მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
400-კილოგრამიანი რუსულ-არგენტინული "დიპლომატიური კოკაინი" - ნარკოვაჭრობის გზები რუსეთის ფედერაციაში
10:38 / 23-02-2018
არგენტინაში არსებულ რუსეთის საელჩოს სკოლაში 400 კილოგრამამდე კოკაინი ამოიღეს. განსაკუთრებით დიდი ოდენობის ნარკოტიკული ნივთიერება 12 ჩანთაში იყო გადანაწილებული და ისე ინახებოდა. აღნიშნულ საქმეზე ექვსი ადამიანი დააკავეს.
რუსეთისა და არგენტინის შესაბამისი უწყებების ერთობლივი გამოძიების ფარგლებში ორი პირი არგენტინაში, ოთხი კი, - რუსეთში, მოსკოვში დააკავეს... გამოძიების ინფორმაციით, ნარკოტიკები ჯერ კიდევ 2016 წელს აღმოაჩინეს, თუმცა, გამოძიების ინტერესებიდან გამომდინარე, ცნობილი მხოლოდ ახლა გახდა. არგენტინის უსაფრთხოების მინისტრი პატრისია ბულრიჩი საქმის დეტალების გაჟღერებას პრესკონფერენციაზე გეგმავს.
რუსული მედიის მტკიცებით, სპეცოპერაცია არგენტინულმა და რუსულმა სპეცსამსახურებმა ერთობლივად ჩაატარეს. 2016 წლის 14 დეკემბერს არგენტინაში რუსეთის ელჩმა, ვიქტორ კორონელიმ არგენტინის უსაფრთხოების სამინისტროს შეატყობინა, რომ ბუენოს-აიერესში, რუსეთის საელჩოს სკოლაში დიპლომატიური ბარგი აღმოაჩინეს საეჭვო ნივთიერებით. მას შემდეგ, რაც პოლიციამ დაადგინა, რომ ეს კოკაინი იყო, ის ფქვილით ჩაანაცვლეს, ბარგში GPS სისტემა დააყენეს და რუსეთში მის გადაგზავნას შეფერხება არ შეუქმნეს.
ერთობლივი გამოძიების ფარგლებში, რუსეთში 2017 წლის ბოლოს ოთხი პირი დააკავეს, რომელთაც აღნიშნული ბარგის წაღება სურდათ. ერთ-ერთი მათგანი არგენტინაში რუსეთის საელჩოს ყოფილი არადიპლომატი თანამშრომელია. მას ბრალად ედება დიპლომატიური მისიის ტერიტორიაზე კოკაინით სავსე 12 ჩანთის შეტანა.
თუმცა, განსხვავებულ ინფორმაციას ავრცელებს არგენტინული მედია, მათ ვერსიაში რუსული სპეცსამსახურები ნახსენები არ არის; ამასთან, დაკავებულია ხუთი ადამიანი, - ორი არგეტინელი და სამი რუსეთის მოქალაქე, მათ შორის, ერთ-ერთი რუსეთის ყოფილი მაღალჩინოსანი, ბუენოს-აირესის პოლიციის ინსპექტორი, 35 წლის ივან ბლიზნიუკია, რომელიც ერთ-ერთი ვერსით, ამჟამად რუსეთის საელჩოში მუშაობს. ის მექსიკაში მცხოვრები რუსი ემიგრანტის შვილია, რომელიც წლებია იქ ცხოვრობს.
ის 21 თებერვალს, ბუენოს-აირესთან ახლოს, ესეირის საერთაშორისო აეროპორტში მაშინ დააკავეს, როდესაც რომიდან არგენტინაში ჩაფრინდა. ამასთან, საქმეში ნახსენებია კიდევ 6 ეჭვმიტანილი, რომლებიც ამჟამად გერმანიაში იმალებიან.
novayagazeta.ru-ს ცნობით, "ბლიზნიუკი სოციალური ქსელის თავის გვერდზე ხშირად წერდა რუსეთის ფედერაციის უსაფრთხოებისა და დიპლომატიურ წრეებში თავის წარმომადგენლებზე. გარდა ამისა, ბლიზნიუკი, არგენტინის პოლიციისა და რუსეთის შს სამინისტროს "დამაკავშირებელ რგოლადაც" ითვლებოდა..." კრემლის რუპორი, გამოცემა ТАСС-ი წერს, რომ "საქმე ეხება რუსეთისა და არგენტის სპეცსამსახურების მიერ ნარკოტრეფიკის აღკვეთას".
gazeta.ru-ს ინფორმაციით, სკანდალურ საქმეში მონაწილეობდა საელჩოს ბუღალტერი ალი აბიანოვიც, რომელმაც ჩემოდნები სასწავლო დაწესებულებაში შეიტანა. კიდევ ერთი მნიშვნელოვანი ფიგურა, რომელიც გამოძიების ვერსიით, ნარკომოვაჭრეების ჯგუფს ხელმძღვანელობდა, გაქცეულია.
სატელეფონო საუბრების მოსმენებიდან ირკვევა, რომ ნარკომოვაჭრეები მხოლოდ რუსეთში კი არა, გერმანიასა და ნიდერლანდებშიც რეკავდნენ. ჩანთებში მოთავსებული "დიპლომატიური ნარკოტიკების" გარდა, ასევე არგენტინელი კადეტი-პოლიციელების მიერ, რუსეთში, კოკაინის თვითმფრინავით, ნაწილ-ნაწილ გადატანის ვერსიაც განიხილება. რამდენიმე დღის წინ, რუსეთის შს მინისტრის მოადგილე იგორ ზუბოვი უკრაინისკენ იშვერდა ხელს და მას რუსეთში "სინთეტიკური ნარკოტიკის" გავრცელებაში სდებდა ბრალს... მისივე თქმით, უკრაინაში ნარკოტიკების წარმოება აქტიურად ვითარდება და იქიდან ევროპაში ვრცელდება...
საერთოდ, რუსეთში ნარკოტრეფიკის თემას ძალიან ბევრი მიმართულება აქვს, - gazeta.ru-ს ინფორმაციით, 2017 წლის დეკემბერში, მოსკოვში პირველად მიუსაჯეს სამუდამო პატიმრობა ნარკომოვაჭრეების ჯგუფის ლიდერს, ტაჯიკ შეროლი ტაბაროვს, იგივე "შერს". ის ამავე საქმის გამო, 2014 წელს დააკავეს, თუმცა, მისი ბანდის წევრების აზიის ქვეყნებიდან ნარკოტიკების შემოტანას კიდევ ერთი წლის განმავლობაში განაგრძობდნენ. შემდეგ დაჯგუფების სხვა წევრებიც დაიჭირეს და 14 წლით თავისუფლების აღკვეთა მოუსაჯეს. ტაბაროვის მთავარ დამხმარეს 25-წლიანი კოლონიის რეჟიმი ჰქონდა მისჯილი.
თავად ტაბაროვი ნარკოტიკების საქმეზე, რუსეთში მეორედ დააკავეს - პირველად, 2003 წელს და 10-წლიანი თავისუფლების აღკვეთა მიუსაჯეს, რის შემდეგაც მისი სამშობლოში ექსტრადირება მოხდა. თუმცა, გარკვეული დროის მერე, რატომღაც გაათავისუფლეს და მანაც ძველი "პროფესია" გაიხსენა - ტაჯიკი ნარკომოვაჭრე ავღანეთსა და ტაჯიკეთიდან ჰეროინის კონტრაბანდულად გადაზიდვის ერთ-ერთი ყველაზე მსხვილი ჯგუფის ლიდერი გახდა.
მთელი ამ დროის განმავლობაში, ტაბაროვი რეგულარულად ჩადიოდა რუსეთში ყალბი პასპორტით. რუსეთის გენერალური პროკურატურის მონაცემებით, 2011-2014 წლებში, მან თავის 15 თანამზრახველთან ერთად რუსეთის ფედერაციაში დაახლოებით 700 კგ ჰეროინი შეიტანა.
რუსი სამართალდამცავი ორგანოებისთვის ცნობილია, ოთხი მსხვილი "ჰეროინის პარტია", რომელთა შედეგად რუსეთში შეტანილი ნარკოტიკის რაოდენობა 105-დან 190-მდე კილოგრამს შეადგენდა... ტრანსპორტირებისას, დამნაშავეთა ჯგუფი მას ალუჩის, ბლისა და ქლიავის ყუთებში მალავდა. სატვირთო მანქანები რუსეთში ევრაზიის ეკონომიკური საბჭოს წევრი ქვეყნებიდან შედიოდნენ, რათა საზღვარზე შემოწმებისას საფრთხე მინუმამდე დაეყვანათ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
