უგანდის პრეზიდენტი ორალურ სექსს კრძალავს: "პირი არის ჭამისთვის!"

უგანდის პრეზიდენტმა განაცხადა, რომ სურს, ქვეყანაში ორალური სექსი აკრძალოს. „დეილი მეილის“ ინფორმაციით, იოვერი მუსევენი ამბობს, რომ „პირი ჭამისთვის არის“.

მუსევენის თქმით, უგანდელებს ორალური სექსის პრაქტიკა უცხოელებმა მოახვიეს თავს და სურს, საჯარო გაფრთხილება მისცეს ქვეყნის მოსახლეობას.

„მინდა, გამოვიყენო შესაძლებლობა და გავაფრთხილო საზოგადოება არასწორად წაქეზებული პრაქტიკის შესახებ, რომელიც უგანდელებს უცხოელებმა მოახვიეს თავს. პირი არის ჭამისთვის და არა სექსისთვის,“ - განაცხადა პრეზიდენტმა.

მუსევინიმ 2014 წელს ჰომოსექსუალობის წინააღმდეგ აქტს მოაწერა ხელი, ერთი და იმავე სქესის ადამიანთა კავშირი უგანდაში კანონით იკრძალება. „დანაშაული“ სამუდამო პატიმრობით ისჯება.