მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იყიდება თუ არა თბილისის ბაზრებში ცხენის ხორცი - რა რეაგირება მოახდინეს უწყებებმა "ფეისბუქში" გავრცელებულ ფოტოებზე
16:36 / 06-03-2018
ინტერნეტმომხმარებელმა თეონა კუპრეიშვილმა ფეისბუქზე შემზარავი ფოტოები გაავრცელა, რომელიც მისი ინფორმაციით თბილისში, გლდანშია გადაღებული, სადაც ცხენებს კლავენ და ბაზარში როგორც საქონელს ასაღებენ.
"ორი კვირაა, სისასტიკის და ადამიანის ბოროტების თვითმხილველი ვარ. უმოწყალოდ კლავენ ცხენებს და მერე ბაზარში როგორც საქონელს ისე ასაღებენ. ვისაც შემეძლო ყველას ხმა მივაწვდინე, მაგრამ უშედეგოდ... არავის არ აღელვებს უბედური ცხენების ბედი და არც ადამიანები, რომლებიც ტყუვდებიან და უნებლიედ თანამონაწილეები ხდებიან. ნუთუ არ შეილება ქუჩაში ვაჭრობის აკრძალვა?! იქნებ ამით მაინც ვუშველოთ საცოდავ არსებებს... ამ ადამიანს თუ ეს სისხლისღვრა შერჩება და არ დაისჯება, აუცილებლად გააგრძელებს. ცანტრალურ ბაზარშიც ხშირად არისო, ერთ-ერთმა ხორცის გამყიდველმა მითხრა... ამ ლოდინში 4 ცხენი მოკლეს და ხორცად გაყიდეს "მარშრუტკებიდან" ბაზრის ტერიტორიაზე" - წერს კუპრეიშვილი და აღნიშნული შემთხვევის ფოტოებსაც ავრცელებს.
იხილეთ: "დღის თემა" - გლდანში ცხენებს ხოცავენ და დახლებზე ძროხის ხორცად ასაღებენ?
Ambebi.ge-მ გადაწყვიტა გაერკვია, რა რეაგირება მოახდინეს სხვადასხვა უწყებებმა მოქალაქის მიერ გავრცელებულ ინფორმაციაზე და დადასტურდა თუ არა, რომ გლდანის ბაზრის მიმდებარე ტერიტორიაზე ცხენის ხორცი იყიდება.
სურსათის ეროვნული სააგენტოს ინფორმაციით, ფაქტთან დაკავშირებით შეტყობინება არ მიუღიათ, თუმცა გლდანში ცხენის ხორცის რეალიზაციის ფაქტები აქამდე დაფიქსირებულა, რასაც სააგენტოს მხრიდან შესაბამისი რეაგირება მოჰყვა.
"ასეთი ფაქტები სურსათის ეროვნულ სააგენტოს გამოუვლენია. რაც შეეხება აღნიშნულ პოსტს, თუ ვინმემ რაიმე ინფორმაცია და კონკრეტული ფაქტი იცის, შეუძლია, სურსათის ეროვნული სააგენტოს ცხელ ხაზზე 1501-ზე შეტყობინება დატოვოს და ვითარებას შევისწავლით. ინტენსიურად მიმდინარეობს ხორცის ობიექტების კონტროლი, რადგან ის ერთ-ერთი ყველაზე მაღალი რისკის მქონე სურსათია და სააგენტოს არაერთხელ აქვს ინფორმაცია იმის შესახებ გავრცელებული, როგორ მოწმდება აგრარული ბაზრები. დაფიქსირდა ფაქტებიც, როცა ცხენის ხორცი იყიდებოდა" - განმარტა სურსათის ეროვნული სააგენტოს საზოგადოებასთან ურთიერთობის სამსახურის უფროსმა თეა შველიძემ.
გავრცელებული ინფორმაციით, ცხენის ხორცს გლდანის ბაზართან გარე ვაჭრობით დაკავებული პირები პირდაპირ "მარშრუტკებიდან" ყიდიან, სურსათის ეროვნული სააგენტოს ინფორმაციით, კი მათ უფლებამოსილებაში მხოლოდ რეგისტრირებული ობიექტების შემოწმება შედის.
"სააგენტოს უფლებამოსილება გარე ვაჭრობასთან დაკავშირებით არ ვრცელდება, რადგან აღნიშნული საქმიანობა ისედაც აკრძალულია. ცხენის ხორცის გაყიდვა საქართველოში აკრძალული არ არის, თუ სასაკლაოზე დაიკვლება და ეტიკეტირებული იქნება, ასეთ შემთხვევაში როგორც საქონლის ხორცის რეალიზაცია, ისე ცხენის შესაძლებელია" - განმარტა შველიძემ.
იმის გასარკვევად, აქვთ თუ არა ცხენების დაკვლის ფაქტთან დაკავშირებით ინფორმაცია სხვა უფლებამოსილ სახელმწიფო უწყებებს, Ambebi.ge შინაგან საქმეთა სამინისტროს დაუკავშირდა, რომლის მოვალეობებში ცხოველთა მიმართ სასტიკი მოპყრობის ფაქტებზე რეაგირება და გარე ვაჭრობის საკითხის დარეგულირებაც შედის. უწყებაში განმარტეს, რომ მსგავს ფაქტთან დაკავშირებით შეტყობინება არ მიუღიათ.
შს სამინისტროს მსგავსად, ცხენების დახოცვასა და მათი ხორცის უკანონოდ რეალიზაციასთან დაკავშირებით ინფორმაცია არც თბილისის მერიის ცხოველთა მონიტორინგის სააგენტოს აქვს, სადაც განმარტავენ, რომ აღნიშნულ ფაქტებზე რეაგირება შსს-ს კომპეტენციაა.
გარემოს დაცვისა და სოფლის მეურნეობის სამინისტროს გარემოს ზედამხედველობით დეპარტამენტში კი განმარტავენ, რომ ისინი მხოლოდ გარეულ ცხოველებთან დაკავშირებულ შემთხვევებზე ახდენენ რეაგირებას და მსგავსი ფაქტები მათ უფლებამოსილებას სცდება.
აღსანიშნავია, რომ ეს ბაზრის მიმდებარედ ცხენის ხორცის რეალიზაციის პირველი შემთხვევა არ არის, გასულ წელს სურსათის ეროვნულმა სააგენტომ მოსახლეობა არაერთხელ გააფრთხილა, რომ გარე ვაჭრობის პირობებში პროდუქცია არ შეიძინონ, ამავე პერიოდში კი დაახლოებით 500 კილოგრამი სარეალიზაციოდ გამზადებული ცხენის ხორცის ამოღება მოხდა.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
