7 ქართველი ლამაზმანი, რომლებიც "ინსტაგრამში" სუპერ-პოპულარულები არიან
სოციალურ ქსელებში პოპულარობის მოპოვება მარტივია. ერთი პოსტი ან ერთი ფოტო, შესაძლოა ათი ათასობით ადამიანმა ნახოს, მოიწონოს და გააზიაროს. ბოლო პერიოდში, ქართველმა "სელებრითებმა" ფეისბუქიდან "ინსტაგრამში" გადაინაცვლეს აქტიურად და ათასობით გამომწერს აგროვებენ სოციალურ ქსელში
წარმოგიდგენთ ცნობილ ქართველ ლამაზმანებს, რომლებიც რეკორდულად მცირე დროში ინსტაგრამის ვარსკვლავები გახდნენ და ასი ათასზე მეტი "ფოლოვერი" დააგროვეს. უფრო მეტიც, ბევრი მათგანისთვის "ინსტაგრამი" შემოსავლის წყაროდაც კი იქცა...
ქეთა თოფურია
"ინსტაგრამში" ქართველ ვარსკვლავებს შორის რეკორდსმენი А Студио-ს სოლისტია - ქეთას 1 900 000 მიმდევარი ჰყავს. მომღერალი სოციალურ ქსელში ხშირად აზიარებს ფოტოებს მუსიკალური კლიპების გადასაღები მოედნიდან, ასევე ოჯახურ ვიდეოებს, რომლის მთავარი გმირი, მისი პატარა ქალიშვილი ოლივია გეიხმანია. ქეთა თოფურიას ხშირად აქვს ლაივ-ჩართვებიც, სადაც მისთვის დამახასიათებელი სითამამით პასუხობს თაყვანისმცემლების შეკითხვებს.
მირანდა შელია
ფოტომოდელი მიმი შელია საქართველოში პოპულარული მას შემდეგ გახდა, რაც ფეხბურთელ გიორგი ჭანტურიასთან იქორწინა. წყვილის ოჯახი მალე დაინგრა და რუსეთში გაზრდილი მიმი საცხოვრებლად კვლავ მოსკოვში დაბრუნდა. თავდაპირველად "ინსტაგრამზე" ისე დარეგისტრირდა, ალბათ ვერც იფიქრებდა რომ ეს სოციალური ქსელი დიდ წარმატებას მოუტანდა, მაგრამ მისმა გარეგნობამ ინტერნეტ-სამყარო მოხიბლა და ნამდვილ ვარსკვლავად იქცა. მირანდას ინსტაგრამზე ნახევარ მილიონზე მეტი გამომწერი ჰყავს. ჰყავს პირადი აგენტი, რომელიც კომპანიებთან მოლაპარაკებებს აწარმოებს და ქართველი ლამაზმანი თვის მანძილზე დაახლოებით 20 სარეკლამო პოსტს აზიარებს.
თამთა გოდუაძე
მომღერალი თამთა გოდუაძე წლების წინ ემიგრაციაში წავიდა და ახლა საბერძნეთში ნომერ პირველი მომღერალია. გოდუაძე ინსტაგრამზე დიდი აქტიურობით გამოირჩევა და შესაბამისად სოციალურ ქსელში 168 000 "ფოლოუერი" ჰყავს. მომღერალი თაყვანისმცემლებს ხშირად ანებივრებს ლამაზი ფოტოებით, ხოლო ინსტაგრამ-სთორების საშუალებით, მისი პროექტების კულისებიდან ლაივებს ხშირად რთავს.
თამუნა წიკლაური
რუსეთში მცხოვრებ ქართველ დიზაინერს თამუნა წიკლაურს, რომელიც მოდური ბრენდის Simplify-ის დამფუძნებელია, საქართველოში ნაკლებად იცნობენ. თუმცა ის ინსტაგრამის ნამდვილი ვარსკვლავია და არაერთხელ მოხვდა ისეთი პოპულარული გამოცემის ყურადღების ცენტრში როგორიც არის "Vogue". ლამაზმანი, ჭკვიანი, დედა, დიზაინერი - ასე აფასებენ მას მოდური რუსული გამოცემები. თამუნა წარმატებით უთავსებს ერთმანეთს ოჯახს დაკარიერას - ჰყავს მეუღლე და ვაჟიშვილი. დიზაინერს ინსტაგრამზე 254 ათასი გამომწერი ჰყავს, რომელთაც მოდის თანამედროვე ტენდენციებზე უზიარებს ფოტოებს.
შორენა ბეგაშვილი
სექსუალური მსახიობი საქართველოში ნომერ პირველი "ინსტაგრამ-ვარსკვლავია". მართალია შორენა ბეგაშვილი მხოლოდ საქართველოს ფარგლებშია პოპულარული, თუმცა უკვე დააგროვა 203 000 გამომწერი სოციალურ ქსელში. ინსტაგრამი მისთვისკარგი შემოსავლის წყაროცაა- შორენა ბეგაშვილი სოციალურ ქსელში დღის მანძილზე რამდენიმე სარეკლამო პოსტს აზიარებს.
ანუკი არეშიძე
დიზაინერი და თბილისის პირველი ლედი ანუკი არეში ინსტაგრამის აქტიური მომხმარებელია. ის ხშირად აქვეყნებს საინტერესო "სთორებს", საიდანაც შეგვიძლია შევიტყოთ როგორია მისი და ქალაქის მერის ოჯახური ცხოვრება, სად მოგზაურობს დიზაინერი, როგორები არიან მისი შვილები და ა.შ. არეშიძეს ინსტაგრამზე 210 000 გამომწერი ჰყავს, ხოლო ბრენდის ANOUKI-ს გვერდზე 119 ათასი. დიზაინერი ინსტაგრამზე ხშირად აზიარებს სასარგებლო რჩევებს პირადი გამოცდილებიდან, მაგალითად მისი სახის მოვლის ნიღაბს უდიდესი გამოხმაურება მოჰყვა. ის ფანებისგანაც იღებს რჩევებს, რისთვისაც ინსტაგრამი საუკეთესო საშუალებაა.
ნინი ბადურაშვილი
ცნობილი მომღერალი "ინსტაგრამზეც" განსაკუთრებულად პოპულარულია, მას სოციალურ ქსელში 109 000 მიმდევარი ჰყავს. ნინი საკუთარ თაყვანისმცემლებს ხშირად ანებივრებს ლამაზი ფოტოებით და იშვიათად სარეკლამო პოსტებსაც აზიარებს. ფოტოებში ხშირად ნახავთ გადაცემა "პრაიმ შოუს" თანაწამყვანებთან და ქალიშვილთან, ელენესთან ერთად.