მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსი "ჯარისკაცი მოჩვენებები" სირიაში - "ვაგნერის" დაჯგუფება საომარ ზონაში საქართველოს ცის გავლით ხვდება?
14:43 / 18-04-2018
Reuters.com-ის ინფორმაციით, რუსეთს დაქირავებული რუსი მებრძოლები - “ვაგნერის” დაჯგუფება, სირიაში საქართველოს საჰაერო სივრცის გავლით გადაჰყავს. პუტინის ხელისუფლება, ამ სპეცრეისებისთვის სირიის კერძო ავიაკომპანია Cham Wings Airlines-ის ჩარტერულ ფრენებს იყენებს, რომლებიც ოფიციალურად არსად ფიქსირდება.
“ამერიკის ხმის” ცნობით, თვითმფრინავების მეთვალყურეობის ონლაინ სისტემებმა, როგორიც flightradar24-ია, 2017 წლის იანვარსა და 2018 წლის მარტის ჩათვლით, 50-ზე მეტი ასეთი საიდუმლო რეისი აღრიცხეს. სირიული ავიაკომპანია Cham Wings Airlines-ის "Airbus 320" ტიპის სამოქალაქო ხომალდები რუსეთის ქალაქ როსტოვის “პლატოვის” საერთაშორისო აეროპორტში ღამით, იმ დროს მიფრინავენ, როდესაც აეროპორტში სხვა რეისები არ სრულდება.
Reuters.com-ის ჟურნალისტმა ერთ-ერთი ასეთი საიდუმლო რეისი “პლატოვში” იანვრის ბოლოს გადაიღო. მისივე ინფორმაციით, როსტოვიდან აფრენილი Cham Wings-ის თვითმფრინავები, სირიაში ოთხი ქვეყნის - საქართველოს, სომხეთის, ირანისა და ერაყის საჰაერო სივრცის გავლით ხვდებიან.
“ამერიკის ხმის” ინფორმაციით, სირიული კერძო ავიაკომპანია Cham Wings Airlines და მისი მფლობელი ბიზნესმენი ისამ შამუტი, ბაშარ ალ-ასადის რეჟიმისთვის აღმოჩენილი ფინანსური დახმარების, დაქირავებული მებრძოლებისა და სამხედრო დანიშნულების ტვირთის გადატანის გამო, 2016 წლიდან აშშ-ს სანქციების ქვეშ არის. ამიტომაც ავიაკომპანიას, რომელიც ხუთი ხომალდის მფლობელია, რეგულარული რეისები მხოლოდ თურქეთსა და სომხეთში დაფრინავს.
„საქაერონავიაგაციაში“, რომელიც საქართველოში საჰაერო მოძრაობის მართვაზეა პასუხისმგებელი, „ამერიკის ხმას“ უთხრეს, რომ საქართველოს საჰაერო სივრცეში რუსული სამხედრო ტვირთისა და პერსონალის ტრანზიტი დიდი ხანია აღარ ხდება, თუმცა არ დააკონკრეტეს, ჩვენს საჰაერო მარშრუტებს სირიის კერძო ავიაკომპანია, რუსეთის მიმართულებით ჩარტერული ფრენებისთვის რამდენად ხშირად იყენებს.
"ვაგნერის" სირიაში ქართული ცის გამოყენებით მოხვედრას, კატეგორიულად უარყოფს საქართველოს თავდაცვის მინისტრი ლევან იზორია. მისი თქმით, ეს ინფორმაცია სრული სიცრუეა. ამასთან მინისტრი აღნიშნავს, რომ "ვაგნერის" მეომრებს სირიაში მოსახვედრად სხვა გზები აქვთ და მათი გამოყენება შეეძლოთ.
სირიაში მოკლული დაქირავებული რუსი მებრძოლების ოჯახის წევრები, რომლებიც დაღუპული მეომრების ცხედრებს “გრუზ 200”-ით იღებენ, ადასტურებენ, რომ მათი კონფლიქტის ზონაში გადასროლა სწორედ როსტოვიდან მოხდა, სადაც კერძო სამხედრო კომპანია “ვაგნერს” რამდენიმე საწვრთნელი ბაზა აქვს.
Conflict Intelligence Team-ის მონაცემებით, „ვაგნერის“ დაჯგუფების შენახვაზე, რომელსაც სირიაში "რუსეთის ჩრდილოვან არმიასაც" უწოდებენ, 2016 წლიდან, დაახლოებით 400 მილიონი დოლარი დაიხარჯა. “ვაგნერის” მებრძოლების აქტიურ მონაწილეობაზე საუბრობენ რუსეთ-უკრაინის ომში და აქ მსხვერპლიც ძალიან დიდია. რაც შეეხება სირიას, დაჯგუფების მეთაურის, დმიტრი უტკინის სამხედროების კვალი იქ, მას შემდეგ ჩანს, რაც რუსეთმა სირიას საჰაერო მხარდაჭერის დახმარება აღუთქვა.
პუტინი სამხედრო დაჯგუფების წევრებთან და მეთაურთან (მარჯვნიდან პირველი დმიტრი უტკინი) ერთად
რუსული მედიის ცნობით, პუტინის უახლოესი კადრის, ევგენი პრიგოჟინის ახლო მეგობარმა უტკინმა, რომელიც დაჯგუფების დამფუძნებელია, ფსევდონიმი “ვაგნერი” მისი საყვარელი გერმანელი კომპოზიტორის პატივსაცემად დაირქვა. შემდეგ კი ასე უწოდა მის სამხედრო დაჯგუფებასაც, სადაც ძირითადად, შეიარაღებული ძალებიდან წამოსული სამხედროები და სპეცრაზმელები ჰყავთ, თუმცა ასევე არიან ისეთებიც, ვინც პირველი "საბრძოლო ნათლობა" სწორედ კომპანიაში მისვლის შემდეგ მიიღო. სირიაში მათთვის რამდენიმე საწვრთნელი ბაზაც არსებობს...
რაც შეეხება ბრძოლის დროს დაღუპულებს, რუსეთის ხელისუფლება ამ ფაქტს რასაკვირველია, ასაიდუმლოებს და მათზე არც პასუხისმგრბლობას იღებს, ამიტომაც ასობით დაღუპული მეომრის ოჯახი სამართლის პოვნას მედიის დახმარებით ცდილობს. სირიაში დაღუპულ "ჯარისკაც მოჩვენებებს" (როგორც მათ დასავლური მედია უწოდებს) ძირითადად, ჩუმად ასაფლავებენ...
შესაბამისი ქართული სამსახურების განცხადებით, საქართველოს საჰაერო სივრცით რუსული სამხედრო ტვირთისა და პერსონალის ტრანზიტი დიდი ხანია აღარ ხდება, თუმცა, როგორც ჩანს, არსებობს გამონაკლისებიც...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
