მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ მოიგებს ლობისტურ ომს სახელისუფლებო კულუარებში ანუ დარჩება თუ არა მწვანე შუქი ონლაინკაზინოებისთვის?!
10:36 / 14-03-2018
ორიოდე კვირის წინ, ფინანსთა მინისტრმა მამუკა ბახტაძემ “პალიტრანიუსის” ეთერში დაანონსა, რომ ონლაინკაზინოებთან დაკავშირებით რეგულაციები წლის ბოლომდე ამოქმედდება. მისასალმებელია, თუ ასე მოხდა და შეიზღუდება ბიზნესი, რომელმაც არაერთი ოჯახი გააღატაკა, დაანგრია და ბევრი ადამიანი თვითმკვლელობამდე მიიყვანა. თუმცა ერთი “მაგრამ” ყველგან არის... ჯერ ერთი, არცთუ სასიამოვნოდ გაიჟღერა ბახტაძის ფრაზამ, რომ “აღნიშნული სექტორი ბიუჯეტში არის მსხვილი კონტრიბუტორი”. მეორეც - ანონსი, რომ ონლაინკაზინოებს რეგულაციები დაუწესდებათ, აქამდეც ბევრჯერ მოგვისმენია...
პირველი პრემიერი კვირიკაშვილი იყო, რომელმაც ამის შესახებ ჯერ კიდევ 2015 წლის დეკემბერში განაცხადა. მას შემდეგ სამი წელი გავიდა... ონლაინკაზინოებსა და ბეთებს რომ რეგულაციები დაუწესდეთ, ჯერ პარლამენტმა უნდა დაამტკიცოს ცვლილებების პროექტი კანონში “ლატარიების, აზარტული და მომგებიანი თამაშობების მოწყობის შესახებ”. პროექტზე მუშაობა 2017 წლის ნოემბერში დასრულდა და მას შემდეგ პარლამენტისგან ამ კუთხით ჩამი-ჩუმი არ ისმის. რაც ყველაზე უცნაურია - დეპუტატები თავს არიდებენ ჟურნალისტებთან კომენტარის გაკეთებას იმის შესახებ, ბოლოს და ბოლოს როდის დაამტკიცებს პარლამენტი ამ კანონპროექტს. შესაბამისად, შესაძლოა, სულაც არ იყოს საფუძველს მოკლებული არასამთავრობო ორგანიზაციების ეჭვი, რომ ბიზნესმა, რომლის ბრუნვამ 2016 წლის მონაცემებით 4 მილიარდ ლარს გადააჭარბა, აამოქმედა მძლავრი ლობი კანონპროექტის დასაბლოკად ან ისეთი სახით დასამტკიცებლად, რომელიც რეალურად არაფერს შეცვლის. მით უმეტეს, ამ ბიზნესს თავისი მიზნის მისაღწევად მედიაბერკეტებიც თუ აქვს...
გავიხსენოთ არშემდგარი სკანდალი “ტვ პირველის” გარშემო. ტელეკომპანიის დამფუძნებლებმა ჯერ თქვეს, რომ ხელისუფლება ზეწოლას ახორციელებს ტელევიზიაზე სარედაქციო პოლიტიკის შეცვლის მიზნით და ამისთვის იმ ბიზნესს უქმნის პრობლემას, საიდანაც მედიასაშუალება ფინანსდება. მოგვიანებით კი, განაცხადეს, რომ “მოგვარდნენ” და ჩვეულ რეჟიმში აგრძელებენ მუშაობას. ამის შემდეგ არშემდგარი სკანდალის ყველა ფიგურანტმა პირში წყალი ჩაიგუბა.
თუმცა არაოფიციალური ინფორმაციით, ის ბიზნესი, საიდანაც ფინანსდება “ტვ პირველი” არის “აჭარაბეთი” (ამის შესახებ ვრცლად წერდა "ნეტგაზეთი"). ამავე არაოფიციალური ცნობებით, “აჭარაბეთიდან” დაფინანსების შეწყვეტაც და შემდეგ აღდგენაც, უკავშირდება ბიზნესმენ თემურ უგულავას და ამაში იყვნენ ჩართული ხელისუფლების წარმომადგენლები. მთავარი ის არის, რომ თუ მართლაც ასეთი გავლენით სარგებლობენ ონლაინკაზინოების მეპატრონეები და აფინანსებენ მედიასაშუალებებს, ისინი გულხერდაკრეფილები არ ისხდებიან და შეეცდებიან, თავიდან აიცილონ ის რეგულაციები, რომლებიც მათ შემოსავლებს შეუმცირებს.
გარდა სახელისუფლებო კულუარებში ფარული მოლაპარაკებისა, მათ შეუძლიათ ზეწოლის ბერკეტად გამოიყენონ მედია ან თქვან, კონკრეტულ ონლაინკაზინოს იმიტომ ექმნება პრობლემა, რომ შეიცვალოს იმ მედიასაშუალების სარედაქციო პოლიტიკა, რომელსაც ეს ონლაინკაზინო აფინანსებს. ასე რომ, ონლაინკაზინოებთან დაკავშირებით მთავარი ამბები ჯერ კიდევ წინ არის. თუ კანონპროექტის განხილვა გაჭიანურდა და ხელისუფლების წარმომადგენლები შეეცადნენ, ეს თემა საზოგადოებას დაავიწყდეს, მაშინ უფრო გამყარდება ეჭვი, რომ სახელისუფლებო კულუარებში ლობისტური ომი ონლაინკაზინოების მეპატრონეებმა მოიგეს და მოსახლეობის გაუბედურების ბიზნესს კვლავ დიდი მწვანე სინათლე აქვს ანთებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
