დუშეთის რაიონში ახალგაზრდა ცოლ-ქმრის გარდაცვალების შესახებ ახალი დეტალები ხდება ცნობილი.
ერთ-ერთი ვერსიით, ქმარმა ცოლი მოკლა, შემდეგ კი თავი მოიკლა. გარდაცვლილი ქალი 32 წლის იყო, მისი მეუღლე კი - 35 წლის. მოტივი, დაუზუსტებელი ინფორმაციით, ეჭვიანობა გახდა. მათ სამი მცირეწლოვანი შვილი დარჩათ, უფროსი შვილი 13 წლისაა. არსებული ინფორმაციით, ტრაგედიის დროს ბავშვები თბილისში იმყოფებოდნენ.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 108-ე და 115-ე მუხლებითაა დაწყებული, რაც განზრახ მკვლელობასა და თვითმკვლელობამდე მიყვანას გულისხმობს.
