"მისი მდგომარეობა მძიმე და რთულია..." - რას ამბობს ლეილა აბაშიძის შესახებ დავით ოქიტაშვილი
მსახიობი ლეილა აბაშიძე თავის ტვინის იშემიური ინსულტის დიაგნოზით, ხეჩინაშვილის საუნივერსიტეტო კლინიკაშია მოთავსებული.
ამის შესახებ ინფორმაცია გაავრცელა საქართველოს კულტურის პალატის პრეზიდენტმა დავით ოქიტაშვილმა. მისივე ინფორმაციით, ლეილა აბაშიძე კლინიკაში რამდენიმე დღის წინ მოათავსეს, თუმცა, ბოლო ორი დღეა მსახიობის ჯანმრთელობის მდგომარეობა გაუარესდა.
88 წლის მსახიობის ჯანმრთელობის მდგომარეობის შესახებ დამატებითი ინფორმაციის მისაღებად, AMBEBI.GE ოქიტაშვილს დაუკავშირდა:
"ახლა დავბრუნდი კლინიკიდან. ქალბატონი ლეილა რამდენიმე დღეა ხეჩინაშვილის სახელობის საუნივერსიტეტო კლინიკაშია მოთავსებული. ტვინში აქვს გაჟონვა. დღეს, 16:00 საათზე შეიკრიბება კონსილიუმი - ექიმებს უნდათ, ოჯახის წევრებთან ერთად, მკურნალობის შემდგომ ეტაპთან დაკავშირებით (თავში კათეტერს ჩაუყენებენ) მოითათბირონ. მისი მდგომარეობა მძიმე და რთულია, თუმცა ექიმები ყველაფერს აკეთებენ იმისთვის, რომ გამოიყვანონ ქალბატონი ლეილა მდგომარეობიდან. ამჟამად მსახიობი რეანიმაციულ განყოფილებაში იმყოფება. ის ადეკვატურია, რეაგირებს საუბარზე" - გვითხრა დავით ოქიტაშვილმა.
ავადმყოფობდა თუ არა მსახიობი, ამ კითხვაზე ოქტიაშვილმა გვიპასუხა, რომ ის ბოლო პერიოდში სუსტად იყო. მისივე თქმით, მსახიობი ჩაწოლილი იყო და მისი მკურნალობის ხარჯებს ბიძინა ივანიშვილი ფარავდა. ოქიტაშვილმა აღნიშნა, რომ ამ წუთისთვის პაციენტს არაფერი სჭირდება, გარდა იმისა, რომ რაც შეიძლება მალე გამოვიდეს მდგომარეობიდან.
ლალი ფაცია
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
