ჯეკი ჩანის ლესბოსელი შვილი უსახლკაროა და ამაში "ჰომოფობ მშობლებს" ადანაშაულებს

ჯეკი ჩანის შვილი, რომელიც მსახიობს ქორწინების გარეშე ეყოლა, ამტკიცებს, რომ მეგობარ გოგონასთან, ენდი ოთამთან ერთად ხიდის ქვეშ ცხოვრობს, ინფორმაციას „დეილი მეილი“ ავრცელებს.

19 წლის ეტამ გასულ კვირას „იუთუბზე“ ვიდეო განათავსა, სადაც ამბობს, რომ უსახლკაროა და მეგობრებსა და ოჯახის წევრებს მისი დახმარების სურვილი არ აქვთ.

ეტას მამასთან, 64 წლის ჯეკი ჩანთან ურთიერთობა არასოდეს ჰქონია, თუმცა მშობლებს ჰომოფობიაში ადანაშაულებს და ამბობს, რომ მეგობარ გოგონასთან ერთად მუდმივი შიშის თანხლებით უწევს ცხოვრება.

გოგონა დედასთან, ილეინთან ერთად ჰონგ-კონგში ცხოვრობდა. მისი მტკიცებით, იძულებული გახდა ქუჩაში გასულიყო საცხოვრებლად, რადგან მასზე დედამ უარი თქვა, სახელმწიფომ კი თავშესაფრით არ დააკმაყოფილა. გოგონები ამბობენ, რომ მათ სატელეფონო ზარებს მეგობრებიც კი აღარ პასუხობენ.

ეტა კანადელ ენდი ოთამს 2017 წლის თებერვლიდან ხვდება. მსახიობის შვილმა საკუთარი სექსუალური ორიენტაციის შესახებ პირველად „ინსტაგრამზე“ 6 თვის წინ დაწერა.

გოგონას მამასთან, ჯეკისთან ურთიერთობა არასოდეს ჰქონია. მსახიობს მის დედასთან, ილეინთან ხანმოკლე რომანი ჰქონდა 1999 წელს, ამ დროს უკვე დაქორწინებული იყო ჯოან ლინზე, რომელიც ამ დრომდე მისი ცოლია.