მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მარინ ლე პენი - მთავარი კითხვაა, საერთოდ დაბომბა თუ არა საფრანგეთის პრეზიდენტმა ქარხანა, სადაც ქიმიურ იარაღს აწარმოებდნენ
17:42 / 18-04-2018
სირიაში რიგ ობიექტებზე სარაკეტო დარტყმების შესახებ ოფიციალური პარიზის განცხადებების უტყუარობა ეჭვს იწვევს, - ამის შესახებ „ეროვნული ფრონტის“ ლიდერმა მარინ ლე პენმა ტელეარხ BFM-TV-ს ეთერში განაცხადა.
„მთავარი კითხვა ის არის, საერთოდ დაბომბა თუ არა საფრანგეთის პრეზიდენტმა ემანუელ მაკრონმა ქარხანა, სადაც ქიმიურ იარაღს აწარმოებდნენ და ინახავდნენ. მე საღი აზრით ვხელმძღვანელობ. როდესაც ბომბავენ ქარხანას, სადაც ქიმიური იარაღი ინახება, ესე იგი მახლობლად მცხოვრები ათასობით ადამიანის მოკვლის რისკზე მიდიან“, - განაცხადა მარინ ლე პენმა.
მისივე თქმით, თვითონ სირიის ხელისუფლება აცხადებს, რომ მოსახლეობას შორის დაბომბვის შედეგად მსხვერპლი არ არის.
„ჩვენ ბევრ სხვადასხვა ისტორიას გვიყვებიან, მაგრამ ამას უკვე მივეჩვიეთ. ბევრი ასეთი ისტორია მოგვისმენია, რომელსაც წლების განმავლობაში ამერიკელები გვიყვებიან. დაწყებული აშშ-ს ყოფილი სახელმწიფო მდივანით კოლინ პაუელით, რომელიც ერაყში მასობრივი განადგურების იარაღის არსებობაზე საუბრობდა, რაც ერაყში შეჭრის საბაბი გახდა. ასე რომ, ყველა იმ ინფორმაციაზე, რასაც აშშ-სგან ვიღებთ, კითხვის ნიშანს ვსვამ“, - აღნიშნა „ეროვნული ფრონტის“ ლიდერმა.
მარინ ლე პენის განცხადებით, აშშ, დიდი ბრიტანეთისა და საფრანგეთის ერთობლივი დარტყმები საერთაშორისო სამართლის დარღვევას წარმოადგენენ.
„ემანუელ მაკრონმა საერთაშორისო სამართალი დაარღვია. ეს საკამათოც კი არ არის“, - დასძინა მან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
