მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რაზე აფრთხილებდა სიკვდილამდე სტივენ ჰოკინგი კაცობრიობას
12:38 / 16-03-2018
14 მარტს, 76 წლის ასაკში ბრიტანელი ფიზიკოსი სტივენ ჰოკინგი გარდაიცვალა. ფიზიკოთეორეტიკოსებს შორის, ჰოკინგი ერთ-ერთი ყველაზე გავლენიანი მეცნიერი იყო. მისი მოღვაწეობის ძირითადი სფეროები კოსმოლოგია და კვანტური გრავიტაცია იყო.
“თუ ადამიანებს გადარჩენა სურთ, უახლოესი 200 წლის განმავლობაში დედამიწა უნდა დატოვონ" - ეს ჰოკინგის მიერ გარდაცვალებამდე თვეებით ადრე გაჟღერებული მკაცრი გაფრთხილებაა. ლეგენდარულ ფიზიკოსს სწამდა, რომ სიცოცხლე დედამიწაზე შეიძლება ასტეროიდის დაცემამ, ხელოვნურმა ინტელექტმა ან უცხოპლანეტელების მიერ დაპყრობამ შეიწიროს. ის ასევე მიანიშნებდა გადაჭარბებული მოსახლეობის, ადამიანთა აგრესიის და კლიმატის ცვლილების საფრთხეების შესახებ, რომლებსაც კაცობრიობის თვითგანადგურებამდე მიყვანა შეუძლია. ჰოკინგის რწმენით, ადამიანების გადარჩენის ერთადერთი შანსი კოსმოსში ახალი ცხოვრების დაწყებაა...
კლიმატის ცვლილება
ჰოკინგის ერთ-ერთი ყველაზე დიდი შიში გლობალურ დათბობას უკავშირდებოდა. "ჩვენი ფიზიკური რესურსები შემაშფოთებელი სისწრაფით მცირდება. ჩვენს პლანეტას გლობალური დათბობის სახით საშინელი საწამლავი გადავეცით. ზრდადი ტემპერატურა, პოლარული ყინულის შემცირება, ტყეების გაჩეხვა და ცხოველური სამყაროს განადგურება- ეს ყველაფერი დაუფიქრებელი მოქმედებების შედეგია" - ასეთია მისი გაფრთხილება, რომელიც მან ივლისში გააჟღერა. მისი თქმით, ერთხელაც დედამიწაზე ტემპერატურა პლანეტა ვენერას მსგავსად 460 ცელსიუსს მიაღწევს, თუკი მავნე გამონაბოლქვებს არ შევამცირებთ.
"თუ შეხვდებით ადამიანს, რომელიც კლიმატის ცვლილებას უარყოფს, მოუწყვეთ მას მოგზაურობა ვენერაზე. ამის საფასურს მე გადავიხდი" - ხუმრობდა ის. ჰოკინგს ასევე სწამდა, რომ ამერიკის პრეზიდენტ დონალდ ტრამპის გადაწყვეტილებამ, დაეტოვებინა პარიზის კლიმატის შეთანხმება, ჩვენი პლანეტა საბოლოოდ გაწირა და რომ ეს ნაბიჯი ჩვენი “მშვენიერი პლანეტის" მომავალი თაობებისთვის ზიანის მომტანი იქნებოდა.
“ჩვენ იმ ნიშნულს ვუახლოვდებით, როცა გლობალური დათბობა შეუქცევადი გახდება" - განუცხადა ფიზიკოსმა BBC-ს გასულ წელს.
ხელოვნური ინტელექტის მიერ ადამიანის ჩანაცვლების საშიშროება
ჰოკინგის მტკიცებით, ხელოვნური ინტელექტი მალე ისეთ დონეს მიაღწევს, რომ “ის სიცოცხლის ისეთი ახალი ფორმა იქნება, რომელიც ადამიანს გადაასწრებს".
მეცნიერი იმდენად შორს წავიდა, რომ ხელოვნური ინტელექტის მიერ ადამიანის მთლიანად ჩანაცვლება იწინასწარმეტყველა, თუმცა კონკრეტული დროითი მონაკვეთი არ დაუსახელებია. "თუკი ადამიანებს კომპიუტერული ვირუსების შექმნა შეუძლიათ, გამოჩნდება ვინმე, ვინც გაუმჯობესებულ და დუბლირების უნარის მქონე ხელოვნურ ინტელექტს შექმნის... ხელოვნური ინტელექტის აპოკალიფსის საშიშროება დგება და ამ ტექნოლოგიის გასაკონტროლებლად მართვის გარკვეული ფორმაა საჭირო" - ამბობდა ის.
ჰოკინგმა ადამიანებს მეცნიერებით მეტად დაინტერესებისკენ მოუწოდა. მისი თქმით, წინააღმდეგ შემთხვევაში “მძიმე შედეგებს" უნდა ველოდოთ წაიკითხეთ მეტი ჰოკინგის უკანასკნელი გაფრთხილებების შესახებ
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
