31
მაისიდღის ზოგადი ასტროლოგიური პროგნოზი
რუსი ბლოგერი სოჭში სექსუალური მონების არსებობის შესახებ წერს, - წითელარმიელების ქუჩაზე, სამ წელზე მეტია არსებობს ბორდელი, სადაც გოგონებს სექსუალურ მომსახურებას აიძულებენ. მათ დოკუმენტებს ართმევდნენ, ცემდნენ და ფულს ძალავდნენ..." - ამის შესახებ ადგილობრივი გამოცემა blogsochi.ru წერს.
საქმის "ორგანიზატორი" და ბორდელის მფლობელი, დარია შარლაი და მისი მეგობარი მამაკაცი, პოლიციის პოლკოვნიკი ვიქტორ ბირიუჩენკოა.
ბორდელის მუშაობის "სისტემა" ასეთი იყო, - საგანგებოდ აგროვებდნენ გოგონების პირად მონაცემებს, მათზე "გადიოდნენ", სხვების საშუალებით იყოლიებდნენ, სთავაზობდნენ სამუშაოს, შემდეგ კი, მუდმივად აშინებდნენ, რათა გაქცევაზე არც ეფიქრათ... "სისტემის" ამ ნაწილს პოლიციის მაღალჩინოსანი აკონტროლებდა, რომელიც "დასაქმებული გოგონების" წამებაში თავად მონაწილეობდა, ჯიუტებს კი სასტიკად უსწორდებოდა...
გასული წლის ზაფხულში, ერთ-ერთმა გოგონამ გაქცევა სცადა. ის მაღაზიაში გავიდა და უკან აღარ დაბრუნდა, თუმცა, ფულისა და დოკუმენტების უქონლობის გამო, ქალაქიდან გასვლა ვერ შეძლო... ამასობაში კი ის "დაწესებულების" ერთ-ერთმა მეპატრონემ, დარია შარლაიმ იპოვა...
"იყო შემთხვევა, როდესაც ბორდელის ერთ-ერთი "დაუმორჩილებელი" გოგონა დასასჯელად, სხვებისთვის ჭკუის სასწავლებლად, - სასტიკად სცემეს, შემდეგ კი მანქანის საბარგულში ჩასვეს და ქალაქიდან ტყეში გაიყვანეს, სადაც კიდევ ერთხელ სცემეს... წყვილს გონებადაკარგული გოგონა მკვდარი ეგონა, ის ტომრით ტყეში დატოვეს. თუმცა, შემდეგ, ზედმეტი პრობლემების თავიდან ასარიდებლად მობრუნდნენ და მხოლოდ მაშინ შეამჩნიეს, რომ ის ცოცხალი იყო... გოგონა, ისევ საბარგულში ჩასვეს და ბინაში მიაბრუნეს, სადაც ორი კვირის განმავლობაში ოთახში ჰყავდათ დამწყვდეული. გოგონას მთელი ამ დროის განმავლობაში იატაკზე ეძინა", - წერს ბლოგერი პაველ სიდოროვი.
ბლოგში ვკითხულობთ, რომ ბოლო შემთხვევა, რამდენიმე დღის წინ მოხდა, - ასევე გაქცევის მცდელობისას, გოგონას, პოლიციელი და მისი მეგობარი ქალი სასტიკად გაუსწორდნენ და ფინანსური ჯარიმაც დაუწესეს, 900 ათასი რუბლის ოდენობით, რომელიც მას ბანკიდან კრედიტით უნდა აეღო... გოგონამ ამაზე უარი განაცხადა, რის გამოც რამდენიმე დღით გათბობის ბატარეაზე მიაბეს. სწორედ ამ მდგომარეობაში იპოვეს ის სისხლის სამართლის სამძებრო განყოფილების თანამშრომლებმა.
მას შემდეგ, რაც დაკითხეს და გაათავისუფლეს, უამრავი ისტორიის შესახებ გახდა ცნობილი, - რამდენიმე გოგონა, რომლებმაც სექს-მონობიდან თავის დაღწევა შეძლეს, დღემდე უგზო-უკვლოდ დაკარგულად ითვლებიან, თუმცა, პოლიციის პოლკოვნიკ ვიქტორ ბირიუჩენკოსა და მის მეგობარ დარია შარლაიზე საქმე არ აღძრულა.
ინტერნეტმომხმარებლების აგრესია გამოიწვია იმ ფაქტმა, რომ ადგილობრივ სამართალდამცავ უწყებას საქმის გამოძიება და მით უფრო, გახმაურება არ უნდა, -" ჩვენ კიდევ ერთხელ ვხედავთ რა ხდება მართლმსაჯულებაში - მაშინ, როდესაც ქალაქის ცენტრში ასეთი სასტიკი დანაშაული ხდება, სისტემა "თავისი" ხალხის ინტერესებს ლობირებს..."
"არავინ იცის, რა ხდება ქალაქის ცენტრში. ჩვენ გვიკვირს, კრიმინალური აფხაზეთის, იქ ადამიანების გაუჩინარების, მაშინ როდესაც, ქვეყნის ერთ-ერთ ყველაზე ხალხმრავალ საკურორტო ქალაქში ასეთი საშინელება ხდება," - წერს დანა ანდრეევა.
კიდევ ერთი ადგილობრივის, ლარისა შახმატოვას თქმით, ეს ყველაფერი არ არის და ასეთივე ბორდელი კიდევ ნაგორნაიას ქუჩასა და მარსკოის ასახვევშიც არსებობს. მის შესახებ ყველამ ყველაფერი იცის, თუმცა, შესაბამისი უწყებებისგან რეაგირება არ არის,"- წერს ის.
ლალი პაპასკირი
AMBEBI.GE
