მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რამდენის გადახდა მოუწევს მერიას "სითი პარკისთვის" და ვინ განახორციელებს მის ფუნქციებს თბილისში
11:41 / 13-03-2018
თბილისის მერიას ხელშეკრულების გაწყვეტის სანაცვლოდ „სითი პარკისთვის“ პირგასამტეხლოს გადახდა მოუწევს. გავრცელებული ინფორმაციით, პირგასამტეხლო 25 მილიონ ლარს შეადგენს, თუმცა, თავის მხრივ, კომპანიაში აქამდე გაკეთებული განცხადებებით, საჯარიმო თანხის კონკრეტული ოდენობა სასამართლომ უნდა გადაწყვიტოს.
კახა კალაძის განმარტებით, 10 აპრილიდან, პარკირების ახალი სისტემის ჩამოყალიბებამდე, "სითი პარკის" ფუნქციებს თბილისის სატრანსპორტო კომპანია განახორციელებს.
"ჩვენი მხრიდან არაერთი გაფრთხილების მიუხედავად, კომპანია მასზე დაკისრებულ ვალდებულებებს არ ასრულებს, რაც მოქალაქეების უფლებების შელახვისა და პარკირების მართვის სფეროში სისტემური პრობლემების შექმნის მიზეზად იქცა.
მივიღეთ გადაწყვეტილება, „სითი პარკთან“ გაფორმებული ხელშეკრულება შევწყვიტოთ. გადაწყვეტილება ძალაში შევა 2018 წლის 10 აპრილიდან. კონტრაქტის გაუქმების დღიდან, პარკირების ახალი სისტემის ჩამოყალიბებამდე, „სითი პარკის“ ფუნქციებს თბილისის სატრანსპორტო კომპანია განახორციელებს”, - განაცხადა კალაძემ.
მისივე თქმით, თბილისელებისთვის და პირადად მისთვის, როგორც დედაქალაქის მერისთვის, ერთ-ერთი მთავარი გამოწვევაა, რომ თბილისი იყოს თანამედროვე და კომფორტული ქალაქი, სადაც საზოგადოებრივი ტრანსპორტი იქნება მოწესრიგებული და თითოეული გადაწყვეტილება მიმართულია ამ მიზნის განხორციელებისკენ.
”ჩვენს მიერ დაანონსებული სატრანსპორტო პოლიტიკის მიზანია კერძო ავტომობილების როლის შემცირება და ფეხით მოსიარულეებისთვის მაღალი სტანდარტების საზოგადოებრივი ტრანსპორტის დამკვიდრება, სადაც ერთ-ერთი მთავარი კომპონენტი პარკირების პრობლემის მოგვარებაა. ეს ნიშნავს სამართლიანი პარკირების სისტემის შექმნას, რომელიც ერთი მხრივ, ორიენტირებული იქნება ახალი საპარკინგე სისტემის შექმნაზე, მეორე მხრივ კი, ქალაქის საცობებისგან განტვირთვასა და ეფექტიანი სატრანსპორტო სისტემის ხელშეწყობაზე. განვითარებასა და მაღალ სტანდარტებთან რადიკალურად მიუღებელია არაკეთილსინდისიერი მიდგომები, მიუღებელია მოქალაქეების უფლებების შელახვა. არანაირად არ შევეგუები არც ერთი კომპანიის მხრიდან უპასუხისმგებლობას, საჯარო უფლებამოსილებების არა სათანადო შესრულებას. ჩვენ საზოგადოებასთან ერთად ვქმნით ქალაქის უკეთეს მომავალს და ვნერგავთ საზოგადოებრივი მომსახურებების მაღალ სტანდარტებს”, - აღნიშნა კალაძემ.
მერიის გადაწყვეტილებასთან დაკავშირებით „სითი პარკში“ კომენტარი ცოტა ხანში გაკეთდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
