ბა­ჩა­ნა ლომ­სა­ძე პირ­ვე­ლი ქარ­თვე­ლია, რო­მელ­საც ”სი­ლი­კონ ველ­ზე” მდე­ბა­რე სან­ტა-კლა­რას უნი­ვერ­სი­ტეტ­ში სა­კუ­თარ ლა­ბო­რა­ტო­რი­ას (Lomsadze lab) გა­უხ­სნი­ან. ახალ­გაზ­რდა მეც­ნი­ე­რი ცოტა ხნის წინ სან­ტა-კლა­რას უნი­ვერ­სი­ტე­ტის პრო­ფე­სო­რი გახ­და, რაც გუ­ლის­ხმობს სა­ვალ­დე­ბუ­ლო სა­ლექ­ციო კურ­სე­ბის წა­კი­თხვას, სა­კუ­თა­რი სა­მეც­ნი­ე­რო ლა­ბო­რა­ტო­რი­ის შექ­მნას, სტუ­დენ­ტე­ბის ხელ­მძღვა­ნე­ლო­ბას, გრან­ტე­ბის მო­ძი­ე­ბას, კო­ლა­ბო­რა­ცი­ას სხვა­დას­ხვა სა­მეც­ნი­ე­რო ჯგუ­ფებ­თან. ლომ­სა­ძე გეგ­მავს, რომ გაც­ვლი­თი პროგ­რა­მა სან­ტა-კლა­რას უნი­ვე­რის­ტეტ­სა და თბი­ლი­სის სა­ხელ­მწი­ფო უნი­ვერ­სი­ტეტს შო­რი­საც ჩა­მო­ა­ყა­ლი­ბოს.

სა­კუ­თარ ამე­რი­კულ ოც­ნე­ბა­ზე ქარ­თვე­ლი მეც­ნი­ე­რი AMBEBI.GE-ს ესა­უბ­რე­ბა:

”სან­ტა-კლა­რას უნი­ვერ­სი­ტე­ტის მიერ ჩემი პრო­ფე­სო­რის თა­ნამ­დე­ბო­ბა­ზე და­ნიშ­ვნის შე­მო­თა­ვა­ზე­ბა საკ­მა­ოდ გრძე­ლი და რთუ­ლი კონ­კურ­სის გავ­ლის შემ­დგომ მოხ­და. უნი­ვერ­სი­ტეტ­ში იყო ერთი სა­კონ­კურ­სო ად­გი­ლი ფი­ზი­კა­ში პრო­ფე­სო­რის თა­ნამ­დე­ბო­ბა­ზე. შერ­ჩე­ვა­ში 250-მდე აპ­ლი­კან­ტი მო­ნა­წი­ლე­ობ­და. პირ­ველ ეტაპ­ზე 20 ადა­მი­ა­ნი შე­ირ­ჩა ავ­ტო­ბი­ოგ­რა­ფი­ის, გა­მოქ­ვეყ­ნე­ბუ­ლი შრო­მე­ბის და სარ­ე­კო­მენ­და­ციო წე­რი­ლე­ბის მი­ხედ­ვით. კი­დევ უფრო „მოკ­ლე სი­ა­ში“ მოხ­ვედ­რა (4 კან­დი­და­ტი) გუ­ლის­ხმობ­და „სკა­ი­პით“ ზე­პირ გა­სა­უბ­რე­ბას და შემ­დგომ ად­გილ­ზე, უნი­ვერ­სი­ტეტ­ში ჩას­ვლას და 2-დღი­ან გა­სა­უბ­რე­ბას.

გა­სა­უბ­რე­ბა მო­ი­ცავს თი­თო­ე­ულ ად­გი­ლობ­რივ პრო­ფე­სორ­თან, დე­კან­თან და უნი­ვერ­სი­ტე­ტის რექ­ტორ­თან 1-სა­ა­თი­ან ინ­ტერ­ვი­უ­ებს. ამის შემ­დგომ აპ­ლი­კანტს სა­მეც­ნი­ე­რო გეგ­მებ­ზე მოხ­სე­ნე­ბის და სა­უ­ნი­ვერ­სი­ტე­ტო კო­ლოქ­ვი­უ­მის გა­კე­თე­ბა მო­ე­თხო­ვე­ბა. მნიშ­ვნე­ლო­ვა­ნია ლექ­ცი­ე­ბის ჩა­ტა­რე­ბა სტუ­დენ­ტე­ბის­თვი­საც, ვი­ნა­ი­დან მათი აზ­რის გათ­ვა­ლის­წი­ნე­ბა შე­ფა­სე­ბა­ში რო­გორც წესი, გან­მსა­ზღვრე­ლია. ბედ­ნი­ე­რი ვარ, რომ ასე­თი ხან­გრძლი­ვი პრო­ცე­სი­სა და მკაც­რი კონ­კუ­რენ­ცი­ის პი­რო­ბებ­ში უნი­ვერ­სი­ტეტ­მა არ­ჩე­ვა­ნი ჩემ­ზე შე­ა­ჩე­რა.

ასევე დაგაინტერესებთ

12:07 / 03-01-2019

ქართველი მეცნიერის გამოგონება, რომელიც უსაფრთხოების ზომების სტანდარტებს შეცვლის

გარ­და ამი­სა, აშშ-ის რამ­დე­ნი­მე უნი­ვერ­სი­ტე­ტის „მოკ­ლე სი­ა­ში“ ვარ მოხ­ვედ­რი­ლი, შე­მო­თა­ვა­ზე­ბე­ბიც მაქვს პრო­ფე­სო­რის თა­ნამ­დე­ბო­ბა­ზე. თუმ­ცა სან­ტა-კლა­რას სა­გან­მათ­ლებ­ლო ცენ­ტრი ავირ­ჩიე, რად­გან ის ით­ვლე­ბა ერთ-ერთ უძ­ვე­ლეს და პრეს­ტი­ჟულ უნი­ვერ­სი­ტე­ტად აშშ-ში, რომ­ლის სტუ­დენ­ტო­ბაც სა­ა­მა­ყოა, თუმ­ცა მა­ღა­ლი სა­ფა­სუ­რი­სა და დიდი კონ­კუ­რენ­ცი­ის გამო საკ­მა­ოდ რთუ­ლია. უნი­ვერ­სი­ტე­ტი მდე­ბა­რე­ობს „სი­ლი­კონ ველ­ზე“, რო­მე­ლიც მსოფ­ლიო ტექ­ნო­ლო­გი­ე­ბის ცენ­ტრია. იგი ძა­ლი­ან ახ­ლო­საა სტენ­ფორ­დი­სა და ბერკლის უნი­ვერ­სი­ტე­ტებ­თან, სა­დაც კო­ლა­ბო­რა­ცი­ე­ბი მაქვს და­გეგ­მი­ლი.

- რა სა­ხის პრო­ექ­ტებ­ზე იმუ­შა­ვებთ თქვენს ლა­ბო­რა­ტო­რი­ა­ში?

- მე შევ­ქმე­ნი ახა­ლი ლა­ზე­რუ­ლი სპექტროს­კო­პი­ის მე­თო­დი. იგი სა­შუ­ა­ლე­ბას იძ­ლე­ვა, სხვა­დას­ხვა ნივ­თი­ე­რე­ბე­ბის თვი­სე­ბე­ბი რე­ა­ლურ დრო­ში შე­ვის­წავ­ლოთ, და­ვაკ­ვირ­დეთ ქი­მი­ურ რე­აქ­ცი­ებს და პა­სუ­ხი გავ­ცეთ ფუნ­და­მენ­ტუ­რი ფი­ზი­კი­სა და ქი­მი­ის სა­კი­თხებს, რაც აქამ­დე შე­უძ­ლე­ბე­ლი იყო. ჩემს ლა­ბო­რა­ტო­რი­ა­ში ამ მე­თო­დით ვა­პი­რებ კვლე­ვე­ბის გაგ­რძე­ლე­ბას. ვუ­ხელ­მძღვა­ნე­ლებ ფი­ზი­კის, ქი­მი­ის და სა­ინ­ჟინ­რო ფა­კულ­ტე­ტის ბა­კა­ლავ­რი­ა­ტის და სა­დოქ­ტო­რო პროგ­რა­მის სტუ­დენ­ტებს, რომ­ლე­ბიც ჩა­ა­ტა­რე­ბენ კვლე­ვებს, გა­მო­აქ­ვეყ­ნე­ბენ სა­მეც­ნი­ე­რო შრო­მებს და მი­ე­ნი­ჭე­ბათ ხა­რის­ხი.

- რო­გორ და რო­დის და­ი­წყეთ თქვენს მიერ შე­მუ­შა­ვე­ბულ ინო­ვა­ცი­ურ მე­თოდ­ზე მუ­შა­ო­ბა?

- ჯერ კი­დევ ბა­კა­ლავ­რი­ატ­ში სწავ­ლის დროს, სა­ერ­თა­შო­რი­სო სა­მეც­ნი­ე­რო კონ­ფე­რენ­ცი­ებ­ში მო­ნა­წი­ლე­ო­ბამ და გა­მო­ჩე­ნილ მეც­ნი­ე­რებ­თან დის­კუ­სი­ებ­ში აქ­ტუ­ა­ლუ­რი სა­კი­თხე­ბის გან­სჯა-გან­ხილ­ვამ მომ­ცა სა­შუ­ა­ლე­ბა გავ­ცნო­ბო­დი, თუ რა კვლე­ვე­ბი ტარ­დე­ბო­და მსოფ­ლი­ოს წამ­ყვან სა­მეც­ნი­ე­რო ჯგუ­ფებ­ში. ძა­ლი­ან და­მა­ინ­ტე­რე­სა ლა­ზე­რულ­მა სპე­კტ­როს­კო­პი­ამ და მათ გა­მო­ყე­ნე­ბამ რო­გორც ფუნ­და­მენ­ტურ კვლე­ვებ­ში, ასე­ვე პრაქ­ტი­კუ­ლი მიზ­ნე­ბის­თვის.

სამ­წუ­ხა­როდ, სა­ქარ­თვე­ლოს უნი­ვერ­სი­ტე­ტებ­ში არ იყო სა­მა­გის­ტრო/სა­დოქ­ტო­რო პროგ­რა­მა ამ მი­მარ­თუ­ლე­ბით. ამი­ტომ 2008 წელს ჩა­ვი­რი­ცხე სა­დოქ­ტო­რო პროგ­რა­მა­ზე კან­ზა­სის სა­ხელ­მწი­ფო უნი­ვერ­სი­ტე­ში, სრუ­ლი და­ფი­ნან­სე­ბით. ის ით­ვლე­ბა ერთ-ერთ წამ­ყვან ცენ­ტრად ლა­ზე­რულ სპექტროს­კო­პი­ა­ში. სა­მეც­ნი­ე­რო პრო­ექ­ტი, რო­მე­ლიც ჩემს წი­ნა­შე და­ის­ვა, გახ­ლდათ - ატო­მე­ბი­სა და მო­ლე­კუ­ლე­ბის გა­ცი­ე­ბა ლა­ზე­რე­ბის მეშ­ვე­ო­ბით და მათი თვი­სე­ბე­ბის და დი­ნა­მი­კის შეს­წავ­ლა მოკ­ლე-ხან­გრძლი­ვო­ბის იპულ­სე­ბის მქო­ნე ლა­ზე­რე­ბის გა­მო­ყე­ნე­ბით. ეს კვლე­ვე­ბი კვან­ტუ­რი კომ­პი­უ­ტე­რე­ბის გან­ვი­თა­რე­ბის­თვის მე­ტად მნიშ­ვნე­ლო­ვა­ნია. დას­მულ ამო­ცა­ნას წარ­მა­ტე­ბით გა­ვარ­თვი თავი.

2012 წელს, 26 წლის ასაკ­ში, მო­მე­ნი­ჭა სა­დოქ­ტო­რო ხა­რის­ხი და კვლე­ვი­თი სა­მუ­შა­ო­ე­ბის სრულ­ყო­ფის მიზ­ნით მი­მიწ­ვი­ეს კო­ლო­რა­დოს უნი­ვერ­სი­ტეტ­ში და მას­თან არ­სე­ბულ გა­ერ­თი­ა­ნე­ბუ­ლი ას­ტრო­ფი­ზი­კის ლა­ბო­რა­ტო­რი­ე­ბის ინ­სტი­ტუ­ტში (JILA), რო­გორც მკვლე­ვა­რი მეც­ნი­ე­რი. JILA-ში მოღ­ვა­წე 5 მეც­ნი­ერს ნო­ბე­ლის პრე­მია აქვს მი­ღე­ბუ­ლი.

სწო­რედ ამ დრო­ის გან­მავ­ლო­ბა­ში ვმუ­შა­ობ­დი ახა­ლი ლა­ზე­რუ­ლი მე­თო­დის შექ­მნა­სა და დახ­ვე­წა­ზე, რომ­ლის სრუ­ლი რე­ა­ლი­ზა­ცია მი­ჩი­გა­ნის უნი­ვერ­სი­ტეტ­ში მო­ვახ­დი­ნე. ეს მე­თო­დი სა­შუ­ა­ლე­ბას იძ­ლე­ვა, მო­ვახ­დი­ნოთ მო­ლე­კუ­ლე­ბი­სა და ნა­ხე­ვარ­გამ­ტა­რუ­ლი ნივ­თი­ე­რე­ბე­ბის სტრუქ­ტუ­რის, თვი­სე­ბე­ბის და დი­ნა­მი­კის შეს­წავ­ლა უპ­რე­ცე­დენ­ტოდ მა­ღა­ლი სი­ზუს­ტით. ჩემ მიერ აღ­მო­ჩე­ნილ ამ ახალ მე­თოდს პრაქ­ტი­კუ­ლი გა­მო­ყე­ნე­ბაც აქვს. ამ მე­თო­დით ამი­ე­რი­დან შე­საძ­ლე­ბე­ლი იქ­მნე­ბა მომ­წავ­ლე­ლი ნივ­თი­რე­ბე­ბი­სა (აი­რე­ბის) და ასა­ფეთ­ქე­ბე­ლი ნივ­თი­ე­რე­ბე­ბის დე­ტექ­ტი­რე­ბა დის­ტან­ცი­უ­რად, ძა­ლი­ან მოკ­ლე დრო­ში (წა­მებ­ში).

ეს მნიშ­ვნე­ლო­ვა­ნია აე­რო­პორ­ტე­ბის, სა­ზღვაო პორ­ტე­ბის და ხალ­ხმრა­ვა­ლი თავ­შეყ­რის ად­გი­ლე­ბის და­სა­ცა­ვად. ჩემი ექ­სპე­რი­მენ­ტის შე­დე­გე­ბი ეტა­პობ­რი­ვად ისა­ხე­ბო­და პრეს­ტი­ჟულ ჟურ­ნა­ლებ­ში. მი­ღე­ბუ­ლი შე­დე­გე­ბის აქ­ტუ­ა­ლო­ბი­დან გა­მომ­დი­ნა­რე ის ჟურ­ნალ­მა „ოპ­ტი­კი­სა და ფო­ტო­ნიქ­სის სი­ახ­ლე­ე­ბი” 2017 წლის სა­უ­კე­თე­სო ნა­მუ­შევ­რად აღი­ა­რა. ეს მე­თო­დი წარ­დგე­ნი­ლი მაქვს პა­ტენტზე, რო­მელ­საც უკვე გავ­ლი­ლი აქვს ექ­სპერ­ტი­ზა.

- საკ­მა­ოდ პა­ტა­რა ასაკ­ში მი­აღ­წი­ეთ წარ­მა­ტე­ბას. მეც­ნი­ე­რე­ბით პა­ტა­რა­ო­ბი­დან­ვე იყა­ვით და­ინ­ტე­რე­სე­ბუ­ლი? რო­გო­რი იყო თქვე­ნი პირ­ვე­ლი კავ­ში­რი მეც­ნი­ე­რე­ბას­თან?

- სკო­ლის ასაკ­ში და­ინ­ტე­რე­სე­ბუ­ლი ვი­ყა­ვი არა მარ­ტო ტექ­ნი­კუ­რი, არა­მედ ჰუ­მა­ნი­ტა­რუ­ლი საგ­ნე­ბი­თაც. ვსწავ­ლობ­დი ხე­ლოვ­ნე­ბის კო­ლე­ჯში. დამ­თავ­რე­ბუ­ლი მაქვს შვიდ­წლე­დი ფორ­ტე­პი­ა­ნოს გან­ხრით. ხე­ლოვ­ნე­ბის კო­ლე­ჯში დად­გმულ სპე­კტაკ­ლებ­ში მთა­ვარ როლ­საც ვას­რუ­ლებ­დი. და­ახ­ლო­ე­ბით 10 წელი აქ­ტი­უ­რად ვი­ყა­ვი ჩარ­თუ­ლი მო­ცეკ­ვა­ვე­თა ან­სამ­ბლ „პა­ტა­რა ვარ­სკვლა­ვებ­ში“. ვმო­ნა­წი­ლე­ობ­დი ად­გი­ლობ­რივ და სა­ერ­თა­შო­რი­სო ფეს­ტი­ვალ­ზე. და­ჯილ­დო­ვე­ბუ­ლი ვარ სი­გე­ლე­ბით.

ერთი პე­რი­ო­დი მსა­ხი­ო­ბო­ბა­საც ვა­პი­რებ­დი. თუმ­ცა, ჩემი ინ­ტე­რე­სი მეც­ნი­ე­რე­ბის მი­მართ უფრო ძლი­ე­რი აღ­მოჩ­ნდა. სკო­ლის პე­რი­ოდ­ში­ვე მო­ნა­წი­ლე­ო­ბას ვი­ღებ­დი მა­თე­მა­ტი­კი­სა და ფი­ზი­კის ოლიმ­პი­ა­დებ­სა და სა­მეც­ნი­ე­რო კონ­ფე­რენ­ცი­ებ­ში. ფი­ზი­კის დარ­გში არა­ერ­თი სას­კო­ლო და რეს­პუბ­ლი­კუ­რი კონ­ფე­რენ­ცი­ის გა­მარ­ჯვე­ბუ­ლი ვარ და მი­ღე­ბუ­ლი მაქვს მეც­ნი­ე­რე­ბა­თა აკა­დე­მი­ის მიერ გა­ცე­მუ­ლი სპე­ცი­ა­ლუ­რი პრი­ზი სა­უ­კე­თე­სო მოხ­სე­ნე­ბის­თვის. ჩემი პირ­ვე­ლი სტა­ტია ჟურ­ნალ­ში - „ფი­ზი­კა და მა­თე­მა­ტი­კა სკო­ლა­ში” ჩემი მოს­წავ­ლე­ო­ბი­სას გა­მო­ვაქ­ვეყ­ნე.

ხე­ლოვ­ნე­ბის კო­ლე­ჯის წარ­ჩი­ნე­ბით დამ­თავ­რე­ბის შემ­დგომ ჩა­ვი­რი­ცხე ივა­ნე ჯა­ვა­ხიშ­ვი­ლის სა­ხე­ლო­ბის თბი­ლი­სის სა­ხელ­მწი­ფო უნი­ვერ­სი­ტეტ­ში ფი­ზი­კის ფა­კულ­ტეტ­ზე. ამ პე­რი­ოდ­ში შე­ვი­ძი­ნე უაღ­რე­სად მნიშ­ვნე­ლო­ვა­ნი სა­ბა­ზი­სო გა­ნათ­ლე­ბა, რო­მე­ლიც ჩემი შემ­დგო­მი სა­მეც­ნი­ე­რო კა­რი­ე­რის გამ­სა­ზღვრე­ლი ფაქ­ტო­რი აღ­მოჩ­ნდა. სტუ­დენ­ტო­ბის დროს ვი­ყა­ვი ივა­ნე ჯა­ვა­ხიშ­ვი­ლი­სა და მი­ხე­ილ ნო­დი­ას სა­ხე­ლო­ბის სტი­პენ­დი­ან­ტი. ვარ სტუ­დენ­ტთა და ას­პი­რან­ტთა სა­უ­ნი­ვერ­სი­ტე­ტო და რეს­პუბ­ლი­კურ კონ­ფე­რენ­ცი­ებ­ში გა­მარ­ჯვე­ბუ­ლი. სტუ­დენ­ტო­ბის დროს და­ვი­წყე მო­ნა­წი­ლე­ო­ბა სა­ერ­თა­შო­რი­სო სა­მეც­ნი­ე­რო კონ­ფე­რენ­ცი­ებ­ში (იტა­ლია, გერ­მა­ნია, ბელ­გია, საფ­რან­გე­თი, ამე­რი­კა), რომ­ლის ფარ­გლებ­შიც 10-მდე მოხ­სე­ნე­ბა გა­ვა­კე­თე.

- რო­გო­რია თქვე­ნი სა­მო­მავ­ლო გეგ­მე­ბი, უკავ­შირ­დე­ბა თუ არა ის სა­ქარ­თვე­ლოს?

- ჩემი სა­მო­მავ­ლო გეგ­მე­ბი, რა თქმა უნდა, სა­ქარ­თვე­ლოს უკავ­შირ­დე­ბა. სა­ქარ­თვე­ლოს, კონ­კრე­ტუ­ლად, თსუ-ს დიდი წვლი­ლი მი­უ­ძღვის ჩემს წარ­მა­ტე­ბებ­ში. ამი­ტომ მეც დიდი სურ­ვი­ლი მაქვს, წვლი­ლი შე­ვი­ტა­ნო სა­ქარ­თვე­ლო­ში მეც­ნი­ე­რე­ბის გან­ვი­თა­რე­ბა­ში. სამ­წუ­ხა­როდ, ამ ეტაპ­ზე სა­მეც­ნი­ე­რო კვლე­ვე­ბი, რო­მელ­საც მე ვა­ტა­რებ, ვერ მო­ხერ­ხდე­ბა სა­ქარ­თვე­ლო­ში არ­სე­ბუ­ლი და­ფი­ნან­სე­ბე­ბით. ვგეგ­მავ, რომ სან­ტა-კლა­რას უნი­ვე­რის­ტეტ­სა და თბი­ლი­სის სა­ხელ­მწი­ფო უნი­ვერ­სი­ტეტს შო­რის გაც­ვლი­თი პროგ­რა­მა ჩა­მო­ვა­ყა­ლი­ბო.

- რო­გორ შე­ა­ფა­სებთ სა­ქარ­თვე­ლო­ში მეც­ნი­ე­რე­ბის გან­ვი­თა­რე­ბის დო­ნეს? რო­გორ წარ­მო­გიდ­გე­ნი­ათ მისი გან­ვი­თა­რე­ბა?

- თსუ-ს მა­გა­ლით­ზე ვი­სა­უბ­რებ, თუმ­ცა გან­ზო­გა­დე­ბა შე­იძ­ლე­ბა სხვა უნი­ვერ­სი­ტე­ტებ­ზეც. სა­ბა­კა­ლავ­რო პროგ­რა­მა თე­ო­რი­ულ ფი­ზი­კა­ში საკ­მა­ოდ ძლი­ე­რი გვქონ­და. თსუ-ში მი­ღე­ბუ­ლი ცოდ­ნით უპ­რობ­ლე­მოდ მო­ვა­ხერ­ხე აშშ-ში სა­დოქ­ტო­რო პროგ­რა­მა­ში ჩაბ­მა და მე­ტიც, რამ­დე­ნი­მე სა­დოქ­ტო­რო საგ­ნის სა­ლექ­ციო კურ­სის გავ­ლის გა­რე­შე, წინ­სწრე­ბით ჩა­ბა­რე­ბა. თუმ­ცა, ექ­სპე­რი­მენ­ტუ­ლი ფი­ზი­კის დარ­გის გან­ვი­თა­რე­ბა­ში მო­ვი­კოჭ­ლებთ. მი­ზე­ზი არ­სე­ბუ­ლი და­ფი­ნან­სე­ბაა. დღეს­დღე­ო­ბით ტექ­ნო­ლო­გია ძა­ლი­ან სწრა­ფად ვი­თარ­დე­ბა, რაც პირ­და­პირ კავ­შირ­შია მეც­ნი­ე­რე­ბის გან­ვი­თა­რე­ბას­თან. სამ­წუ­ხა­როდ, სა­ქარ­თვე­ლო­ში ხელ­სა­წყო­ე­ბის გა­ნახ­ლე­ბის სა­შუ­ა­ლე­ბა კვლავ არ არის სა­სურ­ველ დო­ნე­ზე.

თსუ-ს ად­მი­ნის­ტრა­ცი­ის მიერ სი­ახ­ლის და­ნერგვა, შიდა სა­უ­ნი­ვერ­სი­ტე­ტო და სტუ­დენ­ტუ­რი გრან­ტე­ბის სა­ხით, მი­სა­სალ­მე­ბე­ლია, თუმ­ცა არა­საკ­მა­რი­სია სტუ­დენ­ტე­ბის ჩა­სარ­თა­ვად სა­მეც­ნი­ე­რო სა­მუ­შა­ო­ებ­ში. ეს კი, თა­ვის მხრივ, იწ­ვევს სა­ბა­კა­ლავ­რო, სა­მა­გის­ტრო და სა­დოქ­ტო­რო პროგ­რა­მე­ბის შე­სუს­ტე­ბას და სტუ­დენ­ტე­ბის გა­დი­ნე­ბას სა­ქარ­თვე­ლო­დან.

სტუ­დენ­ტე­ბის და­ინ­ტე­რე­სე­ბა მეც­ნი­ე­რე­ბი­სად­მი უნდა მოხ­დეს სკო­ლის პე­რი­ო­დი­დან­ვე. უნდა მოხ­დეს ლა­ბო­რა­ტო­რი­ე­ბის გა­ნახ­ლე­ბა, და­იდ­გას მო­დერ­ნი­ზე­ბუ­ლი ექ­სპე­რი­მენ­ტუ­ლი ცდე­ბი, ჩა­ტარ­დეს ღია-კა­რის დღე­ე­ბი, მოხ­დეს სტუ­დენ­ტე­ბის და­ფი­ნან­სე­ბა, რათა ჩა­ერ­თონ ლა­ბო­რა­ტო­რი­ულ სა­მუ­შა­ო­ებ­ში. და­ფი­ნან­სე­ბის შემ­თხვე­ვა­ში, ჩვე­ნი ბევ­რი წარ­მა­ტე­ბუ­ლი მეც­ნი­ე­რი შეძ­ლებს სა­ქარ­თვე­ლო­ში დაბ­რუ­ნე­ბას და მი­ღე­ბუ­ლი ცოდ­ნის რე­ა­ლი­ზე­ბას.