მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რომელი პლანეტა რა შინაგან ორგანოზე ზემოქმედებს და როგორ ხსნის ასტროლოგია დაავადებების წარმოშობას
15:06 / 20-03-2018
"ადამიანებს მეტწილად ჰგონიათ, რომ დაავადებები გარედან მოდის, და რომ მათი მიზეზები არის ვირუსები, ინფექციები, სტრესები, ეკოლოგიური ფაქტორები. რაც სინამდვილეში მცდარი მიდგომაა. ასტროლოგიური და თუ გნებავთ, ეზოთერული თვალსაზრისითაც, დაავადება არის ნიშანი, რომ ჩვენ თვითონ არასწორად ვითარდებით, თუ ადამიანი დაიბადა ჯანმრთელი, და შემდგომ დაავადდა, საფიქრებელია, რომ მან რაღაც არასწორად გააკეთა, დაარღვია სამყაროს კანონები, არასწორი ენერგეტიკა დააგროვა. აქედან გამომდინარე რუკის რომელიღაცა პლანეტას აღარ ყოფნის ენერგია სრულყოფილი ფუნქციონირებისათვის. ყველა პლანეტას აქვს ასე ვთქვათ "თავისი დაავადებები", ასე მაგალითად, დაზიანებულ მთვარეს შეუძლია გამოიწვიოს კუჭის, ლორწოვანი გარსის პრობლემები, ზედმეტი სითხის დაგროვება და შეშუპებები. მაგრამ ეს არის სიმპტომები, უფრო მნიშვნელოვანია რა იწვევს ამას. თურმე კუჭის დაავადებებს იწვევს დაგროვილი შიშები, შური, სიძუნწე.
• მზის დაზიანებულობა სისხლის მიმოქცევის დარღვევებზე და გულის დაავადებებზე მიანიშნებს, ამ პრობლემებს კი დათრგუნული ემოციები, სიყვარულის გამოვლენის შიში იწვევს.
• მერკური - განაგებს ჩვენს ტვინს, ფილტვებს, სასუნთქ სისტემას. ასევე ხელებს. ის ასევე მონაწილეობს ნევროზის ჩამოყალიბებაში. ამ დაავადებებს იწვევს ჩვენი შინაგანი შეზღუდვები, ასევე შიში რომ ჩვენს სიტყვებს არასწორად გაიგებენ.
• ვენერას პრობლემები თირკმელების დაავადებას, სიმსუქნეს, ასევე ვენერიულ დაავადებებს იწვევს. ამის მიზეზები უნდა გარემოს მიუღებლობაში ვეძებოთ.
• თუ რუკაში მარსია დაზიანებული, ადამიანს ექნება მოხშირებული ტრამვები, ჭრილობები, პრობლემები ტემპერატურასთან დაკავშირებით, მწვავე შეტევები, შესაძლოა დამწვრობაც. მიზეზი - დაგროვილი ბრაზი, აგრესია.
• დაზიანებული იუპიტერი იწვევს ჭარბწონას, ღვიძლის დაავადებებს, სისხლის წარმოქმნასთან დაკავშირებული პრობლემებს. მიზეზები საკუთარი შეცდომების არდანახვა, მუდმივი თავისმართლებაა.
• სატურნი - ქრონიკულ და მძიმე დაავადებებს მართავს, ასევე ნაღვლისბუშტს, ის აჩენს პრობლემებს ძვლოვან სისტემაში, კანზე, წარმოქმნის კენჭებს და ქვებს. განსაზღვრავს ფრჩხილების, კბილების და თმის საფარის მდგომარეობას ადამიანის ორგანიზმში. ეს ყველაფერი შესაძლოა აქტობის სურვილის დაკარგვიდან გამომდინარეობდეს. სმენის დაქვეითება, რომელიც ასევე სატურნის დაავადებაა, მიანიშნებს სიჯიუტეზე, სიმართლის მოსმენის სურვილის არქონაზე.
თუ გვინდა რომ დაავადებები თავიდან ავიცილოთ, პირველყოვლისა უნდა ვიცხოვროთ სამყაროსთან და საკუთარ თავთან ჰარმონიაში.
არანაკლები მნიშვნელობა აქვს მთვარეს, და მისი ფაზებს. როგორია მათი ზეგავლენა სამედიცინო თვალსაზრისით.
ძველი დროის ცნობილი ექიმები მთვარის დღეების, მისი ფაზებისა და ნიშნებში მდებარეობის გათვალისწინებით ნიშნავდნენ მკურნალობას. ამის მიხედვით ირჩეოდა თარიღი რთული ქირურგიული ოპერაციების წარმატებით ჩატარებისთვისაც. მიიჩნევა, რომ არასასურველია ოპერაციების იმ დღეებში ჩატარება, როდესაც მთვარე გადის იმ ზოდიაქოს ნიშანს, რომელიც მართავს შესაბამის ორგანოს. ამაზე თვით ჰიპოკრატე იძლევა გაფრთხილებას - "ნუ შეეხებით დანით სხეულის ნაწილს, რომელსაც ის ზოდიაქო მართავს, სადაც იმყოფება იმჟამად მთვარე".
მოკლედ რომ ჩამოვთვალოთ: • ვერძი მართავს თავის ზონას
• კურო - ქვედა ყბასა და ყელს
• ტყუპები - სასუნთქ სისტემას და ხელებს
• კირჩხიბი - მკერდი და კუჭია
• მზე - გულ-სისძარღვთა სისტემა
• ქალწული- ნაწლავები და მომნელებელი სისტემა
• სასწორი - თირკმელები და შარდის ბუშტი
• მორიელი - სასქესო ორგანოები
• მშვილდოსანი - ღვიძლი, თეძოს არე
• თხის რქა - ძვლოვანი სისტემა და ნაღვლის ბუშტი, კანი, მყესები.
• მერწყული - ნერვული სისტემა, წვივები
• თევზები - ტერფები, იმუნური და ენდოკრინული სისტემები
არის კიდევ რაიმე წესი, რომლის გათვალსწინებაც ასევე სასურველია ქირურგიული ოპერაციების დროს?
• პირველი - სჯობს ოპერაცია გაკეთდეს მთვარის კლებად ფაზაზე. განსაკუთრებ საფრთხილოა სავსემთვარეობა, რომელმაც შესაძლოა სისხლდენა გამოიწვიოს.
• მეორე - არასასურველი დღეებია როდესაც მთვარე მუტაბელურ, ანუ ორმაგ ნიშნებს გადის- ესენია ტყუპები, ქალწული, მშვილდოსანი და თევზები.
• მესამე - აუცილებელია, რომ მთვარეს ოპერაციის გაკეთების დროს ჰქონდეს სხვა პლანეტებთან ასპექტები, ანუ არ იყოს უკურსოდ დარჩენილი.
• რასაკვირველია, არასასურველი დღეებია მზისა და მთვარის დაბნელებების დღეებიც, და ასევე საკუთარი დაბადების დღის წინა და მომდევნო დღეები.
მიუხედავად იმისა, რომ ასტროლოგია ანალიზებს არ ატარებს, მას მართლაც შეუძლია ექიმების დახმარება თუნდაც იმით, რომ ახსნას ნეგატიური სიმპტომების გამოვლინებების ბუნება. და ეს ეხება არამხოლოდ ფიზიკურ დავადებებს, არამედ ჩვენს ფსიქიკაში მიმდინარე პროცესებსაც. თვით ანალიტიკური ფსიქოლოგიის დამფუძნებელი კარლ გუსტავ იუნგი აღიარებდა, რომ ის ხშირად უძლური იყო პაციენტის პირადი ჰოროსკოპის შესწავლის გარეშე გაეკეთებინა დიაგნოზი.
ვფიქრობთ, რომ ურიგო არ იქნებოდა, თუკი ექიმების ნაწილი მაინც დაინტერესდებოდა სამედიცინო ასტროლოგიით. მაშინ მათ შესაძლებლობა ექნებოდათ არა მხოლოდ უფრო ზუსტი დიაგნოზები დაესვათ, არამედ, ვთქვათ, გეგმიური ოპერაციებისათვის ოპტიმალურად ხელსაყრელი დროც შეერჩიათ, რაც ფატალური შემთხვევების ალბათობას მინიმუმამდე დაიყვანდა".
ასტროლოგი ხათუნა ღვინიაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
