ან­ტი­ბი­ო­ტი­კე­ბი­სად­მი ინ­ფექ­ცი­ე­ბის გამო მსოფ­ლი­ო­ში უამ­რა­ვი ადა­მი­ა­ნი იღუ­პე­ბა. სწო­რედ ამი­ტომ, მე­დი­კა­მენ­ტე­ბი­სად­მი რე­ზის­ტენ­ტუ­ლი ინ­ფექ­ცი­ე­ბის წარ­მოქ­მნა­სა და გავ­რცე­ლე­ბის წი­ნა­აღ­მდეგ სტრა­ტე­გი­ე­ბის შე­მუ­შა­ვე­ბაა სა­ჭი­რო.

ამ სტრა­ტე­გი­ის შექ­მნას ემ­სა­ხუ­რე­ბო­და ახალ­გაზ­რდა ქარ­თვე­ლი მეც­ნი­ე­რის მა­რი­ამ ბარ­ბო-ჯა­ვა­ხიშ­ვი­ლის სა­მა­გის­ტრო ნაშ­რო­მი გერ­მა­ნი­ა­ში, ბრე­მე­ნის ია­კობ­სის სა­ერ­თა­შო­რი­სო უნი­ვერ­სი­ტეტ­ში. მისი სა­მა­გის­ტრო თე­მის მი­ზა­ნი იყო მე­დი­ცი­ნა­ში ბაქ­ტე­რი­უ­ლი ინ­ფექ­ცი­ე­ბის მკურ­ნა­ლო­ბა­ში გა­მო­ყე­ნე­ბუ­ლი სხვა­დას­ხვა სა­ხის ან­ტი­ბი­ო­ტი­კე­ბის ბაქ­ტე­რი­ულ უჯრე­დებ­ში შეღ­წე­ვის მე­ქანზმე­ბის ბი­ო­ფი­ზი­კუ­რი მე­თო­დე­ბით შეს­წავ­ლა.

მა­გის­ტრა­ტუ­რის დას­რუ­ლე­ბის შემ­დეგ მა­რი­ამ ბარ­ბო-ჯა­ვა­ხიშ­ვილ­მა ქა­ლაქ ვი­ურცბურ­გში რუ­დოლფ-ვირ­ხო­უს ინ­სტი­ტუ­ტში პრო­ფე­სორ რო­ლანდ ბენ­ცის ლა­ბო­რა­ტო­რი­ა­ში მკვლე­ვა­რად და­ი­წყო საქ­მი­ა­ნო­ბა, მოგ­ვი­ა­ნე­ბით კი გო­თინ­გე­ნის უნი­ვერ­სი­ტეტ­ში გა­და­ვი­და და დღემ­დე გლო­ბა­ლუ­რი მნიშ­ვნე­ლო­ბის პრო­ექ­ტებ­შია ჩარ­თუ­ლი.

32 წლის მა­რი­ა­მის ფი­ზი­კას­თან კავ­ში­რი ბავ­შვო­ბი­დან და­ი­წყო. "სამ­ყა­რო, ფი­ზი­კა, ბუ­ნე­ბის კა­ნონ­ზო­მი­ე­რე­ბა - ეს ის სი­ტყვე­ბია, რომ­ლე­ბიც სახ­ლში ღრმა ბავ­შვო­ბი­დან მეს­მო­და, მა­მა­ჩე­მის, ფი­ზი­კა-მა­თე­მა­ტი­კის მეც­ნი­ე­რე­ბა­თა დოქ­ტო­რის, პრო­ფე­სორ ჯიმ­შერ ჯა­ვა­ხიშ­ვი­ლის წყა­ლო­ბით, რო­მე­ლიც რამ­დე­ნი­მე ათე­უ­ლი წლის გან­მავ­ლო­ბა­ში მოღ­ვა­წე­ობ­და თბი­ლი­სის ივა­ნე ჯა­ვა­ხიშ­ვი­ლის სა­ხე­ლო­ბის სა­ხელ­მწი­ფო უნი­ვერ­სი­ტე­ტის ფი­ზი­კის ფა­კულ­ტე­ტის თე­ო­რი­უ­ლი ფი­ზი­კის კა­თედ­რა­ზე. სწო­რედ მან შე­მაყ­ვა­რა სამ­ყა­როს წარ­მო­შო­ბა­სა და ცო­ცხა­ლი ორ­გა­ნიზ­მე­ბის აგე­ბუ­ლე­ბა­ზე ფიქ­რი და ამ სიყ­ვა­რულ­მა გა­და­მა­წყვე­ტი­ნა სა­ბო­ლო­ოდ და­მე­კავ­ში­რე­ბი­ნა ჩემი ბედი სა­ბუ­ნე­ბის­მე­ტყვე­ლო მეც­ნი­ე­რე­ბებ­თან," - იხ­სე­ნებს ახალ­გაზ­რდა მეც­ნი­ე­რი.

ასევე დაგაინტერესებთ

12:36 / 16-04-2018

ევროკომისიის პირველი ქართველი თანამშრომელი ქალი - გაიცანით, თეონა ლავრელაშვილი

პრო­ფე­სი­ის არ­ჩე­ვის დრო რომ დად­გა, მა­რი­ა­მი მიხ­ვდა, რომ მთე­ლი ცხოვ­რე­ბა თე­ო­რი­უ­ლი ფი­ზი­კის ერ­თგუ­ლე­ბა არ შე­ეძ­ლო, მაგ­რამ ბი­ო­ლო­გი­უ­რი სის­ტე­მე­ბის ფი­ზი­კუ­რი კა­ნო­ნე­ბით შე­ფა­სე­ბა და ექ­სპე­რი­მენ­ტა­ლუ­რად და­მოწ­მე­ბა ნამ­დვი­ლად იყო ის, რისი კე­თე­ბაც არა­სო­დეს მო­ბეზ­რდე­ბო­და. ამი­ტომ ჩა­ა­ბა­რა თსუ-ში ფი­ზი­კის ფა­კულ­ტეტ­ზე ბი­ო­ფი­ზი­კის გან­ხრით. თსუ-ში სწავ­ლის პა­რა­ლე­ლუ­რად, ატა­რებ­და სა­მეც­ნი­ე­რო კვლე­ვით სა­მუ­შა­ო­ებს პრო­ფე­სორ თა­მაზ მძი­ნა­რაშ­ვი­ლის ექ­სპე­რი­მენ­ტუ­ლი ბი­ო­ფი­ზი­კის ლა­ბო­რა­ტო­რი­ა­ში, მო­ნა­წი­ლე­ობ­და თსუ-ს ყო­ველ­წლი­ურ სტუ­დენ­ტურ სა­მეც­ნი­ე­რო კონ­ფე­რენ­ცი­ებ­ში.

- რო­გორ მოხ­და თქვე­ნი სა­ზღვა­გა­რეთ წას­ვლა და ამ­ჟა­მად სად და რა პრო­ექ­ტზე მუ­შა­ობთ?

- თსუ-ში სწავ­ლის დროს უკვე ვფიქ­რობ­დი, რომ ბა­კა­ლავ­რი­ა­ტის დას­რუ­ლე­ბის შემ­დეგ სა­ზღვარ­გა­რეთ გა­მეგ­რძე­ლე­ბი­ნა სწავ­ლა. ჩემი მო­ნა­ცე­მე­ბი გერ­მა­ნი­ა­ში, ბრე­მე­ნის ია­კობ­სის სა­ერ­თა­შო­რი­სო უნი­ვერ­სი­ტეტ­ში გავ­გზავ­ნე და ჩა­ვი­რი­ცხე მა­გის­ტრა­ტუ­რის პროგ­რა­მა­ზე - Molecular life sciences (მო­ლე­კუ­ლუ­რი სი­ცო­ცხლის მეც­ნი­ე­რე­ბე­ბი), სწავ­ლე­ბის სრუ­ლი და­ფი­ნან­სე­ბით.

ასე­ვე, და­მე­ნიშ­ნა ყო­ველ­თვი­უ­რი სტი­პენ­დია სწავ­ლის პე­რი­ოდ­ში სა­ცხოვ­რე­ბე­ლი ხარ­ჯე­ბის და­სა­ფა­რად. მა­გის­ტრა­ტუ­რა­ში სწავ­ლის პე­რი­ოდ­ში მო­მი­წია სხვა­დას­ხვა პრო­ფი­ლის მქო­ნე ლა­ბო­რა­ტო­რი­ებ­ში მუ­შა­ო­ბა, რა­მაც ჩემს პრო­ფე­სი­ულ ზრდა­ზე გავ­ლე­ნა იქო­ნია და უფრო ცხა­დად და­მა­ნა­ხა, თუ რა მი­მარ­თუ­ლე­ბით მინ­დო­და მო­მა­ვალ­ში მუ­შო­ბა. სა­მა­გის­ტრო თე­მა­ზე სა­მუ­შა­ოდ არ­ჩე­ვა­ნი მო­ლე­კუ­ლუ­რი ბი­ო­ფი­ზი­კის ლა­ბო­რა­ტო­რი­ა­ზე შე­ვა­ჩე­რე. სწო­რედ ამ პე­რი­ოდ­ში ვმუ­შა­ობ­დი მე­დი­ცი­ნა­ში ბაქ­ტე­რი­უ­ლი ინ­ფექ­ცი­ე­ბის მკურ­ნა­ლო­ბა­ში გა­მო­ყე­ნე­ბუ­ლი სხვა­დას­ხვა სა­ხის ან­ტი­ბი­ო­ტი­კე­ბის ბაქ­ტე­რი­ულ უჯრე­დებ­ში შეღ­წე­ვის მე­ქა­ნიზ­მე­ბის ბი­ო­ფი­ზი­კუ­რი მე­თო­დე­ბით შეს­წავ­ლა­ზე.

მა­გის­ტრა­ტუ­რის დას­რუ­ლე­ბის შემ­დეგ მოვ­ხვდი რუ­დოლფ-ვირ­ხო­უს ინ­სტი­ტუ­ტში პრო­ფე­სორ რო­ლანდ ბენ­ცის ლა­ბო­რა­ტო­რი­ა­ში მკვლე­ვა­რად. პრო­ფე­სო­რი ბენ­ცი გან­სა­კუთ­რე­ბით ცნო­ბი­ლია მიკ­რო­ო­გა­ნიზ­მებ­ში მემ­ბრა­ნუ­ლი ცი­ლე­ბის, კერ­ძოდ კა­ნა­ლე­ბის დარ­გის გან­ვი­თა­რე­ბა­ში შე­ტა­ნი­ლი წვლი­ლის­თვის. მის ჯგუფ­ში ვიკ­ვლევ­დი ერთ საკ­მა­ოდ არა­ორ­დი­ნა­ლუ­რი ქცე­ვის P13 კა­ნა­ლის ელექტრო­ფი­ზი­ო­ლო­გი­ურ მა­ხა­სი­ა­თებ­ლებს, რო­მე­ლიც მი­ე­კუთ­ვნე­ბა ლა­ი­მის და­ა­ვა­დე­ბის და შებ­რუ­ნე­ბი­თი ტი­ფის გა­მომ­წვევ ბაქ­ტე­რი­ას. ამ პრო­ექ­ტზე მუ­შა­ო­ბის მთა­ვა­რი მი­ზა­ნი იყო ამ ბაქ­ტე­რი­ი­დან გარე მემ­ბრა­ნუ­ლი ცი­ლის "დამ­ზა­დე­ბა", რო­მე­ლიც შე­იძ­ლე­ბა გა­მო­ყე­ნე­ბუ­ლი იყოს ბო­რე­ლი­ის ინ­ფექ­ცი­უ­რი და­ა­ვა­დე­ბე­ბის დი­აგ­ნო­ზის­თვის და მკურ­ნა­ლო­ბის­თვის.

ჩემი სა­მეც­ნი­ე­რო ცხოვ­რე­ბის შემ­დე­გი ეტა­პი უკვე ქა­ლაქ გო­თინ­გენს უკავ­შირ­დე­ბა. გო­თინ­გე­ნის უნი­ვერ­სი­ტეტ­ში დღემ­დე მოღ­ვა­წე­ობს ორი ნო­ბე­ლის პრე­მი­ის ლა­უ­რე­ა­ტი ბუმ­ბე­რა­ზი მეც­ნი­ე­რი, რო­მელ­თა კვლე­ვე­ბის აღ­მო­ჩე­ნე­ბი და­ე­დო სა­ფუძ­ვლად ბი­ო­ფი­ზი­კის იმ დარ­გის მი­მარ­თუ­ლე­ბას, რა დარ­გშიც მე მი­წევს მუ­შა­ო­ბა. გო­თინ­გე­ნის უნი­ვერ­სი­ტე­ტის სა­მე­დი­ცი­ნო ცენ­ტრმა მო­მა­ნი­ჭა და­ფი­ნან­სე­ბა სა­დი­სერ­ტა­ციო სა­მუ­შა­ო­ე­ბი­სათ­ვის. ჩემი სა­დი­სერ­ტა­ციო პრო­ექ­ტის მი­ზა­ნი იყო, შეგ­ვეს­წავ­ლა უჯრე­დის­თვის ერთ-ერთი სა­სი­ცო­ცხლოდ ყვე­ლა­ზე მნიშ­ვნე­ლო­ვა­ნი ორ­გა­ნე­ლის მი­ტო­ქონ­დრი­ის ში­ნა­გა­ნი "ანა­ტო­მია", რო­მე­ლიც გა­მო­ი­მუ­შა­ვებს ცო­ცხა­ლი ორ­გა­ნიზ­მე­ბის ნორ­მა­ლუ­რი ფუნ­ქი­ო­ნი­რე­ბი­სათ­ვის სა­ჭი­რო ენერ­გი­ის უდი­დეს ნა­წილს.

მი­ტო­ქონ­დრი­ამ მას­ზე და­კის­რე­ბუ­ლი ფუნ­ქი­ის შეს­რუ­ლე­ბა რომ შეძ­ლოს, ამი­სათ­ვის მას გა­აჩ­ნია გან­სა­კუთ­რე­ბუ­ლი სტრუქ­ტუ­რა. მა­გა­ლი­თად, თუ მი­ტო­ქონ­დრი­ის შიდა მემ­ბრა­ნის ნა­კე­ცო­ვა­ნი სტრუქ­ტუ­რა და­ირ­ღვა, ეს ხშირ შემ­თხვე­ვა­ში გა­მო­იწ­ვევს არა­რე­გუ­ლი­რე­ბად დაპ­როგ­რა­მე­ბულ უჯრე­დულ სიკ­ვდილს, რაც დიდ როლს თა­მა­შობს რიგი და­ა­ვა­დე­ბე­ბის, გუ­ლის და სხვა ავ­ტო­ი­მუ­ნუ­რი და დე­გე­ნე­რა­ცი­უ­ლი და­ა­ვა­დე­ბე­ბის გა­მოწ­ვე­ვა­ში. სწო­რედ მი­ტო­ქონ­დრი­ის შიდა მემ­ბრა­ნის ნა­კე­ცო­ვა­ნი სტრუქ­ტუ­რის წარ­მოქ­მნის ფაქ­ტო­რე­ბის და მე­ქა­ნიზ­მე­ბის აღ­მო­ჩე­ნა და გა­გე­ბა იყო ჩემი კვლე­ვის მთა­ვა­რი მი­ზა­ნი.

მარ­თლაც, ამ კვლე­ვის ფარ­გლებ­ში მო­ვახ­დი­ნე ასე­თი ცილა ფაქ­ტო­რის იდენ­ტი­ფი­ცი­რე­ბა და ვაჩ­ვე­ნე, რომ ეს კონ­კრე­ტუ­ლი ცილა პირ­და­პირ კავ­შირ­შია მი­ტო­ქონ­დრი­ის შიდა მემ­ბრა­ნის ნა­კე­ცო­ვა­ნი მორ­ფო­ლო­გი­ის წარ­მოქ­მნა­სა და სტა­ბი­ლი­ზა­ცი­ა­ში. ჩვე­ნი ჯგუ­ფი არის პირ­ვე­ლი, რო­მელ­მაც მო­ახ­დი­ნა ასე­თი ფუნ­ქცი­ის მქონ­დე ცი­ლის იდენ­ტი­ფი­ცი­რე­ბა და და­ხა­სი­ა­თე­ბა მი­ტო­ქონ­დრი­ის დარ­გში.

აღ­სა­ნიშ­ნა­ვია რომ, გო­თინ­გე­ნის უნი­ვერ­სი­ტე­ტის სა­მე­დი­ცი­ნო ცენ­ტრმა ამ ნაშ­რომს კა­ტე­გო­რი­ა­ში "კლი­ნი­კუ­რი მეც­ნი­ე­რე­ბა" "ძა­ლი­ან მნიშ­ვნე­ლო­ვან პუბ­ლი­კა­ცი­ის" სტა­ტუ­სი მი­ა­ნი­ჭა. ამ კვლე­ვე­ბით მი­ღე­ბუ­ლი ცოდ­ნა, რო­მე­ლიც ფუნ­და­მენ­ტუ­რი მნიშ­ვნე­ლო­ბი­საა, ამ­ჟა­მად სა­შუ­ა­ლე­ბას გვაძ­ლევს შევ­ქმნათ ისე­თი სინ­თე­ტუ­რი პეპ­ტი­დი ინ­ჰი­ბი­ტო­რე­ბი, რომ­ლე­ბიც უმ­ნიშ­ვნე­ლო­ვა­ნეს როლს ითა­მა­შე­ბენ რიგი მი­ტო­ქონ­დრი­ის ანო­მა­ლუ­რი მორ­ფო­ლო­გი­ის შე­დე­გად გა­მოწ­ვე­უ­ლი და­ა­ვა­დე­ბე­ბის წარ­მოქ­მის შე­ფერ­ხე­ბა­ში.

- რა და­გეხ­მა­რათ წარ­მა­ტე­ბის მიღ­წე­ვა­ში და რას ურ­ჩევთ ახალ­გაზ­რდებს, რას მი­აქ­ცი­ონ ყუ­რა­დღე­ბა კა­რი­ე­რუ­ლი გან­ვი­თა­რე­ბის გზა­ზე?

- მგო­ნია, რომ წარ­მა­ტე­ბის მი­საღ­წე­ვად ყვე­ლა­ზე მძლავ­რი ია­რა­ღი არის ინ­ტე­რე­სი და და­უშ­რე­ტე­ლი ცნო­ბის­მოყ­ვა­რე­ო­ბა იმ სფე­რო­სი, რო­მელ­შიც ვმოღ­ვა­წე­ობთ. ამი­ტომ ვფიქ­რობ, რომ ახალ­გაზ­რდებ­მა პრო­ფე­სი­ის არ­ჩე­ვი­სას უნდა იხელ­მძღვა­ნე­ლონ იმის მი­ხედ­ვით, თუ რა სურს და აინ­ტე­რე­სებს ჭეშ­მა­რი­და­ტად. ამით პირ­ვე­ლი ნა­ბი­ჯი კა­რი­ე­რუ­ლი წარ­მა­ტე­ბის­კენ უკვე გა­დად­გმუ­ლია. ასე­ვე, და­უ­ღა­ლა­ვი შრო­მა, პა­სუ­ხის­მგებ­ლო­ბის მა­ღა­ლი გრძნო­ბა, სა­კუ­თარ თავ­ზე მუდ­მი­ვი მუ­შა­ო­ბა და სა­ჭი­რო კონ­ტაქ­ტე­ბის მო­ძი­ე­ბა ძა­ლი­ან მნიშ­ვნე­ლო­ვა­ნი ფაქ­ტო­რე­ბია შემ­დგო­მი კა­რი­ე­რუ­ლი გან­ვი­თა­რე­ბის­თვი­სა და სა­ბო­ლოო წარ­მა­ტე­ბის­თვის.

- სა­მეც­ნი­ე­რო კა­რი­ე­რა­ში რა არის თქვე­ნი ყვე­ლა­ზე დიდი მიღ­წე­ვა?

- ჩემს ყვე­ლა­ზე დიდ მიღ­წე­ვად ჟურ­ნა­ლებ­ში - Cell Metabolism და Journal of Cell Biology და­ბეჭ­დი­ლი სტა­ტი­ე­ბი მი­მაჩ­ნია. ეს მსოფ­ლიო დო­ნის ერთ-ერთი ყვე­ლა­ზე პრეს­ტი­ჟუ­ლი და უმაღ­ლე­სი დო­ნის სა­მეც­ნი­ე­რო ჟურ­ნა­ლე­ბია. Cell Metabolism-ში გა­მოქ­ვეყ­ნე­ბუ­ლი ნაშ­რო­მით გო­თინ­გე­ნის ერთ-ერთი ად­გი­ლობ­რი­ვი გა­ზე­თი და­ინ­ტე­რეს­და და ამ ნაშ­რო­მის აღ­მო­ჩე­ნე­ბის შე­დე­გებს სტა­ტი­აც კი მი­ე­ძღვნა.

- რო­გორც ვიცი, ახალ­ბე­და დედა ხართ. რო­გო­რია თქვე­ნი, რო­გორც დე­დი­სა და რო­გორც მეც­ნი­ე­რის ცხოვ­რე­ბა?

- ჯერ კი­დევ დეკ­რე­ტულ შვე­ბუ­ლე­ბა­ში ვიმ­ყო­ფე­ბი და ჩემი ცხოვ­რე­ბის სტი­ლი ამ ეტაპ­ზე რა­დი­კა­ლუ­რად გან­სხვავ­დე­ბა იმ ცხოვ­რე­ბის სტი­ლის­გან, რაც ბავ­შვის და­ბა­დე­ბამ­დე მქონ­და. თუმ­ცა ვერ ვი­ტყვი რომ ჩემი ახა­ლი მდგო­მა­რე­ო­ბა არ მომ­წონს. პი­რი­ქით, ვე­ფე­რე­ბი და ვუფრ­თხილ­დე­ბი ჩემს შვილ­თან გა­ტა­რე­ბულ ყო­ველ წამს. კვი­რა­ში სამ­ჯერ, რა­მო­დე­ნი­მე სა­ათს ვა­ტა­რებთ სხვა­დას­ხვა კონ­ცეფ­ცი­ის სა­ბავ­შვო ჯგუ­ფებ­ში, სა­დაც ჩემს პა­ტა­რას შე­საძ­ლებ­ლო­ბა აქვს თა­ვი­სი ასა­კის ბავ­შვებ­თან ურ­თი­ერ­თო­ბის, რაც თა­ვის­თა­ვად ხელს უწყობს ად­რე­უ­ლი ასა­კი­დან სო­ცი­ა­ლუ­რი ურ­თი­ერ­თო­ბე­ბის დამ­ყა­რე­ბა­ში.

ასე­ვე ასე­თი ტი­პის ჯგუ­ფებ­ში და­ნერ­გი­ლი პროგ­რა­მე­ბი მო­ი­ცა­ვენ ისე­თი ტი­პის თა­მა­შებს და აქ­ტი­ვო­ბებს, რაც ბავ­შვს ეხ­მა­რე­ბა ფიქ­რის, შეგ­რძნე­ბე­ბის და ინ­დი­ვი­დუ­ა­ლიზ­მის გან­ვი­თა­რე­ბა­ში, მშობ­ლებს კი სა­შუ­ა­ლე­ბას გვაძ­ლევს შე­ვის­წავ­ლოთ ჩვე­ნი შვი­ლის ფსი­ქო­ლო­გია და აქ­ტი­უ­რად და­ვაკ­ვირ­დეთ მათ ქმე­დე­ბებს ჩვენ­თან და სხვა ბავ­შვებ­თან მი­მარ­თე­ბა­ში.

რაც შე­ე­ხე­ბა ჩემი ჩვე­უ­ლი ცხოვ­რე­ბის სტილს, ის საკ­მა­ოდ მრა­ვალ­ფე­რო­ვა­ნია. მეც­ნი­ე­რე­ბის გარ­და, ჩემი ცხოვ­რე­ბის გა­ნუ­ყო­ფელ ნა­წი­ლად იქცა მოგ­ზა­უ­რო­ბა, კუ­ლი­ნა­რია, სიმ­ღე­რა. ძა­ლი­ან მიყ­ვარს ოპე­რა და ბა­ლე­ტი, შე­სა­ბა­მი­სად ოპე­რი­სა და ბა­ლე­ტის თე­ატ­რის ხში­რი სტუ­მა­რი ვარ. ასე­ვე ჩვენ­თან რე­გუ­ლა­რუ­ლად იკ­რი­ბე­ბი­ან მე­გობ­რე­ბი და კო­ლე­გე­ბი, ვირ­ჩევთ თე­მას და ამ თე­მის ირ­გვლივ ვმსჯე­ლობთ. ვთვლი, რომ ვარ ე.წ. foodie.

- სა­ხელ­გან­თქმულ სა­მეც­ნი­ე­რო ლა­ბო­რა­ტო­რი­ებ­ში საქ­მი­ა­ნო­ბის შემ­დეგ, სა­ქარ­თვე­ლო­ში დაბ­რუ­ნე­ბას თუ გეგ­მავთ?

- სა­ქარ­თვე­ლო­ში დაბ­რუ­ნე­ბა და სა­ზღვარ­გა­რეთ შე­ძე­ნი­ლი ცოდ­ნი­სა და გა­მოც­დი­ლე­ბის ახა­ლი თა­ო­ბის­თვის გა­ზი­ა­რე­ბა - ეს ჩემი დიდი სურ­ვი­ლია. ამას იზი­ა­რებს ჩემი მე­უღ­ლე, დოქ­ტო­რი იან ბარ­ბო, რო­მე­ლიც თვი­თო­ნაც მზად არის თა­ვი­სი ცოდ­ნა და მრა­ვალ­წლი­ა­ნი გა­მოც­დი­ლე­ბა გა­უ­ზი­ა­როს სა­ქარ­თვე­ლოს და და­ეხ­მა­როს ინო­ვა­ცი­უ­რი მე­თო­დე­ბის გან­ვით­რე­ბა­სა და და­ნერგვა­ში გა­ნახ­ლე­ბა­დი ენერ­გი­ე­ბი­სა (მაგ: ბი­ო­ე­ნერ­გი­ის წარ­მო­ე­ბა) და ინ­დუსტრი­უ­ლად და­ბინ­ძუ­რე­ბუ­ლი წყლის და­მუ­შა­ვე­ბა/გაწ­მენ­და დარ­გებ­ში.

თუმ­ცა ჯერ-ჯე­რო­ბით რა­ი­მე კონ­კრე­ტუ­ლი გეგ­მა, ან შე­მო­თა­ვა­ზე­ბა არ გვაქვს და სა­ქარ­თვე­ლო­ში დაბ­რუ­ნე­ბის სურ­ვი­ლი ამ ეტაპ­ზე, სამ­წუ­ხა­როდ, მხო­ლოდ სურ­ვი­ლად რჩე­ბა.