მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სომხეთში რუსული სამხედრო პოლიცია იქმნება - სომხები ქვეყნის სუვერენიტეტზე წუხან
15:12 / 29-03-2018
სომხეთში, ერევნის შემდეგ, სიდიდით მეორე ქალაქ გიუმრიში, როგორც სომხური მედია ამბობს, ქვეყნის დედაქალაქშიც, - სამხედრო დისციპლინის მხარდასაჭერად, საგზაო მოძრაობის უსაფრთხოების უზრუნველსაყოფად და სამხედრო ობიექტების დასაცავად, რუსული სამხედრო პოლიციის დანაყოფი იქმნება.
lragir.am-ს ცნობით, გიუმრიში, სადაც რუსული სამხედრო ბაზაა განთავსებული, წესრიგის დასამყარებლად ცალკეული დანაყოფები პატრულირებდა, თუმცა, მათ სპეციალური მომზადება გავლილი არ ჰქონიათ, დღევანდელი დანაყოფები კი, ოფიციალური ინფორმაციით, რუსეთში სპეციალურად მომზადებული სპეციალისტებით შეივსება. შემადგენლობებს ექნებათ სპეციალური ეკიპირება და შეიარაღებული იქნებიან სამხედრო და სპეციალური აღჭურვილობით.
ამის შესახებ რუსეთის შესაბამისი სამსახურები რამდენიმე დღის წინ აცხადებდნენ. მათი ინფორმაციით, გიუმრის 102-ე სამხედრო ბაზა და ერევნის გარნიზონი სამხედრო პოლიციამ უნდა დაიცვას, რათა იქ უზრუნველყოფილი იყოს წესრიგი.
პოლიტოლოგ არმენ ბადალიანის თქმით, ეს ცვლილება რუსეთის სამართალდამცავ სისტემებში ცვლილებებს უკავშირდება. სომეხი ექსპერტი ვარაუდობს, რომ რუსული სამხედრო პოლიციის დანაყოფის შექმნა, რუს სამხედროებთან ინციდენტებს უკავშირდება... ეს ყველაფერი 2015 წელს დაიწყო, როდესაც გიუმრიში რუსული ბაზის ჯარისკაცმა, ვალერი პერმიაკოვმა ავეტისიანების ოჯახი დახოცა. ამას მოჰყვა, სომეხი ბლოგერების პუბლიკაციები, - “როგორ ხოცავენ რუსი ჯარისკაცები ადგილობრივებს.”
“არ ვიცი, რამდენად რეალურია და რამდენად პასუხობს საერთაშორისო ნორმებს როდესაც სხვა ქვეყნის სამხედრო პოლიცია შეჰყავთ მეორე ქვეყანაში, წესრიგის დასაცავად... არც იმაში ვარ დარწმუნებული, რომ ქვეყანაში არსებული განწყობის გათვალისწინებით, სომხეთის ქუჩებში მოსეირნე სამხედრო პოლიცია, ადგილობრივ მოსახლეობას პრობლემებს არ შეუქმნის", - აცხადებს ბადალიანი.
სომხეთის სტრატეგიული და ეროვნული ცენტრის კვლევის წარმომადგენელი სტენა საფარიანის შეფასებით, “სომხეთში ფორმირებული რუსული პოლიცია ქვეყნის სუვერენიტეტს საფრთხეს უქმნის. “სახელმწიფო სახელმწიფოში” - სწორედ ასე შეიძლება ფორმულირდეს რუსეთის ხელისუფლების გადაწყვეტილება გიუმრიში რუსული სამხედრო პოლიციის შექმნაზე... ანუ რას გვეუბნებიან, - თქვენს ქვეყანაში სიმშვიდეს და წესრიგს ჩვენი პოლიციით უზრუნველვყოფთო? ცხადია, რომ რუსეთის სამხედრო ბაზებზე “სერიოზული პრობლემებია” და ეს მათაც კარგად იციან. ერთის მხრივ, რუსეთი ამ პრობლემების შემცირებას ცდილობს, თუმცა, ამავდროულად, ის ქვეყნის სუვერენიტეტს ზიანს აყენებს. ეს არის "მსუბუქი ოკუპაცია" და სულაც არ გამიკვირდება, რომ ხვალ რუსეთი სომხეთში თავის სასამართლოსაც გამოაგზავნის" - ამბობს საფარიანი.
სომხური მედიის ნაწილისა და ექსპერტების თქმით, გიუმრის მოსახლეობა რუსეთის სამხედრო ბაზისა და რუსი მესაზღვრეების იქ ყოფნის გამო, თავს უსაფრთხოდ ვერ გრძნობს:
"რას შეცვლის უკეთესობისკენ რუსული სამხედრო პოლიცია?” - კითხულობს პოლიტიკური ექსპერტი დანიელ იონესიანი, რომლის მონაცემებითაც, ახლა სომხეთში დაახლოებით 3 300 რუსი სამხედრო იმყოფება.
"თუ რუსეთი ოდესმე გადაწყვეტს თავისი სამხედრო ბაზების გაყვანას, მას შეუძლია იქ დატოვოს სამხედროების სიმბოლური რაოდენობა, რომლებიც რუსულ დროშას გაუფრთხილდებიან. თუმცა, ასევე შეუძლიათ, პირიქით გააძლიერონ თავიანთი ბაზები და სამხედროების რაოდენობა მათთვის გაზარდონ და რაც მთავარია, სომხეთს ამის შესაჩერებლად არავითარი მექანიზმი არ გააჩნია,” - აცხადებს დანიელ იოსენიანი. მისივე თქმით, ერთადერთი პლუსი, რაც რუსეთის გადაწვეტილებას აქვს, არის ეკონომიკური სარგებელი - რაც უფრო მეტი თანხა შეედინება გიუმრიში, მით მეტი ფული იტრიალებს ქალაქში...
2010 წელს რუსეთმა და სომხეთმა რუსული სამხედრო ბაზის სომხეთში მოქმედების ვადა 2044 წლამდე გაახანგრძლივეს. რუსული ბაზა სომხეთში სხვადასხვა სამხედრო-სატრანსპორტო ვერტმფრენებითა და გამანადგურებლებითაა აღჭურვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
