II მსოფლიო ომში დაკარგულ ქართველთა ახალი სია, რომელთა მონაცემებიც საძიებო კომისიამ იპოვა

უკვე წელიწადზე მეტია, AMBEBI.GE-ს მკითხველს მეორე მსოფლიო ომში უგზო-უკვლოდ დაკარგული ოჯახის წევრების შესახებ ვაწვდით ცნობებს... არაერთმა მათგანმა იპოვა წინაპრის საფლავი ან უბრალოდ, მიაგნო მასზე ცნობებს... ამჯერად, მეორე მსოფლიო ომში უგზო-უკვლოდ დაკარგულთა საძიებო კომისია 2016 წლის მუშაობის შემაჯამებელ შედეგებს აქვეყნებს, რომლის ნაწილსაც ჩვენს მკითხველს გავაცნობთ...

დოვჩირი ლიკანდრო (ან ნიკანდრო) - დაბადებული 1902 წელს, ომში გაიწვიეს 1942 წლის 11 ნოემბერს. მეუღლე ლუდმილა კონსტანტინეს ასული. უგზო-უკვლოდ დაიკარგა 1944 წლის იანვარს. ტყვედ ჩავარდნის შემდეგ, გადაყვანილი იყო სამხედრო ჰოსპიტალში (რომლის მისამართი მითითებული არ არის). ოფიციალურად მისი დაკარგვა დასტურდება 1947 წლის 22 აპრილს...

აბსავა მიხეილი კელამატის (ან კლიმენტის) ძე - დაბადებული 1907 წელს, ოჩამჩირის რაიონის სოფელ ბედიაში. დედა - ევდოკია აბსავა... დაიკარგა ტყვეობაში 1942 წელს, ხარკოვში. შემდეგი მონაცემებით, სამხედრო ბარათზე ეწერა "ლეგიონერი", მსახურობდა გერმანულ არმიაში. შემდეგ მის შესახებ მონაცემები არ მოიძებნა...

ასევე წაიკითხეთ: მეორე მსოფლიო ომში დაკარგული რამდენიმე ჯარისკაცის ნეშტი ნაპოვნია - გადაამოწმეთ ამ სიაში თქვენი წინაპარი!

აბშილავა იულანი ანდრეის ძე - დაბადებული 1919 წლის 10 მარტს. დაიღუპა 1941 წლის 7 ნოემბერს, ვიტცენდორფში. დასაფლავებულია ძმათა სასაფლაოზე...

ახალაია როდიონი ევგენის ძე - დაბადებული სოხუმში 1906 წელს. ტყვედ ჩავარდა 1941 წლის 10 იანვარს, ბელოზერკის ტყვეთა ბანაკში...

ადამია ავქსენტი - დაბადებული 1916 წელს (დაბადების მისამართი მითითებული არ არის). დაიღუპა ტყვეობაში 1942 ლუკენვალდში.

ალახანოვი მუჰამედი - ქვეითი, დაბადებული 1898 წელს გაგრაში, ჰყავდა 5 შვილი... დაიღუპა 1943 წლის 17 მარტს, როსტოვში.

ბონდარენკო ბორის ფომიჩის ძე - დაბადებული 1897 წლის 18 აგვისტოს, მეუღლე თამარა ბონდარენკო, დაიკარგა ტყვეობაში. ბორის ბონდარენკო დაიღუპა ტყვეობაში 1943 წლის 28 ივნისს, ჰამერტშეინში, დასაფლავებულია საერთო სასაფლაზე...

გაბუნი ერმოლაი (ან ერმილე) - დაბადებული 1921 წლის 25 სექტემბერს, ოჩამჩირის რაიონში. თან ჰქონდა, გერმანული არმიის ბარათი (ჩრდილოკავკასიის ლეგიონი), დაიღუპა 1944 წლის 21 მაისს საფრანგეთში.

აკოფიანი ტიგრანი, დაბადებული 1912 წელს, დაბა კოლხიდაში, ტყვედ ჩავარდა 1942 წლის 18 მაისს, ქერჩში. დაიღუპა იმავე წლის 2 დეკემბერს.. (Шталаг 326 ,Фореллькруг/Зенне) დასაფლავებულია საერთო სასაფლაოზე, სადაც მისი ნომერია 7954

მათთვის ვინც დღემდე ეძებს მეორე მსოფლიო ომის დროს ოჯახის უგზო-უკვლოდ დაკარგულ წევრებს, ვაქვეყნებთ ნომერს, +7 940 990 28 44 რომელზეც შეგიძლიათ მოკლე ტექსტური შეტყობინების სახით გაგზავნოთ თქვენი წინაპრის მონაცემე და ა.შ. კომისია შეძლებისდაგვარად გაგიწევთ დახმარებას.

ლალი პაპასკირი

AMBEBI.GE