"ხანდახან ღმერთი" ილონ მასკი - ვინ არის და როგორ მუშაობს "ტესლას" შეფი

იმ დროს, როცა მიულერები, ცეტშეები და გერმანული ავტოინდუსტრიის სხვა ხელმძღვანელები კრიზისში აღმოჩნდნენ, Tesla-ს ხელმძღვანელმა ელონ მასკმა ივლისის ბოლოს მსოფლიოში ყველაზე მოთხოვნადი მანქანა, Model 3 წარადგინა. ვინ არის ეს კაცი?

ამერიკული ავტომწარმოებლის, Tesla-ს შეფი, 46 წლის ელონ მასკი ხანდახან ღმერთია. კონკრეტულად იმ დროს, როცა გარშემო თავისი მორწმუნე-მიმდევრები ჰყავს. ასე იყო ივლისის მიწურულსაც, როცა მან ახალი ელექტრომობილი, Model 3 წარმოადგინა.

მასკის მიმდევრების გარდა იქ სხვებიც ვიყავით - მაგალითად მე, AUTO BILD-ის ჟურნალისტი. როგორც მითხრეს, მეც ვარ იმ სიაში, რომელსაც "Tesla trusted journalists" ("ტესლას" ნდობით აღჭურვილი ჟურნალისტები) ეწოდება. და ეს მიუხედავად იმისა, რომ "ტესლაზე" და მასკზე ცუდიც ბევრი დამიწერია - ცუდი რა, კრიტიკა. ღმერთი არ ენდობა ისეთებს, ვისაც "ტესლა" და ზოგადად ელექტრომობილები გულზე არ ეხატება. ასეთებს ის თავის უახლეს ქარხანასთან ახლოსაც არ მიუშვებს. მათ ლოცვაც კი არ უშველით.

ასევე დაგაინტერესებთ: Falcon Heavy-ის წარმატებული სტარტი - ანუ ახალი ფურცელი კოსმონავტიკის ისტორიაში

მასკმა და მისმა ფირმამ, "ტესლამ", საავტომობილო მსოფლიო თავდაყირა დააყენეს და ამისათვის 10 წელიწადიც კი არ დასჭირდათ. თანაც, ყოველგვარი PR-ფოიერვერკების გარეშე! რეკლამის გარეშე!! ფრანკფურტის თუ ჟენევის ავტოშოუების გარეშე!!! სამაგიეროდ, პროდუქტით. საკმარისია, ელექტრომობილი ახსენო, რომ დიდს თუ პატარას მაშინვე "ტესლა" ახსენდება. ვინც ქუჩაში უხმო, მდიდრულ მანქანას დაინახავს, ჩერდება და ფიქრობს - "ტესლა"! ამას თვით ყველაზე ხმაურიანი "ფერარიც" კი ვერ ახერხებს.

კარგად მახსოვს ჩემი პირველი შეხვედრა მასკთან. ეს იყო 2011 წლის შემოდგომა, მაშინ "ტესლამ" მდიდრული სედანი Model S წარმოადგინა. ღმერთს ხელი გავუწოდე, რბილად ჩამომართვა, ჩუმად მომესალმა, მორცხვი კაცის შთაბეჭდილება დატოვა. თამამად ვკითხე, როგორი განცდაა, როცა მთელი მსოფლიო შენს მანქანას ელოდება-მეთქი. ელონ მასკმა გაიღიმა და მოკლე წინადადებით მიპასუხა: "Oh, that’s okay."

ამა წლის 28 ივლისს, ფრიმონტში (კალიფორნია), ადგილობრივი დროით 21:00-ზე ისევ ყველაფერი "okay" იყო.

იმ დღეს მასკმა Model 3 წარმოადგინა. ათასობით თანამშრომელი და რამდენიმე VIP მის წინ ბავშვებივით იდგნენ. მასკმა ხელები აღმართა და თქვა: "დღეს ჩვენი კომპანიისთვის განსაკუთრებული დღეა." მერე ახალი მოდელით გასეირნების საშუალება მომცეს და ვფიქრობდი, დაუჯერებელია, რამდენს და, რაც მთავარია, როგორ მიაღწია ამ კაცმა. მისი ფირმა უკვე იმდენი ღირს, რამდენიც "ჯენერალ მოტორსი" - მინიმუმ ბირჟაზე  განაგრძეთ კითხვა