მნიშვნელოვანი ინფორმაცია
27
მაისიდღის ზოგადი ასტროლოგიური პროგნოზი
სამშაბათი, მთვარის ოცდამეათე დღე დაიწყება 04:18-ზე, მთვარის პირველი დღე დადგება 07:02-ზე, მთვარე ტყუპშია – ჰარმონიული და მარტივი დღეა, სიყვარულის, პატიებისა და მიღების. არ ღირს მნიშვნელოვანი საქმეების დაწყება. თუმცა, ის, რაც დღეს დაიგეგმება, მოგვიანებით წარმატებით განხორციელდება. ნუ გადატვირთავთ თავს ფიზიკურად და ემოციურად. ნაკლები ილაპარაკეთ. საღამოსკენ გაუმკლავდით ფინანსურ საკითხებს. გადაიხადეთ ვალები. მეტი დრო გაატარეთ ბუნებაში. დღეს არ შექმნათ ოჯახი. საყვარელ ადამიანთან ერთად გაისეირნეთ ბუნებაში. მოერიდეთ ოპერაციებს სასუნთქ ორგანოებზე. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბელიაშვილის ქუჩაზე ამხანაგური მატჩი ფრედ დასრულდა - ნახეთ ფოტოები
21:40 / 14-04-2018
ბელიაშვილის ქუჩაზე მდებარე სტადიონზე ამხანაგური შეხვედრა ფრედ 12:12 დასრულდა. შეხვედრაში მონაწილეობა ადგილობრივმა მოსახლეობამ, აფრიკელმა სტუდენტებმა, დედაქალაქის მერმა კახა კალაძემ, პარლამენტის თავმჯდომარემ ირაკლი კობახიძემ და უმრავლესობის დეპუტატებმა მიიღეს. მატჩი იმ სტადიონზე ჩატარდა, სადაც ადგილობრივებსა და აფრიკელ სტუდენტებს შორის ინციდენტი მოხდა.
"ყველამ მიიღო მონაწილეობა, როგორც ადგილობრივმა მოსახლეობამ, ასევე ფეხბურთლებმა და სტუდენტებმა. ძალიან მიხარია, რომ ზოგადად სპორტი, ფეხბურთი აერთიანებს. რა თქმა უნდა, ის რაც მოხდა ძალიან ცუდია, მაგრამ ჩვენი ქალაქი, ჩვენი ქვეყანა არის ტოლერანტული ქვეყანა, ამით შეგვიძლია ვიამაყოთ. ასეთი შეხვედრები ძალიან მნიშვნელოვანია. მეგობრობამ გაიმარჯვა დღეს", - განაცხადა თბილისის მერმა კახა კალაძემ. თავის მხრივ, პარლამენტის თავმჯდომარემ აღნიშნა, რომ მნიშვნელოვანია ქვეყანამ გულთბილი მასპინძლობა გაუწიოს იმ ადამიანებს, ვინც საქართველოში სასწავლებლად ჩამოვიდა.
"ეს ღონისძიება და კახის ინიციატივა მნიშვნელოვანი იყო. ჩვენ ამას თავიდანვე მხარდაჭერა გამოვუცხადეთ. ძალიან მნიშვნელოვანია კარგი მასპინძლები ვიყოთ იმ ადამიანებისთვის, ვინც საქართველოში იღებს განათლებას. მე თავად ვსწავლობდი სამი წელი სხვა ქვეყანაში და ვიცი რამდენად მნიშვნელოვანია როდესაც კარგად გიღებს ის ქვეყანა, სადაც ცხოვრობ და სწავლობ. აქედან გამომდინარე, ჩვენც ასეთივე გულთბილი მასპინძლობა უნდა დავახვედროთ ჩვენს მეგობრებს, რომლებიც საქართველოში იღებენ განათლებას", - აღნიშნა კობახიძემ.
შეგახსენებთ, რომ კვირას, აფრიკელმა სტუდენტმა ბენ ზეგემ სოციალურ ქსელში, ბელიაშვილის ქუჩაზე გადაღებული ვიდეო გაავრცელა, სადაც ჩანს, რომ მათ ადგილობრივები შეურაცხყოფას აყენებენ. ადგილობრივი მოსახლეობის ნაწილი კი ამბობს, რომ უცხოელების ჯგუფმა მათ მეზობელს ხელი ჰკრა და წააქცია. მომხდართან დაკავშირებით შსს-მ გამოძიება სსკ-ის 126-ე, ძალადობის მუხლით დაიწყო.
ამის შედეგ თბილისის მერი კახა კალაძე ინიციატივით გამოვიდა, ბელიაშვილის ქუჩაზე მომხდარ ინციდენტში მონაწილეებს შორის ამხანაგური მატჩი გამართულიყო. ასეთი შეხვედრის ორგანიზებით კალაძემ ფეხბურთის ფედერაციის პრეზიდენტს ლევან კობიაშვილს მიმართა. ფეხბურთის ფედერაციამ მატჩი დღეს იმ სტადიონზე დაგეგმა, სადაც ინციდენტი მოხდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვინ ხარჯავს ყველაზე მეტს თავდაცვაზე და როგორ გამოიყურება საქართველოს შეირაღებული ძალების შესაძლობები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
