ნოდარ გუგეშაშვილის მეგობრის კომენტარი დაკითხვის შემდეგ

ნოდარ გუგეშაშვილის მეგობრის, ბიძინა ალადაშვილის განცხადებით, გამომძიებლები დაინტერესდნენ, ჰქონდა თუ არა გუგეშაშვილს კონფლიქტი წლების წინ, სტუდენტობის დროს.

როგორც ალადაშვილმა აღნიშნა, მისთვის უცნობია, ჰქონდა თუ არა კონფლიქტი ნოდარ გუგეშაშვილს ან საერთოდ ვისთან შეიძლება ჰქონოდა მას რაიმე სახის კონფლიქტი. მისი თქმით, სწორედ ეს უთხრა სამართალდამცველებს გამოკითხვისას.

გარდა ამისა, ბიძინა ალადაშვილის ინფორმაციით, გამომძიებლებს აინტერესებდათ, ჰქონდა თუ არა იარაღი სახლში გუგეშაშვილს, რასთან დაკავშირებითაც, როგორც გუგეშაშვილის მეგობარი ამბობს, მას ინფორმაცია არ აქვს.

ინფორმაციას ტელეკომპანია "რუსთავი 2" ავრცელებს.

წაიკითხეთ ასევე: დოდო გუგეშაშვილმა ვაჟის გარდაცვალების შესახებ არაფერი იცის: "ველოდებით მეუფის მოსვლას, რომ უთხრას შვილის ამბავი"