რადიო “პალიტრამ“ ბათუმში, FM 103.9-ზე მაუწყებლობა დაიწყო.
რადიო “პალიტრის“ დირექტორის ინგა დადიანის განცხადებით, ბათუმში რადიომაუწყებლობის ლიცენზიის მოპოვებება ძალიან მნიშვნელოვანია.
„უკვე აჭარაშიც შესაძლებელია რადიო “პალიტრის“ მოსმენა. აჭარა ჩვენთვის ერთ-ერთი სტრატეგიული რეგიონია. ძალიან დიდი აუდიტორიაა, როგორც საკურორტო პოტენციალის კუთხით, ასევე ადგილობრივი მოსახლეობის მრავალფეროვნებით. სპეციალურად აჭარელი მსმენელისთვის ვგეგმავთ რამდენიმე პროექტს. ბათუმი არის მეოთხე ლოკაცია, სადაც რადიო “პალიტრა“ მაუწყებლობს“, - განაცხადა ინგა დადიანმა. თბილისის, გუდაურისა და ბორჯომის შემდეგ, ბათუმი მეოთხე ქალაქია, სადაც მსმენელს რადიო “პალიტრის“ მოსმენა FM 103.9-ზე შეუძლია.
