მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ექსპერტიზით ვერ დგინდება, საქმეში არსებული დანებიდან არის თუ არა ჩემს შვილზე მომაკვდინებელი ჭრილობა მიყენებული"
12:05 / 26-04-2018
ექსპერტიზით ვერ დგინდება, საქმეში არსებული დანებიდან არის თუ არა ჩემს შვილზე მომაკვდინებელი ჭრილობა მიყენებული, - ამის შესახებ ჟურნალისტებს ხორავას ქუჩაზე მომხდარი მკვლელობის დროს ერთ-ერთი გარდაცვლილის მამამ ზაზა სარალიძემ განაცხადა.
მისი თქმით, ამ ეტაპზე ელოდება დაცვის მხარის მიერ მოწვეულ ექსპერტებს უცხოეთიდან, რომლებმაც უნდა გაარკვიონ მონაწილეობდა თუ არა მომხდარ მკვლელობაში საქმეში არსებული ორი დანის გარდა სხვა დანები.
„ექსპერტიზის დასკვნაში დაზუსტებით დადგენილი არ არის, რომელი იარაღი იყო გამოყენებული. ექსპერტები არ გამორიცხავენ ამ დანების მონაწილეობას დაჭრაში, მაგრამ არც ზუსტად ადასტურებენ, თუ რომელ ჭრილობაზე რომელი დანაა გამოყენებული. გარკვეულ ჭრილობებზე საქმეში არსებული დანებია მორგებული, მაგრამ არის ისეთი ჭრილობები, მაგალითად, ჩემს შვილზე, რომელიც მომაკვდინებელი იყო, რომელთა მიმართებაში ვერ დგინდება ამ დანებიდან არის თუ არა რომელიმე გამოყენებული. პროკურორმა განმარტა, რომ ექსპერტი ზუსტ დებულებას ვერ დადებს. თუ დებულება ვერ დადო, ექსპერტიზის ჩატარება რა საჭირო იყო“, - განაცხადა ზაზა სარალიძემ.
დღეს ხორავას ქუჩაზე მომხდარი მკვლელობის საქმეზე არსებითი განხილვის მორიგი სხდომა მიმდინარეობს. პროცესზე ირიბი მოწმეები იკითხებიან, რომლებიც მომხდარი შემთხვევის უშუალო თვითმხილველები არ არიან და აღწერენ საქმის ფაქტობრივ გარემოებებს. რაც შეეხება სამხარაულის ექსპერტებს, რომლებმაც კომპლექსური ექსპერტიზა ჩატარეს, ისინი 28 აპრილს დაიკითხებიან.
ხორავას ქუჩაზე ორი მოზარდი 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს საავადმყოფოში გარდაიცვალა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
