თვითმფრინავიდან ოქროს ზოდები, ბრილიანტი და ალმასები ცვიოდა... - რა მოხდა რეალურად რუსეთში?

რუსეთში, აღმოსავლეთ ციმბირის ქალაქ იაკუტსკის აეროპორტიდან აფრენისას იმ თვითმფრინავის სატვირთო განყოფილება დაზიანდა, რომელსაც ათ ტონამდე ოქრო, ბრილიანტი და პლატინა გადაჰქონდა. ტვირთის საერთო ღირებულება 368 მილიონ ამერიკულ დოლარს აღწევს.

yakutiamedia.ru-ს ცნობით, Nimbus Airline-ი იაკუტსკი-კრასნოარსკი-რუდნიკი "კუპოლის" რეისს ასრულებდა. სატვირთო თვითმფრინავს ოქროს მომპოვებელი რეგიონიდან ძვირფასი ტვირთი გადაჰქონდა, თუმცა, როგორც გაირკვა, თვითმფრინავში ტრასნპორტის ტექნიკური უსაფრთხოება არ იყო დაცული და არასწორად დაფიქსირებულმა ტვირთმა პრობლოემები შექმნა. თვითმიფრნავის აფრენისთანავე, კარი გაიხსნა და ასაფრენ ბილიკზე ოქროსა და პლატინის ზოდები, ასევე, ალმასი და ბრილიანტი გადმოცვივდა...

ეკიპაჟმა თვითმფრინავის დასმა 12 კილომეტრის მოშორებით, მაგანის ახლომდებარე აეროპორტში მოახერხა. შემთხვევის ადგილზე დაუყოვნებლივ გამოცხადდნენ აეროპორტის დაცვის წევრები და სპეცდანიშნულების რაზმები, თუმცა, ძვირფასი მეტალი ასაფრენი ბილიკის გარდა, მიმდებარე დასახლებებშიც ჩამოცვივდა. თითოეული მათგანის წონა 20 კილოგრამია და მიუხედავად იმისა, რომ ამჟამად იაკუტსკში ყინვა -25 გრადუსს აღწევს, 12 კილომეტრიან მანძილზე დაყრილი ძვირფასი მეტალის მოგროვება არავის დაზარებია...

ერთ-ერთი თვითმხილველის თქმით, ადგილი, სადაც სავარაუდოდ ტვირთი გადმოიყარა, ახლაც სამართალდამცავებით არის გარშემორტყმული და მიმდინარეობს გაძლიერებული ძებნა, მათ შორის, მეძებარი ძაღლებით...

საქმე ის არის, რომ ინცინდენტი დღისით, დაახლოებით 13:00 საათზე მოხდა, რა დროსაც ქალაქის მოსახლეობა გარეთ იყო... თვითმხილველის თქმით, გაძლიერებული დაცვის მიუხედავად, იაკუტსკში, ძვირფას ლითონებსა და ქვებს, გაგარინის ოლქის მოსახლეობაც ეძებს.

"ეფესბეს-ს" ინფორმაციით, თვითმფრინავის სრული ეკიპაჟი და აეროპორტის თანამშრომლები უკვე რამდენიმე დღეა დაკითხვაზე იმყოფებიან. "შემოწმებისა და დაკითხვების დასრულების შემდეგ, პროცესუალური გადაწყვეტილებასაც მივიღებთ" - წერს უწყება.