავიაციო საწარმოებისთვის, ოპერატორებისთვის და ავიასპეციალისტებისთვის ამჟამად მუშაობს შემდეგი ელ. მისამართები: safety@gcaa.ge; flightstandards@gcaa.ge; air@gcaa.ge; cds@gcaa.ge; office@gcaa.ge“, - აღნიშნულია სააგენტოს მიერ გავრცელებულ განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
