მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მე უკვე დიდი ფასი გადავიხადე ამ საქმისთვის..." - რა უთხრა ნიკოლა სარკოზიმ დაკითხვისას მოსამართლეს
13:28 / 22-03-2018
მე ბრალს მდებენ ყოველგვარი არსებითი მტკიცებულებების გარეშე, - ამის შესახებ საფრანგეთის ყოფილმა პრეზიდენტმა ნიკოლა სარკოზიმ დაკითხვისას მოსამართლეს განუცხადა.
ამის შესახებ ექსკლუზიურ ინფორმაციას ფრანგული გამოცემა Le Figaro ავრცელებს.
„მე ბრალს მდებენ ყოველგვარი არსებითი მტკიცებულებების გარეშე. ეს ბრალდებები ეფუძნება კადაფის შვილის, ძმის, პრესმდივნის, ყოფილი პრემიერ-მინისტრის განცხადებებს“, - განუცხადა მოსამართლეებს ნიკოლა სარკოზიმ.
საფრანგეთის ყოფილი პრეზიდენტის თქმით, ეს ბრალდებები უსაფუძვლოა. „მე უკვე დიდი ფასი გადავიხადე ამ საქმისთვის. 2012 წლის საპრეზიდენტო არჩევნები 1,5%-ის სხვაობით წავაგე. კადაფის ოჯახისა და მისი გარემოცვის მიერ აგორებული საქმე მე ამ 1,5%-ად დამიჯდა“, - აღნიშნა ნიკოლა სარკოზიმ.
ყოფილმა პრეზიდენტმა ასევე უპასუხა იმ ბრალდებებს, რომლის თანახმადაც, ის ლიბიის სახელმწიფო ინტერესების გატარებას უწყობდა ხელს.
„როგორ შეიძლება ვინმემ თქვას, რომ მე ხელი შევუწყვე ლიბიის სახელმწიფო ინტერესებს? გაერო-ში მე მოვიპოვე მანდატი ლიბიაზე ავიადარტყმების განსახორციელებლად. ჩემი პოლიტიკური ჩართულობის გარეშე კადაფის რეჟიმი კიდევ ხელისუფლებაში იქნებოდა“, - განუცხადა მოსამართლეს ნიკოლა სარკოზიმ.
გუშინ, საფრანგეთის ყოფილ პრეზიდენტს ნიკოლა სარკოზის 2007 წლის საპრეზიდენტო კამპანიის დაფინანსების საქმეში ბრალი წაუყენეს. ნიკოლა სარკოზის გამოძიებამ ბრალი წაუყენა პასიურ კორუფციაში, საარჩევნო კამპანიის არალეგალურ დაფინანსებასა და ლიბიური სახელმწიფო სახსრების მიმალვაში. ასევე, მოსამართლის გადაწყვეტილებით, ნიკოლა სარკოზი სასამართლო კონტროლის ქვეშ იქნება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
