მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კაცი, რომელიც ქართულ სიმღერებს ახლებურად აჟღერებს - "ყველას ვუსურვებ გაცილებით მეტი აკეთოს, ვიდრე მე გამიკეთებია"
16:25 / 30-04-2018
დღეს პროექტი "მხოლოდ ქართული~ მაყურებელს მეორე ლაივკონცერტს შესთავაზებს. შოუ რუსთაველის თეატრში შედგება. კონკურსანტები დილიდან ღელავენ და სცენაზე გასასვლელად უკვე ემზადებიან.
პირველი კონცერტის ეთერში გასვლამ აჩვენა, რომ ქართული სიმღერა მაყურებელს მართლაც მონატრებია. შოუს უამრავმა ადამიანმა უყურა. გამოიკვეთნენ ფავორიტებიც. "მხოლოდ ქართულის~ მუსიკალური ხელმძღვანელია ზვიად ბოლქვაძე - ადამიანი, რომელიც უშუალოდ ქართული სიმღერების თანამედროვე ინტერპრეტაციაზე და ახალ ჟღერადობაზე მუშაობს. უმრავლესობას მოსწონს მისი ნამუშევარი, თუმცა არიან ისეთებიც, ვინც ამბობს, რომ ეს ის არ არის, რასაც ზვიად ბოლქვაძე ჩვეულებრივ ამბად მიიჩნევს. თავად პროექტზე საუბარს კი ჩვენი რესპონდენტი ასე იწყებს:
"ერთი მარტივი პასუხი მაქვს, ჩვენს ქვეყანაში ყველა კარგ წამოწყებას მივესალმები და ძალიან ბედნიერი ვარ, თუკი რამ შემიძლია გავაკეთო და ვინმეს ჩემი გამოცდილებით გამოვადგე. ამ პროექტში მთავარი ამბავი ის არის, რომ ქართული მუსიკა კვლავ აქტუალური გახდეს. დავაფასოთ ჩვენი წინაპრების შემოქმედება, უფრო ახლოს გავეცნოთ, კარგად იცოდნენ ბავშვებმა. მომავალში კი ყველაფერი ემსახურება იმას, რომ გაჩნდეს სურვილი, ვიმღეროთ ქართულად, ახალგაზრდა კომპოზიტორებსაც გაუჩნდეთ სურვილი, წერონ მუსიკა, რომელიც ქართულად სრულდება.
- "მხოლოდ ქართული~ თქვენგან დიდ ძალისხმევას მოითხოვს, ამდენი თემა გაქვთ ყოველი კონცერტისთვის მოსამზადებელი, დასამუშავებელი. დრო საკმარისია ამისთვის?
- ერთი კვირაც არ მაქვს, მხოლოდ ერთი დღე. ორშაბათს პირდაპირი ეთერია, სამშაბათს სიმღერები თავის მიმართულებებით, ფორმით მზად უნდა მქონდეს, რომ ოთხშაბათს ბენდმა გაარჩიოს და მომღერლებმა იმღერონ... ასეთ რეჟიმში ვმუშაობთ, თუმცა ეს ყველაფერი ძალიან საინტერესოა.
- კონკურსანტების უმრავლესობა გამოუცდელია, არ აქვთ მუსიკოსებთან, სცენაზე დგომის გამოცდილება... მუშაობაში როგორ მოგყვებიან?
- უკმაყოფილო არ ვარ. კარგები არიან, თუ რამდენიმეს არ ჩავთვლით, გამოცდილება არც ერთს არ აქვს. ეს კონკურსი, როგორც პროექტის ავტორები ამბობენ, დამწყები მუსიკოსებისთვისაა. ოღონდ, კარიერაშემდგარი მუსიკოსებისთვის არ გახლავთ. კონკურსში მონაწილე ახალგაზრდებმა მუსიკაში რაღაცები უნდა ისწავლონ, ეს პროექტი მათთვის გარკვეული სასწავლო პროცესია. 2-3-თვიან პატარა შოუ-სკოლას გაივლიან აქ.
პირველ კონცერტზე ზოგმა უფრო კარგად შეძლო თავის წარმოჩენა, ზოგმა - ნაკლებად. ზოგი რეპეტიციაზე იყო უკეთესი და ზოგი - სცენაზე. ნუ, პირველი კონცერტი იყო და ბუნებრივია, ღელავდნენ, განიცდიდნენ. ეს ართულებდა სიტუაციას, თან, დაღლილებიც იყვნენ.
- მუსიკას, რომელიც ჩვენთვის კარგადაა ნაცნობი და ყურშია გამჯდარი, ახალ, თანამედროვე ჟღერადობას სძენთ. რას ნიშნავს ეს თქვენთვის?
- ასეთი რაღაცები, თუ თვალს გადავავლებთ წარსულს, ყოველთვის ხდებოდა და ასეც გაგრძელდება, ვერ შევაჩერებთ. ახალგაზრდები განსხვავებული თაობაა, ჩამოყალიბებულები და მოაზროვნეები არიან, აქვთ მშვენიერი გემოვნება. ასე რომ, მთავარია, ქართული მუსიკა იყოს აქტუალური, მასზე მოთხოვნილება გაჩნდეს, იმპროვიზაციაში ვითარდებოდეს. საერთოდ კი, ჩვენი ქართული მუსიკაც ასე შემოინახეს ჩვენმა წინაპრებმა. დღეს რაც მეტად აქტუალური იქნება და მეტს გაუჩნდება სურვილი, მას მიეახლოს, იმ განწყობით, რომ მთავარი ღერძი არ დაეკარგოს, აუცილებელიც კია. მინიმალურად უნდა შეეხო და არ უნდა დააზიანო. ამას ბევრი აკეთებს და, რა თქმა უნდა, აქ გემოვნებაა მთავარი.
ამ პროექტის შემდეგ, შეიძლება ზოგს კიდეც გაუჩნდეს მსგავსი აზრი, მაგრამ ვიმეორებ, მნიშვნელოვანია, ძირითადი ღერძი არ დაიკარგოს. ისე, ამას ნებისმიერი ქართველი მომღერალი თავისებურად თავის რეპერტუარში აკეთებს და ზუსტად იგივე ხდება აქაც.
- თუმცა არიან ადამიანები, რომლებსაც ძველი სიმღერების თქვენ მიერ შექმნილი ინტერპრეტაციები დიდად არ მოსწონთ. რას ეტყოდით მათ?
- არაფერს არ ვეტყვი, გარდა იმისა, რომ თუ რამე კარგი მოხდება მათ ცხოვრებაში, ამით, სხვებთან ერთად, მხოლოდ ვიამაყებ. ყველას ვუსურვებ, რომ ჩემზე გაცილებით მეტი გააკეთონ, ბევრს მიაღწიონ, დიდი მუსიკა აჩუქონ ჩვენს ქვეყანას, კარგის მეტი არაფერი შემიძლია ვთქვა. რაც შეეხება მათ აზრს და შეხედულებებს ყველას თავისებური მიდგომა, გემოვნება აქვს და ასეც უნდა იყოს. თუმცა, ხომ ვამბობ, ყველას გულით ვუსურვებ გაცილებით მეტი აკეთოს, ვიდრე თუნდაც მე ვაკეთებ და გამიკეთებია.
- დღეს "რუსთავი 2~-ის ეთერში, ამ პროექტით, ქართული სიმღერის წარმოჩენა ხდება, რასაც თქვენ უდგახართ სათავეში. როგორია ქართული მუსიკის მომავალი?
- უდიდესი შეგრძნების მქონე ერი ვართ და ქართველი კაცი ყოველთვის საოცარ მუსიკას ქმნიდა, ძალიან საინტერესო იყო ყველაფერი, რაც ჩვენამდე მოსულა. არა მგონია, მას მომავალი არ ჰქონდეს, პირიქით, მაგრამ რაც მეტად მოეხსნება მარწუხები ჩვენს რეალობას, გაცილებით მეტად გაშლის ქართველი კაცი ფრთებს. გაცილებთ დიდი წარმატება, ასპარეზი და მასშტაბები გვექნება მსოფლიოშიც!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
