ქართული ბრენდის ინოვაციური განაცხადი პროგრამირების სფეროს განვითარებაში!

ინტერვიუ კომპანია FINA-ს დამფუძნებელთან და დირექტორთან ბატონ დავით თოფჩიშვილთან

ბატონო დავით, აღსანიშნავია, რომ პროგრამული უზრუნველყოფის დეველოპერ კომპანიებს შორის ერთ-ერთი საპატიო ადგილი უკავია FINA-ს. გთხოვთ ორიოდ სიტყვით გვიამბოთ FINA-ს განვითარების ეტაპებისა და მისი საქმიანობის შესახებ?

- FINA-ს შექმნისა და განვითარების ისტორია 2011 წლიდან იწყება, თუმცა კომპანიის შექმნას საკმაოდ საინტერესო წინაპირობები უძღოდა წინ, რამაც გააჩინა იდეა ქართველ დეველოპერთა მიერ დაფუძნებულიყო ქართული პროგრამული უზრუნველყოფის დეველოპერი კომპანია FINA. 2011 წლამდე ქართული კომპანიების უმრავლესობა ბიზნესის მართვის, სავაჭრო და ფინანსური ოპერაციების დამუშავებისა და აღრიცხვის მიზნით იყენებდა სხვადასხვა პროგრამულ პროდუქტს, რაც გულისხმობდა ამა თუ იმ პროგრამის მეშვეობით მონაცემთა ცალ-ცალკე დამუშავებას და შემდეგ მონაცემების გადატანას დამატებით კიდევ სხვა პროგრამულ მოდულში, მათი საბოლოო დამუშავებისა და აღრიცხვის მიზნით, რაც ბუნებრივია ზრდიდა შეცდომების ალბათობას დოკუმენტების ორმაგ გატარებებში, შედარებებში და ამასთანავე მოითხოვდა საკმაოდ დიდ დროს. შესაბამისად, იყო დიდი მოთხოვნა ისეთი პროგრამული პროდუქტის შექმნაზე, რაც საშუალებას მისცემდა ორგანიზაციის სხვადასხვა განყოფილებებს ემუშავათ ერთიან სისტემაში. ასეთი პროდუქტების ანალოგი უცხოური და ადგილობრივი პროგრამები კი საკმაოდ ძვირი იყო და გასულ წლებში მხოლოდ მსხვილი და დიდი ბიზნეს ორგანიზაციებისთვის იყო ხელმისაწვდომი. აქედან გამომდინარე, აშკარად ჩანდა თავისუფალი ნიშა ქართული პროგრამული უზრუნველყოფის პროდუქტებისთვის, რომელიც ბაზარზე ნებისმიერი მოცულობის და ბრუნვის მქონე ორგანიზაციისთვის, დამკვეთისთვის ხელმისაწვდომი იქნებოდა. ამასთან ერთად, ჩვენს პროდუქტებზე მაღალი მოთხოვნის განმაპირობებელი ფაქტორი საწყის ეტაპზევე ის აღმოჩნდა, რომ ნებისმიერი დამკვეთი მუშაობის პროცესში უზრუნველყოფილი იყო ჩვენივე შექმნილი პროგრამების მხარდაჭერის სისწრაფით, დინამიურობით, სიმარტივითა და მათ ბიზნეს მოდელზე მაქსიმალურად მორგებული პროგრამული უზრუნველყოფის პროდუქტით. სწორედ ასე დაიწყო 7 წლის წინ პირველი ქართული პროგრამული უზურნველყოფის კომპანია FINA-ს ისტორია და ჩვენი გათვლების შესაბამისად მართლაც სწორი ანალიზი გაკეთდა, რომ ქართული ბაზარი დიდ პოტენციალს და პერსპექტივას ქმნიდა ამ ტიპის კომპანიის შექმნისთვის და განვითარებისთვის, რისი ცოცხალი მაგალითიც სწორედ ისაა, რომ დღეისათვის საქართველოში 2000-ზე მეტ კომპანიას ვემსახურებით.

რა სახის მომსახურებას და პროდუქტებს სთავაზობს ბაზარს კომპანია Fina?

- FINA-ს პორთფელი მოიცავს 6 მასშტაბურ პროგრამულ პროექტს და ამასთან საკმაოდ დიდი რაოდენობით პროგრამულ მოდულებს, რომელიც ინტეგრირდება სხვადასხვა კომპანიის ფინანსური, ბუღალტრული, ლოჯისტიკური, თუ მენეჯმენტის მართვის სოფტში. დღეისათვის FINA-ს მიერ შექმნილი და დანერგილია 1. საბუღალტრო პროგრამა; 2. სავაჭრო პროგრამა, რომელიც წარმოადგენს „მაღაზია-საწყობის“ პროგრამულ უზრუნველყოფას გაყიდვებისა და მარაგების მართვისათვის, რომელიც ერთ ცენტრალიზებულ სისტემაში აერთიანებს POS მოდულს, ელექტრონულ კომერციას, მერჩენდაიზინგს, შეკვეთების, ფინანსებისა და მარაგების მართვას; 3. კაფე-რესტორნის მართვის პროგრამა, რომელიც მოიცავს POS მოდულს, ბექ-ოფისის, მარაგების კონტროლის, ანგარიშგებების და სამზარეულოს მონიტორინგს; 4. სასტუმროს მენეჯმენტის პროგრამა, რომელიც უზურნველყოფს სასტუმროების ფუნქციონირებასთან დაკავშირებული ყოველდღიური ოპერაციების აღრიცხვას და მულტიფუნქციურ მართვას და ასევე სასტუმროს ნომრების ჯავშნების, რესტორნის, საწყობის და ფინანსური მოდულების ურთიერთკავშირს; 5. დისტრიბუციის პროგრამა, რომელიც გამოიყენება, როგორც წინასწარი შეკვეთების (Pre-Selling), ასევე ბორტიდან გაყიდვების (VAN-Selling) დროს და წარმოადგენს ანდროიდ სისტემაზე ინტეგრირებულ სპეციალურ პროგრამას, რომელიც უშუალოდ არის დაკავშირებული მთავარ ოფისთან და იმართება ცენტრალიზებულად; 6. წარმოების მართვის პროგრამა, რომელიც სრულად არის ინტეგრირებული საბუღალტრო და სასაწყობე სისტემებთან;

2018 წლის დასაწყისში FINA-მ კიდევ ერთი ინოვაციური პროგრამული მოდულის შექმნის შესახებ განაცხადა, რას იტყვით პროგრამული აუდიტის მოდულზე, რომელიც საბუღალტრო საქამინობის მონიტორინგისთვის უნივერსალურ შესაძლებლობებს ქმნის?

- ჩემთვის, როგორც FINA-ს დამფუძნებლისთვის ნამდვილად საამაყოა, რომ კომპანია FINA და მისი დეველოპერთა გუნდი აბსოლიტურად პასუხობს მსოფლიოს ტენდენციებს, ბიზნესის თანამედროვე მოთხოვნებს და გამოწვევებს. რაც შეეხება FINA-ს ახალ პროდუქტს, FINA აუდიტს, თავის შინაარსით და ფუნქციით ის მართლაც ინოვაციური და უნივერსალური პროდუქტია, რადგან FINA აუდიტის მოდული გამოიყენება ბუღალტრული პროგრამის მონიტორინგისთვის და პროგრამულად გატარებულ დოკუმენტაციებში უზუსტობების, ხარვეზების, ცდომილებების დასადგენად. შესაბამისად, აუდიტის მოდულის მეშვეობით ავტომატურ რეჟიმში ხდება ბუღალტრული დოკუმენტაციის შედარება და გადამოწმება, თუ რამდენად სწორადაა მონაცემები წარმოებული, კომპანიის ფინანსური მდგომარეობის, ფინანსური შედეგებისა და ფულადი ნაკადების მოძრაობის კუთხით. აღნიშნული მოდული საშუალებას იძლევა, უმოკლეს დროში გადაამუშავოს დიდი მოცულობის მონაცემები, მარტივად აღმოაჩინოს გაუტარებელი, ან უზუსტობით გატარებული დოკუმენტები და მოგვაწოდოს ინფორმაცია, ფიქსირდება თუ არა, უარყოფითი ნაშთები სალაროსა და საბანკო ანგარიშებზე, აგრეთვე დებიტორებისა და კრედიტორების წინაშე. მოდულის მეშვეობით ასევე შესაძლებელია პროგრამაში მოვიძიოთ მიღებული კორექტირებული ზედნადებები და ანგარიშ-ფაქტურები, შევადაროთ სალაროში არსებული თანხები სალაროს აპარატზე გატარებულ ჩეკებს, შევამოწმოთ მიღებული ფასები, გამოვავლინოთ აუტვირთავი, ან დაუსრულებელი ზედნადებები.

რა არის კომპანია FINA-ს პროდუქტებისა და მომსახურების მთავარი უპირატესობა ბაზარზე?

- როგორც ზემოთ მოგახსენეთ, FINA-ს უმთავრესი უპირატესობაა მისი პროგრამების ერთიანი პლატფორმა და მულტიფუნქციური შესაძლებლობები, რაც გულისხმობს ორგანიზაციის სხვადასხვა განყოფილებების მონაცემების დამუშავებას და ფინანსურ აღრიცხვას ერთიან სისტემაში და ბაზაში. გარდა ამისა აღსანიშნავია FINA-ს პროგრამების მაქსიმალური მორგებულობა ბიზნესის სპეციფიკასა და ინტერესებზე, ანუ პროგრამების მარტივი და მოქნილი ინტერფეისი, ერთი სისტემური პანელის მეშვეობით კომპანიის სხვადასხვა მიმართულებების მართვა, როგორიცაა მაგალითად ლოჯისტიკა, ფინანსური განყოფილება, საწყობი და სხვ. მიმართლებების ერთმანეთთან უწყვეტ რეჟიმში ინტეგრაცია, შემდგომში ერთიანი რეპორტინგის სისტემის უზრუნველყოფის მიზნით. ასევე FINA-ს პროგრამების ფასი და მათი ხელმისაწვდომობა, და რაც მთავარია მომენტალური და მუდმივი მხარდაჭერის უზრუნველყოფა ნებისმიერი დამკვეთისთვის, რაც უზრუნველყოფს მათი საჭიროების გადაჭრის სისწრაფეს, ხარისხს, მათთან პირდაპირ კომუნიკაციას და ინტერაქციას.

რა გეგმები აქვს კომპანია FINA-ს უახლოეს მომავალში, კიდევ რა სახის მომსახურებებისა და სერვისების დამატებას და განვითარებას გეგმავთ ბაზარზე?

- FINA-ს მომსახურების მიმართ მოთხოვნა დღითი დღე იზრდება და აქვე იმასაც გეტყვით, რომ დიდი ალბათობით, 2018 წელს ქართული ბაზრის ფარგლებსაც გავცდებით და საერთაშორისო ბაზარზე გავალთ, რაც დამეთანხმებით უდიდეს პასუხისმგებლობას და განვითარების ახალ ეტაპზე გადასვლას გულისხმობს. ამისთვის პირველ რიგში ვზრდით დეველოპერთა და მხარდაჭერის ჯგუფის რაოდენობას, ასევე დავიმატეთ საერთაშორისო გამოცდილების მქონე მარკეტინგული განვითარების ჯგუფი, რომელიც შიდა და გარე ბაზრის შესწავლის ფონზე გვიკარნახებს თანამედროვე გამოწვევებისა და საჭიროებების ტენდენციებს. პროგრამული უზრუნველყოფის მიმართულებით 2018 წელს FINA კიდევ ერთი უნიკალური პროდუქტის გამოტანას გეგმავს ბაზარზე, რომელიც სრულიად ახალი სიტყვა იქნება ერთ-ერთი მიმართულების ბიზნესის ფუნქციონალში. (მომიტევეთ, რომ წინასწარ დეტალებს არ ვაანონსებ პროექტის ინტერესებიდან გამომდინარე). ყველაფერთან ერთად აქტიურად და ყოველდღიურ რეჟიმში ვმუშაობთ პროგრამული უზრუნველყოფის ახალი პროექტების განვითარებაზე, რაც ჩვენი დამკვეთი კომპანიების უკუკავშირების მუდმივი ანალიზისა და მსოფლიოში არსებული ტრენდების, ტენდენციების და გამოწვევების საფუძველზე იგეგმება და ხორციელდება. სწორედ ესაა კომპანია FINA-ს გრძელვადიანი განვითარების და დინამიური ზრდის შეუქცევადი სტრატეგია.

რა არის თქვენი მთავარი გზავნილი FINA-ს არსებული და მომავალი კლინტებისთვის?

- FINA-ს სლოგანია - მართე ბიზნესი ეფექტურად! შესაბამისად, FINA-ს ბრენდის ფილოსოფია და კომპანიის თითოეული გუნდის წევრის ამოცანაა ჩვენი დამკვეთების შეუფერხებელი, მარტივი, მოქნილი, ზუსტი და სწრაფი პროგრამული მხარდაჭერით უზრუნველყოფა, მათი ბიზნეს ამოცანების ეფექტური გადაჭრისთვის, ბიზნესის დინამიური ზრდისთვის და წარმატებისთვის! FINA მაქსიმალურად იცავს სწორედ ამ ღირებულებებს და რაც მთავარია ზრუნავს დამკვეთი კომპანიების შეუფერხებელი, დახვეწილი სამუშაო პროცესების უზრუნველყოფაზე, რაც თავის მხრივ სწორედ FINA-ს წარმატების საწინდარია!

R