რატომ ეხება ტრამპი მაიკ პენსს ნაზად ფეხზე? - ფოტო ინტერნეტში ვირუსულად ვრცელდება

ფოტო, რომელზეც აშშ-ს პრეზიდენტი დონალდ ტრამპი ვიცე-პრეზიდენტ მაიკ პენსს ფეხზე ნაზად ეხება, ინტერნეტსენსაციად იქცა.

პრეზიდენტსა და პენსს შორის მელანია ზის, თუმცა ეს არ უშლის ხელს ტრამპს, ვიცე-პრეზიდენტს ფეხზე "ნაზად შეეხოს".

ფოტო ცნობილი მისიონერის, ბილი გრემის პანაშვიდზეა გადაღებული. გრემი 99 წლის ასაკში გარდაიცვალა, პანაშვიდი ვაშინგტონში, კაპიტოლიუმის შენობაში გაიმართა.

ეს დღე ბევრი ადამიანისთვის ძალიან ემოციური იყო, ამიტომ, სოციალური ქსელების მომხმარებლების ნაწილი განიხილავს, რომ ტრამპის ჟესტი ერთგვარი მხარდაჭერა იყო მეგობრის მიმართ.

თუმცა, ვიცე-პრეზიდენტი კმაყოფილი სულაც არ ჩანდა. სხეულის ენის სპეციალისტები ამბობენ, რომ პენსის მჭიდროდ მოკუმული ტუჩები და პიჯაკზე უხერხულად ჩაჭიდებული ხელები სწორედ ამისი მტკიცებულებაა.