მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართველი ბიჭი, რომელმაც შვეიცარიაში 9 დღე 99 ფრანკით იმოგზაურა
05:08 / 16-02-2018
"99 ფრანკი... ბეგბედერი არაფერ შუაშია, ეს ის თანხაა, რაც შვეიცარიაში 9-დღიანი მოგზაურობისას დამეხარჯა" - გიორგი გრიგალაშვილის პოსტს შვეიცარიაში 99 ფრანკად (დაახლოებით 250 ლარი) მოგზაურობის შესახებ, სოციალურ ქსელში წავაწყდი. გიორგის დავუკავშირდი და თავისი თავგადასავლის მოყოლა ვთხოვე:
"სტამბოლიდან შვეიცარიის მიმართულებით 116 დოლარად (ორი გზა) ვნახე ბილეთები და შვეიცარიაში მოგზაურობის იდეაც ასე გაჩნდა. სტამბოლი-ჟენევა, ციურიხი-სტამბოლის ბილეთები შევიძინე და დავიწყე მოგზაურობისთვის მზადება. საიტის საშუალებით ვიპოვე მასპინძლები. couchsurfing.com არის საიტი, სადაც რეგისტრირდები, ირჩევ ქალაქს და გთავაზობს შესაძლო ვარიანტებს იმ მასპინძლებისა, ვინც მზადაა მიგიღოს. ასევე წერ განცხადებას ქალაქისა და თარიღის მითითებით და მასპინძლებსაც შეუძლიათ მოძებნონ მოგზაურები, თანხას არ ითხოვს მასპინძელი.
ბინის პრობლემა რომ მოვაგვარე, დავიწყე მზადება წასასვლელად. ვიცოდი იქაური ფასების შესახებ და ამიტომ 2 კვირის სამყოფი საკვები წავიღე: ძეხვი ვაკუუმში, სულგუნი, ჩურჩხელა, ქლიავის, გარგარის, ხურმის ჩირები, ქიშმიში, მოხალული თხილი, სნიკერსი და ლავაში. შვეიცარიაში საკვები არ მიყიდია, გარდა 1 შოკოლადის, 1 დიდი პურისა და 1 ბოთლი წყლისა.
თბილისი-სტამბოლი-ჟენევა
"ავიკიდე ბარგი და მოგზაურობა დავიწყე თბილისიდან ავტოსტოპით საღამოს 8 საათზე წავედი. დილით უკვე სარფში ვიყავი და სტამბოლშიც თავის დროზე ჩავედი. სტამბოლიდან ჟენევამდე ფრენა და ბოლოს დანიშნულების ადგილზე მოვხვდი. გადავწყვიტე აეროპორტიდან ჩემი მასპინძლების სახლამდე ავტოსტოპით მემგზავრა, მაგრამ ვნერვიულობდი, ავტოსტოპმა რომ არ იმუშაოს, ხომ დავიღუპეთქო, მაგრამ გაამართლა.
პირველი სტოპი ტაქსი იყო, რომელმაც თვითონ გააჩერა და გვითხრა გაგიყვანთ უფასოდ, რადგან არ არის უსაფრთხო აქ დგომაო (ვიწრო დასადგომი იყო ავტობანზე). ჩემი მასპინძლები მომხიბვლელ, პატარა ქალაქ ლოზანაში ცხოვრობდნენ, ტბის პირას.
შემგედი ლოკაცია შპიცი იყო, რომელიც ტუნის ტბის პირას ულამაზესი დასახლებაა. ამ ქალაქში წასასვლელად ორი ვარიანტი გვქონდა: აქტიური ავტობანი ან პასიური მთის გზა. ვინაიდან ავტობანზე სტოპი არ შეიძლებოდა, ავირჩიე მთის გზა და ნამდვილად არ შევცდი, ავტოსტოპმა ხომ გაამართლა, მაგრამ მთელი გზა საოცარი ბუნება იყო! მეორე მასპინძელშიც გაგვიმართლა. დილას გამოიყვანა სამი სამთო ველოსიპედი და სამთო ტური მოგვიწყო".
ინტერლაკენი - შვეიცარიის ალპების მარგალიტი
"შემდეგი ლოკაცია იყო ინტერლაკენი და 1939 წელს აგებული თავშესაფარში, სადაც საჭმელი და ინვენტარიც დაგვხვდა, საწოლად იყო თივა და ღამეც გავათენეთ, შემდეგ ლაუტერბრუნენის გავლით მიურენში ავედით. ბოლოს ლუცერნისკენ ავიღეთ გეზი, სიმართლე გითხრათ ლუცერნში ბევრი არაფერი გვინახავს, ამიტომ ციურიხში წავედით. იმდენად ლამაზი და მოვლილი ბუნებაა, რომ გადაადგილება არ არის დამღლელი. ფრენამდე წინა დღე მხოლოდ ციურიხს დავუთმე.
ასე დამთავრდა ჩემი პირველი მოგზაურობა ევროპაში, უძვირეს ქვეყანაში, სადაც ბევრისთვის წარმოუდგენელ ფასად ვიმოგზაურე 9 დღე. ჩემი თანხის დაახლოებით 85 ფრანკი დამეხარჯა ტრანსპორტში, ზოგ ადგილას გაჭიანურდა ავტოსტოპი და დროის ეკონომიის მიზნით ვისარგებლე მატარებლით და საბაგიროთი.
მთავარია დრო, შემდეგ კი გეგმის შედგენა, საკუთარ შესაძლებლობებში დარწმუნება, კარგი სალაშქრო აღჭურვილობა და ბიომეტრიული პასპორტი".
ნინო წიფურია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
