მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეცხრე დღე დაიწყება 03:56-ზე, მთვარე 21:22-დან ტყუპში იქნება – საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. ამ დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. ძილის წინ მიიღეთ გამწმენდი შხაპი. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირველი კორპუსი თბილისში, სადაც ავტოფარეხების დემონტაჟი დაიწყეს
18:50 / 27-04-2018
დედაქალაქის მოსახლეობა, თითქმის ყველა გამოკითხვაში ერთ-ერთ მთავარ პრობლემად დაბინძურებულ ჰაერსა და ქალაქში გამწვანების პრობლემას ასახელებს. ახლა უკვე მერის, კახა კალაძის წინასაარჩევნო კამპანიის დიდი ნაწილი სწორედ ამ საკითხებს ეთმობოდა და სარეკრეაციო ზონების რიცხოვნობის ზრდასაც მოიცავდა. რამდენიმე დღის წინ თბილისის მერი გამოვიდა ინიციატივით, რომ ძველი ავტოფარეხების ადგილზე სკვერები მოეწყოს.
ინიციატივა მოსახლეობის ნაწილისთვის მიმზიდველი აღმოჩნდა და მას პირველი მიმდევარიც გამოუჩნდა. წერეთლის #93-ში მცხოვრებმა მოსახლეობამ საკუთარი სურვილითა და შეთანხმებით გადაწყვიტა, რომ მერიის ინიციატივა რეალობად, სწორედ, მათ ეზოში ექციათ.
წერეთლის #93-ის ამხანაგობა "დიდუბელების" თავმჯდომარე ეთერ გაგუა Ambebi.ge-სთან საუბარში აღნიშნა, რომ სკვერის მოწყობის ინიციატივა ახალგაზრდობას ეკუთვნის.
"7 ავტოფარეხი ყოველგვარი კომპენსაციის გარეშე დაინგრა. ჩვენ შევთანხმდით, რომ თუ ავტოფარეხები დაინგრეოდა, აქ ბავშვებისთვის ლამაზი პარკი გაკეთდებოდა. მერის ინიციატივის შესახებ, რომ გავიგეთ პროცესი დავაჩქარეთ. გამწვანებაც იქნება, დაირგვება ხეები, საჩვენებელი პარკი იქნებაო და ვნახოთ. საშინელი დასანახია, როცა ფანჯრიდან სხვადასხვა ფორმისა და ზომის სახურავებს უყურებ" - ამბობს ეთერ გაგუა.
ადგილობრივი მცხოვრებლების განცხადებით, გადაწყვეტილება ერთსულოვანი იყო და წინააღმდეგობა არცერთ მოსახლეს არ ჰქონია.
"ექვსმა ადამიანმა ჩვენი პრინციპები და ინტერესები უკან გადავდეთ, რადგან გვქონდა ავტოფარეხები, რომლებიც არ გვჭირდებოდა. ყველა მივედით იმ აზრამდე, რომ მოგვეშორებინა და ლამაზი ეზო გვქონოდა" -აღნიშნა, ერთ-ერთმა მცხოვრებმა ჩვენთან საუბარში.
როგორც ადგილზე გვითხრეს, მოსახლეობა ავტოფარეხებს მანქანების გასაჩერებლად მაინც არ იყენებდა და რაც შეეხება პარკირებას, მათი თქმით, ამისთვის საკმარისი ადგილებია.
ადგილზე დიდუბის გამგეობის წარმომადგენლებიც იყვნენ, რომლებიც დაზიანებული ხის მოჭრის სამუშაოებს აწარმოებდნენ. როგორც გამგეობის თანამშრომელმა ჩვენთან საუბარში აღნიშნა, ხე დაზიანებული იყო და ავტოფარეხების გამო მისი მოჭრა ვერ ხერხდებოდა. იგი სხვადასხვა ჯიშის ხე-მცენარეებით ჩანაცვლდება.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
